一蘭控告山寨版蘭池侵權 狂發律師信只改商標

中國的山寨翻版問題不絕,對於唔少品牌嚟講都會好頭痛。最近又有一個新苦主,日本知名拉麵連鎖店一蘭,兩次控告「山寨版」蘭池都唔成功,最新判決為山寨一方改商標了事。
撰文:B|圖片:蘭池微博、NHK

日本 NHK 專題節目指中國山寨抄襲日本品牌嘅事件,除咗「無印良品」案之外,仲有一蘭同蘭池。蘭池現時於中國有 30 多間分店,店鋪一切營運方式包括裝潢、飲食器具、食物濃度計算方法,以及商標等都同一蘭十分相似。

一蘭最終聘請咗法律事務所進行申訴,但係於 2017 年作出嘅起訴失敗告終。
一蘭訴訟失利,主要原因是蘭池已搶先在中國註冊商標。蘭池擁有店舖名稱在內共 31 項登記。一蘭雖然也有註冊,但因為至今都未開始正式營業,變成「後起」。而內地採用「申請先決」(first to file)商標法,即係保護先註冊商標一方。所以內地出現搶先註冊問題,有部分人想藉此賺取買斷商標費用。

據「世界知識產權組織」(World Intellectual Property Organization)2014年統計指出,中國商標註冊量有約222萬個,所以亦都容易發生知名品牌反被控侵權嘅案件。

比較合理做法係雖然商標持有人 「前者」未能註冊佢嘅商標,而另一個商標持有人「後者」卻搶先註冊相同或類似商標,但法律上,呢樣並唔代表前者失去商標使用權。 如果可以證明商標持有人「前者」的商標, 已建立了一定認受性, 之後註冊或已註冊嘅都可以從註冊表裡被剔除。

律師田中雅敏直言,難以預計今次勝算。所以田中雅敏請教了擅長中國法律嘅同行,佢哋建議一蘭持續發出律師信,藉此申訴一蘭權利及阻止模仿,讓蘭池感受到壓力。
直至到今年 3 月,蘭池終於肯改商標,而商標改為白紅底黑字,唔再同一蘭黑紅底綠字撞色,其他方面如裝潢等,都仍然似足一蘭,同時一蘭正展開第二次訴訟以奪回商標。田中雅敏提醒其他日本公司,如希望在中國發展,要盡快申請商標同專利。

最新吃喝玩樂資訊