自駕遊
自駕遊

大嶼山大澳自駕遊有禁區紙可免費泊車?自駕新手神邏輯指不應抄牌!網民妙問妙答:香港傻人特別多|玩樂熱話

熱話

廣告

大嶼山係香港最大嘅島嶼, 從香港國際機場、青馬大橋落成,以及香港迪士尼樂園啟用後,越來越多香港人假日到大嶼山遊玩。但由於前往昂坪、大澳等地點必須經過封閉道路,想去大嶼山自駕遊嘅朋友就必須申請禁區紙。而近日網上有人提出如果已經申請咗禁區紙入大澳玩,理應自由泊車不會被抄牌,網民紛紛討論呢個咁特別嘅觀點,仲開玩笑問禁區紙可唔可以入埋機場禁區!?

大嶼山大澳自駕遊 泊車有禁區紙不應抄牌?自駕新手提一大理據!

日前於網上「全港違例抄牌提示區」入面,有人開post 問「我揸車入去已申請咗大嶼山自駕遊大澳 泊車會抄牌?」,其他網民即刻搲晒頭,但呢啲仁兄提出左一個理論就係「因目測係沒有足夠泊車位泊」咁話,意思係,你俾得我揸車入去玩,係咪應該預返足夠泊車位置俾我哋自駕遊嘅人,既然你都唔夠位泊,咁我隨街泊實在無可厚非,唔可以抄我牌。(好似係咁)

自駕遊 版主霸氣一問。
版主霸氣一問。(圖片來源:FB@全港違例抄牌提示區)

其實禁區紙全名為「封閉道路通行許可證」,配合大嶼山自駕遊計劃,係比市民喺平日交通唔繁忙嘅日子駕駛私家車經大嶼山嘅封閉道路前往昂坪、大澳、長沙同梅窩等地點作消閑及康樂用途。運輸署關於大嶼山自駕遊計劃嘅專頁上面,係許可證條款一欄以下清楚列明「大嶼山封閉道路許可證並無授予任何泊車特權」,許可證亦都不可轉讓。

自駕遊 網頁上清楚列明使用守則。
網頁上清楚列明使用守則。(圖片來源:香港運輸署網頁)

網民妙問妙答:香港傻人特別多

面對一個咁有趣嘅觀點,網民踴躍討論,一部份人好心分享自己個人經驗,表示日前上鶴嘴山都唔見有人抄牌;另外大澳停車場平日通常都有位,日泊都只係$320,而且只要你唔泊上行人路,大嶼山唔阻人,一般都好少抄牌;有人清楚解釋有咗禁區紙只係代表你可以駛入禁區,並唔係「禁區停泊紙」。

自駕遊 田田及阿牧來到大澳約會。
大澳是個約會好地方。(圖片來源:《大叔的愛》截圖)
自駕遊 網民留言。
網民留言。(圖片來源:FB@全港違例抄牌提示區)
自駕遊 網民留言。
網民留言。(圖片來源:FB@全港違例抄牌提示區)
自駕遊 網民留言。
網民留言。(圖片來源:FB@全港違例抄牌提示區)

但有一部份比較幽默嘅網民就舉一反三,表示根據同一個邏輯,目測現時全香港都唔夠車位,係咪代表可以周圍泊車?又話唔知道原來自駕遊包埋泊車,如果唔係一早去申請,而呢張禁區許可證應該改名做「違泊許可證」;搞笑嘅係有人曲線一問,機場都係喺大嶼山,你呢張禁區紙係咪可以入埋去機場禁區?

自駕遊 大澳有不少街頭美食,掃街程度不輸長洲!
大澳(圖片來源:新假期編輯部)
自駕遊 網民留言。
網民留言。(圖片來源:FB@全港違例抄牌提示區)
自駕遊 心水清嘅網民突破盲點一語道破謬誤。
心水清嘅網民突破盲點一語道破謬誤。(圖片來源:FB@全港違例抄牌提示區)
自駕遊 網民留言。
網民留言。(圖片來源:FB@全港違例抄牌提示區)
自駕遊 唔知佢認真定搞笑。
唔知佢認真定搞笑。(圖片來源:FB@全港違例抄牌提示區)

大嶼山大澳自駕遊禁區紙是什麼?

禁區紙全名為「封閉道路通行許可證」,配合大嶼山自駕遊計劃,係比市民喺平日交通唔繁忙嘅日子駕駛私家車經大嶼山嘅封閉道路前往昂坪、大澳、長沙同梅窩等地點作消閑及康樂用途。詳情

自駕新手提出了什麼理據,認為大嶼山自駕不應抄牌?

自駕新手認為既然你俾得我揸車入去玩,代表應該有…詳情

圖片來源:FB@全港違例抄牌提示區、新假期編輯部、ViuTV《大叔的愛》截圖