上司 新人
上司 新人

新女同事畀舊人鬧爆喊!無限輪迴改文件!同事:小小壓力都頂唔順|網絡熱話

熱話

廣告

日前有一名網民分享在公司一名新女同事被資深同事鬧爆的遭遇,負責監督該名新女同事的資深同事為了同一份文件起碼改了5次以上,鬧新女同事兩句又要她再改過,事主目擊新女同事喊後遞紙巾,資深同事再鬧新女同事,令事主不禁對打工仔的生涯有所感慨,網民熱議,又分享職場辛酸。

同一份文件改5 玩人定真錯真假未知

事主的座位在到任兩星期的新女同事隔離,目擊資深同事要求新女同事同一份文件起碼改5次以上,「今朝佢交完份文件畀帶資深同事,鬧兩句又拎返份文件返埋位再改過」,事主帶著耳機都聽到有喊聲才驚覺女同事一面改文件一面喊,事主不禁同情女同事,向她遞上紙巾。

上司 女同事一面喊一面做
女同事一面喊一面做(圖片來源:Netflix《我的出走日記》截圖)
上司 事主目擊資深同事要求新女同事同一份文件起碼改5次
事主目擊資深同事要求新女同事同一份文件起碼改5次(圖片來源:《末生》劇照)

見新同事喊遞紙巾 上司落井下石

卻在此時,資深同事撞見,不僅沒有安慰女同事,仲鬧她「喊咩喊,你唔錯咪唔使改嚟改去囉,我係咁幫你睇我都未喊呀!」令女同事連忙忍著淚收聲,低頭繼續改文件;令事主不禁感慨職場辛酸:「出嚟做嘢就係咁,做錯嘢唔係每個人都咁好會錫住你嚟話,出嚟做嘢第一樣要學嘅應該係抗壓能力至少唔好係咪都喊先?」又擔心 「不過咁搞法,唔知女同事會唔會好快唔做?」

上司 上司A撞見,不僅沒有安慰女同事,仲鬧她「喊咩喊,你唔錯咪唔使改嚟改去囉,我係咁幫你睇我都未喊呀!」
(圖片來源:《愛回家之開心速遞》)

舊人玩新人的招數層出不窮

網民分享衰上司、資深同事玩殘新人的經歷,「交文件畀上司,有咩錯一次過睇晒,邊可能改咁多次,肯定係上司A一睇到錯就鬧佢改,根本無睇晒份文件」、「廿次都聽過,唔會一次過改晒,係每次3、4個,無限輪迴」、「我公司真係有老海鮮玩新人,成日用呢啲招迫走新人,捱唔過半年,老海鮮唔教新人,又大大聲鬧人、屈人唔記得、唔做,老海鮮仲成日跳草裙舞,又擦掂鞋,次次都留,令新人走時唔敢篤佢出嚟」。

上司 新人交文件予上司,上司可能根本沒有看畢整份文件
新人交文件予上司,上司可能根本沒有看畢整份文件(圖片來源:ViuTV《大叔的愛》截圖)
上司 有網民分享,曾目擊資深同事玩殘新同事的招數(圖片來源:《辭職的最佳時機》截圖
有網民分享,曾目擊資深同事玩殘新同事的招數(圖片來源:韓網劇《辭職的最佳時機》截圖)

原文:

上司
(圖片來源:香港討論區)

資料來源:香港討論區

撰文:ctb072圖片來源:香港討論區截圖、Netflix《我的出走日記》截圖、TBS《我要準時下班》截圖、TVB《愛·回家之開心速遞》截圖、ViuTV《大叔的愛》截圖、韓網劇《辭職的最佳時機》截圖

最新吃喝玩樂資訊