情人節好去處 中環2.5萬朵浪漫花海
情人節好去處 中環2.5萬朵浪漫花海

情人節好去處 中環2.5萬朵浪漫花海

花海
韓國首爾東大門設計廣場(DDP)。
大家心目中嘅浪漫情人節係點架呢?有無諗過可以喺一片花海之中同男/女朋友過情人節?喺香港好似好難咁…但其實~唔難!因為前年製作東大門白玫瑰燈海嘅韓國團隊,決定搞全球巡迴展覽。今年2月14號,第一站將會飛到香港,舉辦玫瑰花海展覽「Light Rose Garden玫瑰燈海園-香港站」。仲計劃下點樣過情人節,就要記低呢個最佳「放閃」地方啦。

展覽將會喺情人節當日開始開放,每晚6時至11時玫瑰花就會亮燈。展期分為兩個階段,橫跨中式及西式情人節,首階段(2月14至16日)將會配上維港夜景,喺中西區海濱長廊擺放,第二階段(2月20至22日)就喺添馬公園展出,以中環高樓大廈的繁華景色作背景。花海「遷徙」期間(2月17至19日)會繼續局部開放,但大家要留意如果落雨,花海將會暫停亮燈。

花海
首階段(2月14至16日)中西區海濱長廊。
花海
第二階段(2月20至22日)添馬公園。

今次展覽有別於東大門果一個 ~ 團隊多次來港視察中西區海濱長廊受及添馬公園,考慮地形環景先設計今次嘅花海。花海將會由約25,000朵LED白玫瑰組成,分別有70cm及80cm高,加上香港出名嘅夜景,大家一定影到張靚相!
 

花海
展覽位置圖。

除咗可以到中環親身欣賞花海,仲可以將「Light Rose」玫瑰感應燈帶番屋企。限量5000朵嘅玫瑰感應燈全人手嵌製,有blow-to-glow(吹氣發光)裝置,即係輕輕一吹朵玫瑰,就會慢慢著燈~有興趣嘅朋友就可以由今日開始上呢度預訂,每支$100,部分收益將撥捐香港公平貿易聯盟,支持公平貿易的公眾教育工作同時可以做善事~

花海
限量5000朵的本地全人手嵌製玫瑰感應燈。
花海
輕輕一吹朵玫瑰,就會慢慢著燈。

不少名人都參與咗今次嘅展覽,仲拎住「Light Rose」影咗輯相,講自己嘅愛的故事!

丁子高 楊千嬅危急關頭體現愛的力量 最驚喜一次是老公用玫瑰花瓣砌了一個心給她

花海
到西班牙拍攝內地真人騷,千嬅被牛撞到瞓地,Real奮不顧身地去救她之事,令他們體現到愛最大的力量就是在危急關頭時為對方犧牲。玫瑰花對千嬅而言是Love Symbol,最驚喜一次是老公用玫瑰花瓣砌了一個心給她,代表愛和memory。

袁詠儀囝囝出世感受深刻 Chilam望香港人加添「喜愛」

花海
張智霖(Chilam)與太太袁詠儀(靚靚)表現恩愛,自愛兒Morton出世後,美滿幸福家庭羨煞旁人。靚靚提到愛最大的能量就是包容,包括忍耐和接受對方種種;而Chilam認為愛是生命的原動力,欠缺愛生存就沒有意義了,他又坦言現在的香港缺乏了「喜愛」,一種開心的愛,所以希望有些開心事發生令大家「喜愛」。

何韻詩感激父母的愛對抗困難 寄望香港人自愛緊守價值觀

花海
一直以來,父母「菇爹」和「菇母」對阿詩所做的決定和活動會以行動支持,令阿詩很驕傲有這樣擁有大愛精神的父母,並坦言︰「最感激的愛就是家人的愛。」阿詩更有感而發︰「香港最需要的愛就是『自愛』,要充破黑暗首先要愛自己、珍惜自己,緊守和堅持自己的價值觀。」

真.情侶游學修及蘇麗珊鼓勵愛自己 鍾情「小王子」對玫瑰花的忠誠

花海
因拍電影而戲假情真擦出愛火花的真.情侶游學修(Neo)及蘇麗珊(Cecilia),戲裡戲外演活了真摰愛情。Neo表示對玫瑰最大的印象是來自『小王子』故事,當中提到世界上有千千萬萬朵玫瑰花,但當愛上其中一朵之後,這朵就是獨一無二,因為你賦予它價值,正如他倆的愛情!

Light Rose Garden 玫瑰燈海園香港站

地點:中環海濱

延伸閱讀:
光之體驗!香港街頭 黑暗之光|中環好去處
2016生日十大優惠 自助餐免費、3D館免入場

最新吃喝玩樂資訊