打工仔
打工仔

打工仔被老闆誤會英文好+要同外國人開會 真相揭穿結局出人意表|網絡熱話

熱話

廣告

打工仔最怕就是遇到一個麻煩老闆,或者是討人厭的同事,不過最近有打工仔就大呻最怕的是英文!事緣網上有位打工仔,因為疫情關係,早前可以網上見工。為了見得成工,當然在事前準備英文講稿並練習口音,令老闆誤以為他英文超流利,最後如願以償成功有Offer。不過,惡夢才剛剛開始,本身給老闆睇好的打工仔當然好開心,但後來的發展卻令他非常苦惱!

被老闆誤會英文好好 指派與外國人開會!

呢位打工仔超初在網上見工,在鏡頭下以準備好的英文講稿面試,令老闆覺得他有極好的英語能力!「由細到大英文都好屎,食正肺炎可以online interview,心諗fatfat啦,可以一邊開cam一邊跟稿讀。最後都如願以償,好快有offer成功入到新公司打工!」

但惡夢才是剛剛開始,事關在簽約時,老闆依然以為打工仔英文非常流利,更主動問他為甚麼英語能力那麼強,本身給老闆讚當然好開心,但後來老闆叫他每日與外國人開會,就令打工仔大叫好慘!「間公司日日都要同啲鬼佬開會,我次次都成個grad din咁坐係度,成個賓賓咁yes yes yes,完全唔知佢地up wt。」

打工仔 有打工仔大呻被老闆睇重!
有打工仔大呻被老闆睇重,但其實自己英文好差!(圖片來源:ViuTV《大叔的愛》劇照)
打工仔 原因係老闆以為打工仔英語流利,被迫與外國人開會。
原因係老闆以為打工仔英語流利,被迫與外國人開會。(圖片來源:連登討論區)

打工仔口窒窒 老闆:「唔好咁緊張 知你英文好掂」

開會事小,打工仔依然可以「agree」、「yes」帶過,不過後來打工仔卻被老闆叫入房。「原本以為佢會鬧我或者炒左我架啦。點知佢同我講叫我唔好咁緊張,知我英文其實好掂,仲叫我過兩日開會露兩手,比個c位我主持大局,我真係呆左。」給老闆棒到天咁高的打工仔,當堂就要在網上發文,叫網友幫幫手,「兩日內點可以將一個英文拎2既人變5**」!

打工仔 最後更指派做開會主持人,令打工仔身心俱疲。
最後更指派做開會主持人,令打工仔身心俱疲。(圖片來源:連登討論區)
打工仔 老闆更指知佢會掂!
老闆更指知佢會掂!(圖片來源:ViuTV《大叔的愛》劇照)

英文差開會最好方案 網友:拋個波俾人

面對打工仔的問題,不少網友都出盡全力,提供解決方案,有人認為開會不外乎是「拋波」,「主持大局淨係識講一句英文就得,hey xxx what’s your opinion,將個波扔比相關人士講」「你都識講你主持,梗係人地要聽你支笛,你即時叫其他人幫手講有咩睇法跟住就得!」不過有網友就指倒不如當日扮病,令會都開唔成!「我建議今日響老細面前扮咳 ,聽朝早send 張陽性圖比佢,話發燒要放大假。」

打工仔 有網友覺得做主持可以拋波俾人講!
有網友覺得做主持可以拋波俾人講!(圖片來源:連登討論區)
打工仔 有網友覺得做主持更可掌握大局。
有網友覺得做主持更可掌握大局。(圖片來源:連登討論區)
打工仔 有人建議可以Sick leave。
有人建議可以Sick leave。(圖片來源:連登討論區)

而有網友則非常勵志,指自己英文也算差,但「只要你不尷尬,尷尬的就是別人」嘗試講多點英文,在工作中學習外語也是不錯,而在開會前先寫稿,當儲經驗「仲有兩晚時間盡力練下,就算後日唔完美咪當儲下經驗。」

打工仔 有網友覺得可以以此為經驗,再盡力練習英文。
有網友覺得可以以此為經驗,再盡力練習英文。(圖片來源:連登討論區)
打工仔 在工作中學習外語其實也是不錯。
在工作中學習外語其實也是不錯。(圖片來源:ViuTV《大叔的愛》劇照)

打工仔再Update!開會情況超尷尬

大家當然追問打工仔的開會情況,打工仔指開會時口窒窒是基本,每次有人Dead Air先知原來又到佢出聲,而啲外國人也面露不悅,開完會後bye-bye都無句就走出會議室。最驚的是老細讚打工仔講得好!更指以後呢個會都交畀佢,仲話啲嘢未咁快上手係正常,真係恭喜呢名打工仔了,以後有多個途徑練習英文……

打工仔 諗都諗到開會時好尷尬
諗都諗到開會時好尷尬(圖片來源:連登討論區)

資料來源:連登討論區

圖片來源:ViuTV《大叔的愛》劇照、連登討論區

最新吃喝玩樂資訊