日本YouTuber帶女友入餐廳食飯 同9個前度坐一枱!大整蠱最後點收科!?|網絡熱話
日本YouTuber帶女友入餐廳食飯 同9個前度坐一枱!大整蠱最後點收科!?|網絡熱話

日本YouTuber帶女友入餐廳食飯 同9個前度坐一枱!大整蠱最後點收科!?|網絡熱話

成日聽到人話結婚請前度,雖然今次就唔關結婚事,純粹係餐廳食飯,不過如果帶女朋友食飯嘅餐廳,入面坐滿你的前度,你又會點做呢?日本YouTuber拉斐爾帶現任女友食飯,點知同場坐滿晒佢嘅前度,真係嚇到唔知畀咩反應好。

撰文:KM|圖片來源:YouTube截圖|原片:日本的拉斐爾中字官方頻道

日本YouTuber拉斐爾被整蠱

日本真係好多整蠱節目,今次YouTuber拉斐爾就成為整人綜藝節目嘅目標,同事喺拉斐爾食飯嘅地方安排咗一堆佢嘅前度,數量多到一間房都坐唔晒,睇睇拉斐爾見到呢個場面會有咩反應!

日本
成間餐廳坐滿9個前女友(圖片來源:「日本的拉斐爾中字官方頻道」截圖)

前度逐一剖白:我很討厭他!

影片中見到多個前度逐一自我介紹,好多都後生得嚟又幾靚女。問到呢班前度點睇拉斐爾,大家都異口同聲話:「我很討厭他」、「不想看見他」。

日本
在拉斐爾之前的片中出現過的女孩也是其中一個前度(圖片來源:「日本的拉斐爾中字官方頻道」截圖)
日本
大家都紛紛表示很討厭拉斐爾(圖片來源:「日本的拉斐爾中字官方頻道」截圖)
日本
前度們異口同聲:「我很討厭他」(圖片來源:「日本的拉斐爾中字官方頻道」截圖)

主角出場!

介紹完前度之後,終於輪到主角出場。拉斐爾帶住女朋友入到呢間壽司店,點知女朋友一入到去就見到識得嘅人,仲要未知佢就係拉斐爾嘅前度,真係嚇到呆一呆。

日本
拉斐爾帶住女朋友入壽司店(圖片來源:「日本的拉斐爾中字官方頻道」截圖)
日本
拉斐爾現任女朋友(圖片來源:「日本的拉斐爾中字官方頻道」截圖)

嚇到躲進洗手間

拉斐爾坐低冇耐就見到一堆前度,嚇到佢即刻去洗手間要冷靜下:「這真是不得了,有點糟糕。」。點知去到洗手間,又畀個朋友帶咗去另一間房,一打開門又見到另一個前度,最過癮個前度都話想去見見拉斐爾嘅現任,真係嚇到個心都離一離。

日本
另一間房都見到前度(圖片來源:「日本的拉斐爾中字官方頻道」截圖)

拉斐爾返到吧台先係災難嘅開始,其中一個前度問到佢哋幾時喺埋一齊,現任就話4月尾,點知前女友表示:「我們是4月尾分手的」,原來拉斐爾一腳踏兩船!!!現場氣氛真是尷尬極了!

日本
原來拉斐爾一腳踏兩船(圖片來源:「日本的拉斐爾中字官方頻道」截圖)
日本
前女友表示:「我們是4月尾分手的」(圖片來源:「日本的拉斐爾中字官方頻道」截圖)

呢次嘅整蠱真係玩大咗,搞到成餐飯個氣氛都怪怪哋,感情呢回事真係要好好處理先得!不過也不得不佩服可以找來歷代前度過來聚首一堂,這個機會真的絕無僅有!

最新吃喝玩樂資訊