巴士司機
巴士司機

巴士司機感地位卑微!獲善心婆婆安慰:無分貴賤最緊要唔做1件事|網絡熱話

熱話

廣告

職業無分貴賤,講就講得多,不過又有幾多人會不帶有色眼鏡看人?最近,有網友就上載自己的坐車見聞,有位婆婆上巴士後,與車長閒聊,言談間之中巴士司機直指自己職業卑微,不過婆婆卻暖心大指「無你哋我點搭巴士,行行都係無分貴賤!」

巴士車長關心婆婆乘客!婆婆以英文回覆獲車長大讚

有網友最近在《屯門公路塞車關注組》發表自己的見聞,更大讚一名婆婆,指婆婆又善良又有智慧,婆婆的一席話更令他有感而發。事緣婆婆推著車仔上到巴士,司機亦非常關心婆婆,問婆婆為何不坐,婆婆回答「下一個站落了,咁啱又有Corner位俾我企,唔該車長。」車長大讚婆婆英文了得,婆婆亦謙虛指是孫仔教。

巴士司機 有網友上載在巴士上的見聞。
有網友上載在巴士上的見聞。(圖片來源:《屯門公路塞車關注組》截圖)
巴士司機 車長關心婆婆後,得知婆婆英文了得,大讚婆婆。
車長關心婆婆後,得知婆婆英文了得,大讚婆婆。(圖片來源:《阿索的故事》劇照)
巴士司機 婆婆亦指自己英文由孫仔教導。
婆婆亦指自己英文由孫仔教導。(圖片來源:ViuTV劇集《反起跑線聯盟》劇照)

巴士司機感地位卑微!獲善心婆婆暖心回應 : 行行都無分貴賤

之後車長都笑指自己是因揸巴士才識這個英文字,笑言自己地位卑微。婆婆聽後卻暖心回覆「唔好咁講,千祈唔好咁講,無你哋我哋邊有巴士搭,行行都係正職(無分貴賤),掃街的都係!」更表示自己經常教孫仔最緊要不要做違法事。

巴士司機 無巴士司機我哋邊有巴士搭
(示意圖)無巴士司機我哋邊有巴士搭(圖片來源:新假期編輯部)
巴士司機 婆婆暖心行為令車長感動。
婆婆暖心行為令車長感動。(圖片來源:ViuTV劇集《反起跑線聯盟》劇照)
巴士司機 她更大指孫仔最緊要不要做違法事。
她更大指孫仔最緊要不要做違法事。(圖片來源:ViuTV劇集《反起跑線聯盟》劇照)

車長聽後感受尊重!

車長聽後非常感動,指「如果個個好似你咁就好,受人尊重,唔使俾人怨,今日當賺當一日。」而婆婆亦認為每日瞓醒對自己來說就是賺了一日,非常正能量。而婆婆的一席話,卻令網友反思司機亦應受尊重,於是於帖文感謝這位善良有智慧的婆婆。

巴士司機 車長聽後覺得終於受人尊重,非常感動。
車長聽後覺得終於受人尊重,非常感動。(圖片來源:《尚氣》截圖)

尊重別人是美德 網友諷刺:今時今日先知?

婆婆的一句簡單道理,令不少網友大讚婆婆正能量,更指「身教好重要」,婆婆與孫仔一定感情好好。不過,大部分網友都指其實「尊重人的道理好簡單」,就算沒有這個故事,要尊重別人的美德,大家一早都要知一早都要做,並非今時今日才學懂。

巴士司機 有網友大指尊重別人的道理,大家一早就應該要知。
有網友大指尊重別人的道理,大家一早就應該要知。(圖片來源:《屯門公路塞車關注組》截圖)
巴士司機 有人認為婆婆的身教,對孫仔有正面影響。
有人認為婆婆的身教,對孫仔有正面影響。(圖片來源:《屯門公路塞車關注組》截圖)
巴士司機 有人指尊重講就易,但現實中卻好少人做。
有人指尊重講就易,但現實中卻好少人做。(圖片來源:《屯門公路塞車關注組》截圖)

資料來源:《屯門公路塞車關注組》

圖片來源:《屯門公路塞車關注組》截圖、《阿索的故事》劇照、ViuTV劇集《反起跑線聯盟》劇照、《尚氣》截圖

最新吃喝玩樂資訊