攜咖啡進店被勸告 野蠻西客逼職員飲「口水尾」|網絡熱話
攜咖啡進店被勸告 野蠻西客逼職員飲「口水尾」|網絡熱話

攜咖啡進店被勸告 野蠻西客逼職員飲「口水尾」|網絡熱話

咖啡醒腦提神,唔少人都鍾意拎住杯周街行,但唔喺間間商店都俾客人飲住野飲行,尤其疫情下,格外嚴格!喺國際品牌工作嘅網民投稿至「西店Hi客之道 Hispitality Secret」Facebook專頁,分享自己返工時有客人唔理勸告,堅持一邊飲咖啡一邊行店舖,仲要鬧返樓主無禮貌。服務性行業果真最受客人氣!

撰文:Evita|圖片:西客之道、網上圖片

西客帶咖啡入店邊行邊飲

有網民投稿至Facebook專頁,指公司貨品價值不菲,門口玻璃貼上「不准飲食」標誌,以免客人會整邋遢,有啲客人被提醒後都會守返規矩;唯獨早前輪到網民負責企門口,有兩個中年女人攞住連鎖咖啡店咖啡行入舖頭。

有兩個中年女人攞住連鎖咖啡店咖啡行入舖頭。(圖片來源:Pexels)
有兩個中年女人攞住連鎖咖啡店咖啡行入舖頭。(圖片來源:Pexels)
無視「不准飲食」的標誌。(圖片來源:Pexels)
無視「不准飲食」的標誌。(圖片來源:Pexels)

網民:「唔好意思啊,裏面唔可以飲食,可以飲埋先或者放入袋。」

女人A重覆兩次:「飲?點飲啊!」

網民:「唔緊要,或者可以擺入袋先,離開再飲,唔使即刻飲晒。」

逼職員飲「口水尾」咖啡

網民表示佢再講多次「唔好意思,麻煩擺返入袋先」,點知就被呢兩個女人指住鬧無禮貌,更話:「飲!你飲啊你飲畀我睇啊!我宜家邊有偷你嘢啊,你咁無禮貌唔怪得企呢度啦!」亦要求搵經理。

網民就表示從未話過呢兩位客人偷嘢,亦話門口位係每位同事輪流企,唔一定係低級職員先要做呢個位。

點知就被呢兩個女人指住鬧無禮貌。(圖片來源:《愛回家之開心速遞》截圖)
點知就被呢兩個女人指住鬧無禮貌。(圖片來源:《愛回家之開心速遞》截圖)

經理到場後,呢兩位客人就鬧公司有問題,搞到佢哋睇唔到個標誌,又話網民當佢哋係賊。最後經理同網民了解事件途中,女人B就大鬧網民:

「你返工要喊嘅就唔好返,你仲差我一句對唔住啊!你着住件制服就代表住公司,代表住國際知名品牌,我趕時間㗎,不過都好多謝你畀個機會我反映你公司有咁嘅問題!」

兩位客人就鬧公司有問題,搞到佢哋睇唔到個標誌,又話網民當佢哋係賊。(圖片來源:愛回家之開心速遞》截圖)
兩位客人就鬧公司有問題,搞到佢哋睇唔到個標誌,又話網民當佢哋係賊。(圖片來源:愛回家之開心速遞》截圖)

網民:唔應該道歉!

網民則表示完全無喊過,亦無諗過要喊,但可惜「顧客永遠是對的」,所以最後都係同佢哋講「對唔住」。

而其他網民睇完後都表示「唔應該道歉」、「香港人從來都唔守規則」等等。

撰文:Evita|圖片:西客之道、網上圖片

最新吃喝玩樂資訊