大埔 情侶
大埔 情侶

大埔MMA|譚仔三哥米線門口:情侶街頭鉸剪腳打架!官方回應事件| 玩樂熱話

熱話

廣告

大埔MMA|近日大埔譚仔三哥門口一對情侶突發街頭打交,但女方似乎食過夜粥,使出一招奪命較剪腳外加360度大風車, 即時將男生擊倒在地,本以為這就是事件的高潮,但譚仔阿姐此時出現調停二人,更一手一個,將激動的二人制服,現場觀眾目瞪口呆之餘, 網民更覺得事件不可置信,有做假之嫌。

譚仔三哥大埔分店門口有情侶街頭MMA 女生鉸剪腳+360度大風車!譚仔阿姐先係真正大佬?

9月26日下午大埔發生一宗街頭打交事件,影片被街坊上傳至「香港米線關注組」,事發地點疑似位於大埔八號花園的譚仔三哥門外,正在等外賣的二人正在「耍花槍」,但事件逐步升級,男生更將女生一手抱起,點知個女仔身手敏捷, 使出一招奪命鉸剪腳,穩定重心後再施展大風車掛頸迴旋,將男生「撻生魚」咁撻落地下!就係呢個時候紅衣譚仔阿姐從店內走出勸交,但二人情緒激動,男生仲試圖將阿姐推開,但見阿姐一手一個箍頸並勸阻, 情侶才慢慢冷靜下來。

大埔 情侶耍花槍本事家常事。
情侶耍花槍本事家常事。(圖片來源:[email protected]香港米線關注組)
大埔 但男生將女生一手抱起。
但男生將女生一手抱起。(圖片來源:[email protected]香港米線關注組)
大埔 傳說中嘅奪命鉸剪腳。
傳說中嘅奪命鉸剪腳。(圖片來源:[email protected]香港米線關注組)
大埔 加上風車大迴旋。
加上風車大迴旋。(圖片來源:[email protected]香港米線關注組)
大埔 男仔立刻被撻倒在地。
男仔立刻被撻倒在地。(圖片來源:[email protected]香港米線關注組)
大埔 但原來譚仔阿姐亦是武林高手。
但原來譚仔阿姐亦是武林高手。(圖片來源:[email protected]香港米線關注組)
大埔 一手一個張二人制服。
一手一個張二人制服。(圖片來源:[email protected]香港米線關注組)

網民: 民間隱世高手!

現場可以見到觀眾睇到「嘩嘩聲」,網民更加大感驚奇, 認為「大埔有好多隱藏高手」,現場今次是上演「週末摔角大狂熱」,認為二人既然一齊打開摔角,今次打鬧應該很快平復;有人更要求片中男主角「千祈唔好分手大哥,千祈唔好害死我哋」。 有趣的是有網民將譚仔阿姐四両撥千斤的身手比喻為電影《功夫》中的太極拳, 維肖維妙!

大埔
(圖片來源:[email protected]香港米線關注組)
大埔
(圖片來源:[email protected]香港米線關注組)
大埔
(圖片來源:[email protected]香港米線關注組)
大埔
(圖片來源:[email protected]香港米線關注組)
大埔
(圖片來源:[email protected]香港米線關注組)

網民懷疑真實性!競猜:拍廣告姐!

不過亦有網民唔收貨,認為事件誇張程度媲美拍電影,更有網民表示早幾日於現場見到有人set機試拍。 有網民就由泰拳角度出發,認為大風車一招如果不是雙方有配合,很難如此順利完成, 因為對方如有絲毫掙扎女生亦不會隨即企得返起身。 更有人發現譚仔三哥最近的推廣打着「辛、椒」的旗號, 懷疑街頭打交出招乃是其中一個廣告營商策略!MMA地點位於大埔一間譚仔三哥米線門口,有媒體向譚仔三哥米線查詢,被告知當時是在拍戲。

大埔
(圖片來源:[email protected]香港米線關注組)
大埔
(圖片來源:[email protected]香港米線關注組)
大埔
(圖片來源:[email protected]香港米線關注組)
大埔
(圖片來源:[email protected]譚仔三哥米線)

譚仔三哥米線發文回應事件:

噚日,一對黑白情侶現身三哥大埔八號花園分店門口,白衫女向黑衫哥連環使出鉸剪腳、撻生魚等絕技,眼見戰情激烈,三哥姐姐都忍唔住衝出來雙龍出海,一手拉一個,希望佢哋冷靜啲,唔好再嗌交⋯

其實以上高手過招,都係為星期四推出嘅新產品「黑白辛椒式」 – 【煳椒肉骨湯米線】嘅預熱快閃宣傳,瞞住大家、嚇親你哋,喺度講聲唔好意思

今次出招,我哋特別搵嚟非常專業、從事影視演出嘅特技人團隊參演,佢哋都有充份綵排、做足安全措施(有眼利觀眾都留言話見到佢地戴齊護腰護膝架)!

快閃宣傳需要特技人瞓身演出,而要無間斷為三粉奉上美食,就有三哥姐姐嘅全情投入。不論特技人抑或姐姐都係勞苦功高,我哋一齊再次畀啲掌聲一班幕後英雄

大埔 譚仔三哥米線回應
譚仔三哥米線回應(圖片來源:[email protected] tamsnoodle)

常見問題

大埔譚仔三哥門口發生什麼事?

有網民上載影片一男一女街頭打鬧的場面,女方使出MMA的招式,但仍不及譚仔阿姐…詳情

譚仔三哥如何回應大埔MMA事件?

由於大埔男女MMA事發地點,為大埔一間譚仔三哥米線門口,譚仔三哥米線回應事件,表示……

撰文:KW圖片來源:[email protected]香港米線關注組、 [email protected]譚仔三哥米線

最新吃喝玩樂資訊