4大屋苑鬼故 邊個最靈異?網民:呢條邨猛到日頭都撞嘢|網絡熱話
4大屋苑鬼故 邊個最靈異?網民:呢條邨猛到日頭都撞嘢|網絡熱話

4大屋苑鬼故 邊個最靈異?網民:呢條邨猛到日頭都撞嘢|網絡熱話

香港屋苑鬼故向來多,但土地問題咁嚴重,有人都唔驚住凶宅,寧願入住靈異公屋,不過咁又真啊,真係要驚都係驚要訓街多啲啦。

撰文:環球膠報|圖片來源:維基百科、巴打絲打「11靈異怪談」Facebook Club|編輯:師姐Blog開野@Central

香港4大屋苑鬼故

講起凶宅就一定會諗起屋苑鬼故,以前夜晚聽電台講鬼故好過癮架,不過依家好少人聽電台架喇。不過靈異故仔真係長青題材,講極都講唔完。有人係facebook group講起「香港邊個屋苑最邪」,引起一班靈異迷講出自己個屋苑嘅故仔。

屋苑鬼故
有網民係facebook group講起「香港邊個屋苑最邪」,引起一班靈異迷講出自己個屋苑嘅故仔。

1.柴灣 漁灣邨

屋苑鬼故
柴灣漁灣邨

網友分享,有次返屋企,點知行出升降機開始就覺得有人跟住佢,但成條走廊得佢一個行,行到一半覺得後面跟得佢好近。一擰轉頭望,都未擰哂就望到牆上好似有個黑影攬埋嚟,當時佢成個人震晒,開始腳軟。但事實係無人,之後就極速返屋企。

屋苑鬼故
漁灣邨住戶真實分享。
屋苑鬼故
網民分享話行出升降機開始就覺得有人跟住佢,但成條走廊得佢一個行。
屋苑鬼故
擰轉頭望,牆上好似有個黑影攬埋嚟。
屋苑鬼故
漁灣村年年有人跳樓。

網友試過家姐出咗去無返屋企一段時間,有晚聽到家姐把聲喺門口嗌佢個名,叫佢開門,佢同老豆講,老豆話無,點都唔肯開門。但網友一直聽到家姐叫佢開門,最後老豆開門畀佢睇,乜人都無,嗰陣佢突然好驚,驚到衝上床係咁喊,佢老豆話唔係家姐,仲話過咗5點(凌晨)就無事㗎啦!

屋苑鬼故
網友話佢屋企試過夜晚有人敲門。
屋苑鬼故
有人試過行唔返4樓。
屋苑鬼故
即使屋苑附近的公園亦十分靈異。

2. 屯門 友愛邨

屋苑鬼故
屯門友愛邨

網友住喺最盡頭嗰間屋,打橫一排其他單位,好記得有晚係農曆七月十四,當晚6點幾佢媽咪煮緊飯,屋企打開木門,當年屋邨個個都係開住木門的。佢坐係門口隔離梳化睇電視,突然好大聲「嘭」一聲撞向我鐵閘,就好似有個足球踢過來,佢即起身望,無人!鐵閘仲郁緊….. 就算有人由門口跑去樓梯走都有3個單位距離,無可能佢一望係咩人都無….

屋苑鬼故
突然好大聲「嘭」一聲撞向網民鐵閘,就好似有個足球踢過來,佢即起身望,無人!

有一晚,呢個超驚,網友瞓瞓下好似醒左,感覺自己好似成個人慢慢升起左,佢好大力想瞓返落床但唔得,之後個人瞓住咁轉圈,轉咗一個圈,又慢慢落返去,仲有把男人聲講好唔好玩,之後感覺到自己瞓返落床,就即郁得返,即刻轉身打側唔敢郁,嚇到天光…

屋苑鬼故
網友瞓瞓下好似醒左,感覺自己好似成個人慢慢升起左,好大力想瞓返落床但唔得,之後個人瞓住咁轉圈。
屋苑鬼故
仲有把男人聲講好唔好玩,之後感覺到自己瞓返落床,就即郁得返。
屋苑鬼故
曾有紅衣女士跳樓。

3. 觀塘 秀茂坪

屋苑鬼故
觀塘秀茂坪

網友聽媽媽講過一件很邪的事件,佢父母以前經常去某一座飲茶,識到另外兩公婆,每早必定一起飲茶暢談,但有成個月沒有見到他們,心中覺得奇怪,終於有一朝早只見到老婆沒見到老公,網友媽就問她的老公如何,為何他不來飲茶,她很傷心的說她老公死了,他們家住38座16樓,她說有一朝早起床看到有一條好大的蛇在廚房裡打蛇餅,他們很驚,於是煲了一煲滾水倒在蛇上想淥死它,蛇是死了,但到晚上她的老公也死了,網友媽說那條蛇是找替身,來索命的,有靈邪附在蛇上,聽完當堂毛管凍。

屋苑鬼故
蛇找替身,來索命。
屋苑鬼故
曾發生鬼上身。
屋苑鬼故
電影《三五成群》阿雞在秀茂坪被害。

4. 荃灣 綠楊新邨

屋苑鬼故
荃灣綠楊新邨

網友嗰時讀緊小學,係住16樓,放學撘返屋企係一個人,佢㩒咗16樓返屋企時候,升降機居然停咗喺9樓。開咗門但無人嘅,以為關咗門會上返16樓,點知落返地下。再㩒返16樓返屋企,又係喺9樓開門,又係無人嘅,又自動落返地下。嗰陣仲未知咩事嘅,個看更叫佢撘第二部,終於返到屋企。返到去同屋企人講佢撞鬼,升降機停咗喺9樓上唔到嚟,屋企人唔信佢,之後聽返原來9樓有個婆婆過咗身,之後屋企人先信佢撞鬼!

屋苑鬼故
升降機停咗喺9樓上唔到去,原來9樓有個婆婆過咗身。
屋苑鬼故
相傳是葵盛西邨。

無樓住可怕定
屋苑鬼故可怕?

上面的屋苑邊個最邪就真係唔知啦,亦都唔想知。不過最尾有巴打突破盲腸話:我怕無樓多過怕住凶宅囉!你話香港人幾咁可悲?

屋苑鬼故
香港人寧可住凶宅,亦不想無樓。

撰文:環球膠報|圖片來源:維基百科巴打絲打「11靈異怪談」Facebook Club

4大屋苑鬼故 邊個最靈異?網民:呢條邨猛到日頭都撞嘢|網絡熱話

最新吃喝玩樂資訊