日本冬天冇咁凍?!5大令人掛住的溫暖位:周街飲到熱粟米湯、暖笠笠廁板!|網絡熱話
日本冬天冇咁凍?!5大令人掛住的溫暖位:周街飲到熱粟米湯、暖笠笠廁板!|網絡熱話

日本冬天冇咁凍?!5大令人掛住的溫暖位:周街飲到熱粟米湯、暖笠笠廁板!|網絡熱話

鄉下日本嘅凍,相信大家都十分熟悉!日本一到冬天溫度有機會急降至零度以下,相當寒冷,因此日本有不少為了對抗嚴寒天氣的貼心設計,到處都有各種保暖措施,難怪冬天去日本,總是有種特別幸福的感覺!

撰文:Cynthia|圖片:新傳媒資料室、網絡圖片

日本冬天暖過香港?令人想念的5大日本溫暖位!

1. 溫暖的廁板

天氣一凍,去廁所就會變成一件非常痛苦的事,每次都要鼓起勇氣坐落凍冰冰的廁板上!呢個時候就會非常懷念日本,日本的大部分廁板都有預熱功能,坐上去暖暖的好舒服!

日本廁所功能超無敵,好多網友盛讚暖又餘又可以洗屁股。
日本廁所功能超無敵,好多網友盛讚暖又餘又可以洗屁股。

2. 自動販賣機有熱湯!

香港的嘅自動販賣機向來都只有凍飲,近年7-11或OK 便利店好咗少少,終於有個櫃可以買到暖飲,但無論如何都比不上日本的自動販賣機!四圍都見到,有大量好飲熱湯,當中必飲的粟米湯有粒粒粟米,飲完成個人都暖晒!

必飲的粟米湯有粒粒粟米,飲完成個人都暖晒!
必飲的粟米湯有粒粒粟米,飲完成個人都暖晒!

3. 四圍都有暖氣

冬天的時候,好多香港店舖、屋企都未必有暖氣,行入室內都依然有種凍冰冰的感覺!暖氣幾乎係日本每家每戶的必備物品,連地板都暖笠笠,係戶外玩到凍,就可以即刻入便利店保保暖!

日本冬天
日本大部分的商場、交通工具、酒店等,都會有暖氣。

4. 乾凍VS濕凍

好多人都會覺得香港幾度都已經比日本的負十幾度凍,其中一個原因,就就香港濕氣比較重,屬於濕凍,所以一有風或者落雨,就會凍到入骨!

日本冬天
去日本唔想凍親,只要包到實一實,唔好畀皮膚暴露於空氣之中就可以啦!

5. 瘋狂浸溫泉

每次冬天去日本的指定動作,就是浸溫泉!想日浸夜浸首選溫泉旅館,而日本亦有大量溫泉浴場,以東京為例,就有足足7百多間,幾乎係總有一間喺左近!

日本冬天
日本有溫泉館,想浸溫泉好方便!
日本冬天
一浸完成個人就暖晒!

最新吃喝玩樂資訊