大埔
大埔

情侶大埔馬路爆粗鬧交!女友被男友叉頸大鬧 網民卻力撐男方|網絡熱話

熱話

廣告

大埔情侶爆粗鬧交!男人動手打女人經常都會被人鬧,但近日網上流傳一條大埔「男女叉頸鬧交」影片,片中男士與女士激動爭執,雙方更打起上來,但網民卻一面倒支持男生,更同情男生遭遇,到底當中發生甚麼事呢?

大埔情侶爆粗叉頸鬧交!

近日在網上流傳一條「大埔情侶叉頸鬧交」影片,片中地點位於錦石新村村公所門外,非常偏僻,而事發時間是晚上,由途人遠距離拍攝,所以影片帶點模糊。影片中有疑似一對情侶,兩人下車並停在馬路附近爭執。女友反駁不停爆粗,更動粗打了男士一巴,男友當堂大力「回贈」一巴,引發激烈拉扯。而男友其後更叉女士的頸大鬧「你周圍同人講我打你,你不嬲都同你講我打你啦!而家係你打我呀!」!

大埔 情侶在馬路邊展開激情對話。
情侶在馬路邊展開激情對話。(圖片來源:youtube影片截圖)
大埔 女方打了一巴掌後,男方不甘示弱,回贈女方一巴!
女方打了一巴掌後,男方不甘示弱,回贈女方一巴!(圖片來源:youtube影片截圖)

女友其後不甘受辱,於是大叫分手,而男方則指「分囉」,更大鬧女友「你工又唔使返,錢我仲俾埋你,你喺屋企日日食可樂,屋又唔X執,我唔係好好恰,叫人打我囉!報警拉我啦!」!

大埔 男方更叉頸!
男方更叉頸!(圖片來源:youtube影片截圖)

男方供養女友 女友卻「食可樂」?

後來見女友打電話,男友就大聲問女友「你食可樂唔講,你夠膽講呀!」而女友放下手中電話,並大聲否認。當男友再指「出街有冇食呀?」,女友就靜靜答了一句「有」。男友氣焰更大,大鬧女友「有就得啦,大大聲同我講冇食可樂,係咪怕俾人知然後篤你灰呀!個世界好細架,你連食可樂都唔肯認,仲有啲咩有人信呢?」。

大埔 女方疑似想走,但男友卻拉住女友繼續鬧!
女方疑似想走,但男友卻拉住女友繼續鬧!(圖片來源:youtube影片截圖)
大埔 影片到最後,亦無交帶下文。
影片到最後,亦無交帶下文。(圖片來源:YouTube截圖)

網民一面倒撐動粗男友!

就以上男女事主的對話,「可樂」有機會是指毒品可卡因,難怪男方會那麼生氣。而網民看畢影片後,紛紛撐男友打得好是「真男人」,更同情男友遭遇,認為另一半吸毒的話,就應該快快分手!

大埔 網民大指男方做得好!
網民大指男方做得好!(圖片來源:[email protected] – 大埔友)
大埔 更叫男方快點分手!
更叫男方快點分手!(圖片來源:[email protected] – 大埔友)
大埔 更有網民指男友是模範!
更有網民指男友是模範!(圖片來源:youtube影片截圖)

資料來源:D18 – 大埔友

圖片來源:youtube影片截圖

最新吃喝玩樂資訊