旺角某商場保安放生偷拍疑兇 男扮女裝入女廁偷拍 !女事主控訴保安懶理 3大反智處理手法+反斥事主「太冷靜」|玩樂熱話
旺角某商場保安放生偷拍疑兇 男扮女裝入女廁偷拍 !女事主控訴保安懶理 3大反智處理手法+反斥事主「太冷靜」|玩樂熱話

旺角某商場保安放生偷拍疑兇 男扮女裝入女廁偷拍 !女事主控訴保安懶理 3大反智處理手法+反斥事主「太冷靜」|玩樂熱話

外出購物買衫,難免要試吓身才知道適不適合,但就有不法分子睇準這個時機進行犯法行為!近日一位女士在Facebook上發文指,她在旺角某商場的女廁試衫時遇到偷拍事件,於是向保安反映及求助,但保安反應冷淡,及後一連串的處理手法更讓疑兇被放生。

撰文:米娜|來源:事主授權、[email protected]天水圍友的社運日記、相關機構、新假期編輯部、TVB劇照

旺角某商場保安放生女廁偷拍疑兇!
女事主控訴保安懶理 3大反智處理手法+反斥事主「太冷靜」

事發於2021年10月7日(四)晚上8:30左右,事主於旺角新之城3樓女廁試身,指「當時身邊冇同行嘅人,而女廁裡面排隊嘅人唔多,但算有人流嘅。」當試完新褲之後離開廁格照鏡,而原有衣物暫放在廁格內,突然有位女士A走近,細細聲同事主講,「我右邊嗰格有個男扮女裝嘅人入咗去,衣個人曾經偷拍過佢,但最後走甩咗。」

女事主指在旺角新之城女廁被偷拍(圖片來源:旺角新之城)
女事主指在旺角新之城女廁被偷拍(圖片來源:旺角新之城)
女事主控訴保安懶理(圖片來源:事主授權)
女事主控訴保安懶理(圖片來源:事主授權)

由於女事主衣物仍在廁格內,所以走入廁格並關門,但就沒有做任何動作,不出10秒內,左上角真的有電話鏡頭伸出,但偷拍者可能發現事件曝光,於是即刻縮手,女事主嚇到即刻攞嘢衝出廁格,同時A已經帶了一位中年男保安站在女廁門囗外面,另外有一位長駐女廁的清潔姨姨。

腹痛部位常與相關疾病有關,記得記下相關症狀,以便醫生診斷。
(圖片來源:新假期編輯部)

反智處理手法1:男保安突然無理大嗌

然而男保安突然向女廁大嗌:「有個男扮女裝入咗去喎~~」,事主看得一頭霧水,直指唔明大嗌的目的是什麼?「大家本身諗住低調捕佢出嚟,你而加又唔係行入去處理,又唔似係命令佢出嚟,又冇叫女職員增援,淨係企喺出面齋嗌有乜用。佢隨時del哂啲證據,真係多得你唔少」

反智處理手法1:男保安突然無理大嗌(圖片來源:TVB劇照)
反智處理手法1:男保安突然無理大嗌(圖片來源:TVB劇照)

反智處理手法2:未封路讓疑兇逃去

然後事主呼籲正在排隊的女仔暫時不要進去,「當時我嘅企位係面向出口,背向廁格。有啲用完廁所嘅人陸續離開,突然之間,守喺門囗嘅A喺廁所外面大聲嗌:「係咪佢呀?」原來個兇手已經同我擦身而過,趁我哋唔為意行出咗洗手間。」

公廁
反智處理手法2:未封路讓疑兇逃去(圖片來源:新假期編輯部)

反智處理手法3:疑兇走咗都慢慢追

於是事主與女士A一同追出去,「我哋淨係隱約見到兇手喺新之城電梯落咗下一層,我哋勁激動咁叫個保安追同call人,點知佢嘅回應係:「佢冇喉核咖喎」,然後慢慢”追”落電梯。谷…氣,你唔追我追。最後我追到落地下都唔見佢,唔知係咪喺旺中混路走咗,捉佢唔到,而佢好大機會已經拍咗唔知幾多條片⋯⋯」

反智處理手法3:疑兇走咗都慢慢追(圖片來源:Pexels)
反智處理手法3:疑兇走咗都慢慢追(圖片來源:Pexels)

無人幫皆因事主「太冷靜」?

然而事情未正式完結,女事主見捉唔到人,於是求助控制室外的新之城女主管和女保安,「我行過去話我想講番事發經過,可唔可以幫忙記低。女主管(意思上)第一時間話冇”落口供”嘅做法,一係報警,我唯有照講哂先。開頭就算我話我俾人影,佢嘅反應都係好硬好冷淡,好似唔care我感受,直至我講到出口真係驚,佢先表現番多少同理心,成個過程來來回回講咗好多,但有啲說話我唔明點解會講得出」以下為女主管與事主對話節錄。

女主管:「你哋明明有兩個人,應該一個守住,另一個去服務台搵人吖嘛」
事主:「我哋連保安都搵埋番嚟喇喎~我哋以為佢做到野咖喎~點知佢會企咗喺度啫?」
女主管:「哈哈,都明嘅~佢係外判保安嚟,我話唔到佢,不過會幫你反映」
事主:「件事已經發生咗,既然知道個變態佬唔係第一次喺度搵食,你哋可唔可以貼番啲告示叫大家留意下? 」
女主管:「唔得,衣啲係私隱」
事主:「就算唔Show樣,文字都唔得?」
女主管:「唔得,衣啲人周街都有,你見唔見其他商場會痴告示?」
女主管:「你到而加表現都好冷靜吖。可能因為你太冷靜,個保安感受唔到,唔明你哋講咩,所以咪俾唔到你想要嘅反應~你咁樣冇用咖,你要大聲嗌『非禮』,大家先可以幫你捉佢咖嘛~」

廁所
無人幫皆因事主「太冷靜」?(圖片來源:新假期編輯部)

女事主事後直言驚到好想喊,在廁格內與該名偷拍狂只有一板之隔,好恐怖又好嬲,然而對於商場方不貼上告示提醒其他使用廁所的人士,亦感到十分不解,除此之外,商場保安的處理手法明顯不恰當,呼籲無論男定女,去公共廁所要額外警惕,好好保護自己。

事主原文1(圖片來源:事主授權報道)
事主原文1(圖片來源:事主授權報道)
事主原文2(圖片來源:事主授權報道)
事主原文2(圖片來源:事主授權報道)
事主原文3(圖片來源:事主授權報道)
事主原文3(圖片來源:事主授權報道)
事主原文4(圖片來源:事主授權報道)
事主原文4(圖片來源:事主授權報道)

最新吃喝玩樂資訊