切線 私家車
切線 私家車

私家車夾硬切線向警車挑機 結局超悲慘!原來罰則超驚人 網民:傻人發現案

熱話

廣告

香港揸車真係要打醒十二分精神,特別係當好多人拎完個車牌之後將所有交通規例拋諸腦後嘅時候,自己安全真係需要自己負責。近日網上流傳一條影片就引起網民熱烈討論,片中一架私家車打燈轉線,但偏偏就要揀cut喺警車前面,搞到比阿sir截停,令網民驚嘆香港傻人真係多,更有好心人教導各位安全切線嘅指引!

網民:傻人發現案!私家車「七節棍」轉線向警車挑機?

呢條片被上傳喺「車cam L(香港群組)」,影片一開始就見到一架黑色車於右線打燈準備轉入中線,而位於中線嘅片主前面就有一架警車交通部警車。片中可見片主已經慢駛準備讓位俾黑色私家車,但就係關鍵一刻私家車司機竟然篤油向前,而警車一直都冇讓佢入嘅意思,但見不遠處右線停咗一架救護車,私家車唯有喺關鍵時刻由警車前面入,警車唯有煞掣停車,並隨即Fing燈響號尾隨私家車,仲聽到片主講「咁多車唔閘係要閘個交通部嘅!」

私家車 安全切線 片主已經畀晒位。
片主已經畀晒位。(圖片來源:車cam L(香港群組))
私家車 安全切線 點知佢都係睇唔開。
點知佢都係睇唔開。(圖片來源:車cam L(香港群組))
安全切線 前面停咗救護車,私家車選擇夾硬入。
前面停咗救護車,私家車選擇夾硬入。(圖片來源:車cam L(香港群組))
私家車 安全切線 阿Sir即時着咗⋯⋯燈。
阿Sir即時着咗⋯⋯燈。(圖片來源:車cam L(香港群組))
私家車 安全切線 咁樣其實係挑機成功定失敗?
咁樣其實係挑機成功定失敗?(圖片來源:車cam L(香港群組))

有部份網民就覺得阿Sir好小氣,右線有緊急車停咗,喺嗰度等一世都入唔到線,讓下人入其實無乜所謂。但大部份嘅聲音都係覺得簡直不可思議,私家車司機一定係身痕,後面咁多位唔入係都要喺前面夾硬入,好明顯係壞習慣,更何況即是警車讓你,行喺佢前面點都係冇着數,不如跟佢尾好過。正所謂讓你係人情唔讓你係道理,司機大佬咁睇唔開,真係想幫你都幫唔到。

私家車 安全切線 傻佬都要搵到個知音人!
傻佬都要搵到個知音人!(圖片來源:車cam L(香港群組))
私家車 安全切線 網民留言。
網民留言。(圖片來源:車cam L(香港群組))
私家車 安全切線 網民留言。
網民留言。(圖片來源:車cam L(香港群組))
私家車 安全切線 網民留言。
網民留言。(圖片來源:車cam L(香港群組))
私家車 安全切線 網民留言。
網民留言。(圖片來源:車cam L(香港群組))

網民教路如何安全切線

而一部份眼利網民更特別提到,其實司機切線嗰個位係屬於燈位前,可以見到車路分界線線段比較長,屬於警告線,因為通常有7段線段,所以又俗稱「七節棍」,用作警示駕駛者該段路比較危險,必須格外小心,喺另一條行車線完全冇車嘅情況下先至可以安全切線,否則有機會被控告危險駕駛,即扣10分!即使該路段並非「七節棍」,切線都必須要喺唔影響其他駕駛者嘅情況之下,如果令到其他車輛煞停或者閃避已經可以構成不小心駕駛,各位司機記住咪貪一時之快喇!

私家車 安全切線 其實淨係睇分界線已經可以知道段路有幾危險。
其實淨係睇分界線已經可以知道段路有幾危險。(圖片來源:車cam L(香港群組))
私家車 安全切線 真係活到老,學到老。
真係活到老,學到老。(圖片來源:車cam L(香港群組))
私家車 安全切線 六個字講晒:「適當行車距離」。
六個字講晒:「適當行車距離」。(圖片來源:車cam L(香港群組))
私家車 安全切線 網民留言。
網民留言。(圖片來源:車cam L(香港群組))

常見問題

發生什麼事?

近日一名私家車司機在馬路上強硬切線,向後方的警車挑機,結果下秒即被警方截停…詳情

網民點睇?

網民直言該位私家車司機「好玩唔玩」,竟然選擇向警方挑機…詳情

圖片來源:車cam L(香港群組), 逃學威龍2電影截圖

最新吃喝玩樂資訊