迪士尼樂園
迪士尼樂園

迪士尼樂園有隱藏版快證 時效仲長達16年?原因超窩心 網民:迪士尼真世一

熱話

廣告

相信大部份去主題樂園玩嘅朋友,最討厭嘅部份都係排隊,特別係喺旅遊旺季,受歡迎嘅遊樂設施排隊隨時要一、兩個鐘。迪士尼樂園嘅快速通行券(FASTPASS)就可以幫手減少排隊時間。日前就有位網民分享自己16年前於東京迪士尼領取嘅快速通行券,到咗今日都仲有效,而上面仲特別寫明一樣嘢,就係身高必須要符合最低要求先可以使用,究竟呢張快速通行券點解會咁特別?

迪士尼樂園原來有隱藏版快證 時效仲長達16年?
原因超窩心 網民:迪士尼真世一

「日本省錢小站」群組近日分享咗一位日本網民嘅Twitter,講到佢係5月10日去咗迪士尼樂園玩,仲帶埋咗佢16年前入園時派發嘅未來快證用!當年佢想玩「憤怒雙神」(Raging Spirits),辛辛苦苦排隊之後先發覺身高唔夠最低要求而無得玩,佢當然非常失望,於是職員就派咗一張未來可以用嘅快速通行券,希望佢將來夠高之後再返嚟玩可以唔使排隊,真係好窩心!

迪士尼樂園 東京迪士尼 唔知有幾多個人喺度摷緊櫃桶呢?
唔知有幾多個人喺度摷緊櫃桶呢?(圖片來源:[email protected]日本省錢小站)
迪士尼樂園 東京迪士尼 2006年保存到而家仲好新淨。
2006年保存到而家仲好新淨。(圖片來源:[email protected]_4114_IEL)
迪士尼樂園 東京迪士尼 身高限制必須係117 cm以上。
身高限制必須係117 cm以上。(圖片來源:東京迪士尼樂園官網)

呢一則Twitter喺網上引起好大迴響,甚至吸引咗大眾媒體採訪嘅邀請,但被呢位低調網民禮貌拒絕咗,而一眾網民都喺Twitter紛紛回應,原來有好多人都喺呢幾日用咗自己細個嗰陣時領取嗰張快速通行券,仲同樣係喺「憤怒雙神」呢個遊樂設施!有位朋友就話俾媽咪逼佢用咗好多張,淨返最後一張就擺咗喺電話套留念;有個窩心嘅網民就一早喺個仔細個嘅時候幫佢攞咗好多快證,諗住今年生日一次過俾曬佢!

迪士尼樂園 呢位網民1歲就拎定通行證,上面仲有米奇老鼠嘅簽名添。」
呢位網民1歲就拎定通行證,上面仲有米奇老鼠嘅簽名添。」(圖片來源:[email protected]
迪士尼樂園 當年嘅小朋友今年己經22歲!
當年嘅小朋友今年已經22歲!(圖片來源:[email protected]
迪士尼樂園 快正常並無寫明有效日期,你鍾意幾時用都得。
快正常並無寫明有效日期,你鍾意幾時用都得。(圖片來源:[email protected]

原來咁樣可以拎到未來通行證 網民:不愧係夢之國

好多網民都齊齊分享自己領取通行券嘅經歷,原來唔止東京迪士尼,日本環球影城都有類似嘅通行証。有時一家大細去玩,小朋友一齊排隊,就算佢哋唔夠高都可以拎咗未來通行證先,期望第時大個再返嚟玩,回到未來嘅感覺會令到小朋友覺得好夢幻;除咗身高限制之外,如果排左隊好耐嘅遊樂設施故障,樂園都會派番通關券俾你下次用。仲有網民分享係使用通關券嘅時候,除咗可以行特別通道,如果賣口乖工作人員仲有可能送嘢俾你㖭!

迪士尼樂園 日本環球影城都可以用同樣方法拎快證。
日本環球影城都可以用同樣方法拎快證。(圖片來源:[email protected]
迪士尼樂園 小朋友就算冇得玩都冇咁唔開心!
小朋友就算冇得玩都冇咁唔開心!(圖片來源:[email protected]日本省錢小站)
迪士尼樂園 人人都有快證,咁張證仲快唔快?
人人都有快證,咁張證仲快唔快?(圖片來源:[email protected]日本省錢小站)
迪士尼樂園 擦下鞋又有紀念品收。
擦下鞋又有紀念品收。(圖片來源:[email protected]日本省錢小站)
迪士尼樂園 話晒都全球最賺錢嘅迪士尼,冇計錯數嘅!
話晒都全球最賺錢嘅迪士尼,冇計錯數嘅!(圖片來源:[email protected]日本省錢小站)

常見問題

迪士尼樂園有隱藏版快速通行證?

近日有網民指出他曾領取了一張為期16年的快證,由…詳情

為何快證的使用期限那麼長?

因為迪士尼樂園…詳情

最新吃喝玩樂資訊