多啦A夢
多啦A夢

多啦A夢~7大冬季產品大檢閱

熱話

廣告

要數出香港人有睇過嘅卡通片⋯⋯當然唔少得有多啦A夢啦(會唔會叫叮噹更加親切呢?)!多啦A夢的確陪伴住大家成長,每次見到肥嘟嘟嘅多啦A夢都覺得好Warm。唔知多啦A夢有咩法寶可以幫大家暖笠笠咁過冬天呢?繼兩回夏日系列,DING DONG宅配便嚟緊仲會推出冬季多啦A夢產品。而家睇下啲Product就已經覺得這個冬天不太冷~

一睇就睇下最大嘅Product~「珍藏巨型版1.2米高雪の多啦A夢」,一聽個名就知呢個多啦A夢係珍藏版得50隻,又巨型有1.2米高,又白雪雪咁啦。攬住佢,毛茸茸嘅多啦A夢一定畀到溫暖大家,就唔怕凍啦。

如果搶唔到果50隻「珍藏巨型版1.2米高雪の多啦A夢」,或者覺得佢實在太巨型,唔緊要!因為仲有一款同樣造型嘅正常版「9.5吋雪の多啦A夢紙鎮毛公仔」,兩隻巨型版同正常版多啦A夢拍住,勁過最萌身高差,真係好可愛呀~肥嘟嘟嘅多啦A夢紙鎮放喺家宅,就會幫手「宅」住所有野,啲野就唔會周圍飄走啦~多啦A夢包保家宅平安,真係好Warm呀!

仲有兩樣超可愛造型、屋企同Office必備嘅多啦A夢產品⋯⋯「充電式雪の多啦A夢枱燈」只要喺雪地充電底座上充滿電,就可以隨心擺放喺平地。一到夜晚開著盞燈,望住發光坐喺度嘅多啦A夢,真係忍唔住講句:好靚呀~當然唔少得有「雪の多啦A夢陶瓷杯」杯嘅產品,冬天一邊望住多啦A夢舐舐脷個樣,一邊飲住熱飲,成身即刻暖笠笠啦~

有興趣嘅粉絲們,喺7/12就要打起精神,朝早11點上DING DONG 宅配便嘅網頁搶購啦。留意返,每張訂單最多可購買每個產品款式3件,而珍藏巨型版1.2米高雪の多啦A夢則每張訂單只限購買1隻。

熱賣「時間布冷氣氈」今次一齊番返嚟,上次買唔到嘅粉絲有多一次機會,一年四季都可以用得著冷氣氈,真係要搶啦!

而且,凡購物可以用優惠價$40,帶埋多啦A夢MT紙膠帶番屋企。如果買滿$500,仲可以免運費同收到特別設計嘅多啦A夢宅配便收納盒!

「雪の多啦A夢」冬季別注系列

日期:12月7日,早上11時起
網址:www.dingdongtakuhaibin.com

 

延伸閱讀:

蛋黃哥懶入7仔!蛋殼暖手器好梳乎!

韓國女生熱捧!小花束、乾花手作及快速教學

最新吃喝玩樂資訊