要外賣盒另收2蚊但無寫落餐牌!港人向消委會投訴餐廳無良+斂財 投訴最後竟成立?!|網絡熱話
要外賣盒另收2蚊但無寫落餐牌!港人向消委會投訴餐廳無良+斂財 投訴最後竟成立?!|網絡熱話

要外賣盒另收2蚊但無寫落餐牌!港人向消委會投訴餐廳無良+斂財 投訴最後竟成立?!|網絡熱話

熱話

香港人對生活的要求標準高,達不到標的總會什麼都投訴一輪。最近有餐廳於網上投稿,有客人竟然向消委會投訴,指餐廳因為外賣盒而多收了$2,最後消委會點回應?

撰文:Annie|編輯:JA|圖片來源:[email protected]、奇妙電視《茶餐廳龍虎榜》截圖|原文刊於:GOTrip

餐廳外賣客嫌外賣盒收費貴 向消委會投訴

店家在Facebook專頁「西店Hi客之道 Hispitality Secret」投稿,表示有一日收到消委會寄來的投訴信,要求餐廳審視有關情況以提升顧客服務水平,避免日後有同類事情發生。原來,有客投訴餐廳外賣盒收取高達$2的費用,十分高昂,批評餐廳無良和斂財。

(圖片來源:Facebook@Hispitality)
(圖片來源:[email protected]
不少餐廳外賣都會額外收取費用(圖片來源:新假期編輯部,圖非涉事餐廳)
不少餐廳外賣都會額外收取費用(圖片來源:新假期編輯部,圖為非涉事餐廳)
外賣好多時都會收貴啲!(圖片來源:新假期編輯部)
外賣好多時都會收貴啲!(圖片來源:新假期編輯部)

店主大感無奈:成本要$1!早已知會客人

店家無奈,並表示發泡膠盒的成本至少都要$0.5,而餐廳採用的是微波爐膠盒,成本接近$1,收費其實合理。而且,買還是不買都是自己選擇,餐廳無迫無搶,收錢前都有告知「外賣收2蚊」,如果覺得不合理可以即時走人,但去到消委會投訴,實在「太得閒」了。事實上投訴信有標明「收費未有事先列明」,而是完成訂單後才口講要收費,所以投訴成立屬理所當然。

有網民反應哭笑不得 亦不明何解消委會竟然受理

對於餐廳斂財的指控,網民:「斂財咪斂財囉,唔講錢唔通同你講感情呀?定開善堂呀?」,另一位網民即刻笑言:「善堂有個箱都斂財啦,投訴店舖斂財(笑喊)」,希望各位顧客能明白餐廳經營需要賺錢,並不是慈善機構。有眼利的網民見到單據後表示:「真係有趣44蚊6隻雞翼就肯比,果2蚊個盒就嫌貴」。

(圖片來源:新假期編輯部,圖為非涉事餐廳)
(圖片來源:新假期編輯部,圖為非涉事餐廳)

不少網民都留言指覺得消委會都好得閒竟然受理,有網民笑問消委會應該提升顧客服務水平,還是提升顧客水平,有網民就回答指「應提升顧客智商水平」才對。亦有網民建議消委會不如分配人手給其他政府部門以加快他們工作流程。

投訴人被批「西客」 搞笑建議食客用口叼走

網民似乎不太認同投訴人的行為,指對方竟然為了$2寫信去消委會投訴,如果不滿的話可以選擇以後都不光顧,今次浪費消委會的資源,消委會用的信紙連郵費都要$3,還未計人工的支出,真是「此西客真係西到冇人有!」亦有網民指出,現時普遍凍飲+$3,相信很快全港茶餐廳都會被投訴。其他網民也紛紛和應:「我去投訴周生生賣金貴得唔得?」、「我都想投訴誠哥/彤哥賣超貴納米樓,又或者中電港燈無理加7%電費」。

(圖片來源:TVB《愛回家》劇照)
(圖片來源:TVB《愛回家》劇照)
不少網民指想投訴凍飲另加(圖片來源:新假期編輯部)
不少網民指想投訴凍飲另加$3(圖片來源:新假期編輯部)

網民搞笑建議:如何節省$2外賣盒收費

最後,網民都有些搞笑建議提供,例如餐廳可用膠袋或草繩包食物,又或者要求客人直接用口叼走。不過,最好的方法當然是自己準備外賣盒,既環保又慳錢。也有人認同這位客人的投訴,指不少餐廳經常濫收費用,甚至想再去消委會投訴,為何凍飲要收$2!

最新吃喝玩樂資訊