新同事報稱爸爸不治需早走 父母轉頭到公司驚喜接收工|網絡熱話
新同事報稱爸爸不治需早走 父母轉頭到公司驚喜接收工|網絡熱話

新同事報稱爸爸不治需早走 父母轉頭到公司驚喜接收工|網絡熱話

同事趣事千奇百怪,好多人話而家啲後生唔捱得,咩都係做兩做就放棄,有網民喺Facebook分享一位公司新人嘅故事,指出新人返工一個月已經請假10日,重點係請假原因極之搞笑……

撰文:Evita|圖片:[email protected]爆廢公社、pexels、譚仔影片截圖

「媽寶」新同事1個月請10假

有台灣網民喺Facebook「爆廢公社」分享一件職場趣聞,網民稱公司喺台南新開分店需要請5名員工,而其中一位應徵者見工時帶埋媽媽嚟,形容呢位「媽寶」係佢做嘢15年嚟第一次遇到。

網民稱公司喺台南新開分店需要請5名員工,而其中一位應徵者見工時帶埋媽媽嚟。(圖片來源:Pexels)
網民稱公司喺台南新開分店需要請5名員工,而其中一位應徵者見工時帶埋媽媽嚟。(圖片來源:Pexels)

網民話呢位新人返咗工一個月就已經請咗10日假,理由為「奶奶住院兩日」、「媽媽車禍三日」、「爺爺被撞到三日」、而近日又因為爸爸工作出意外請兩日,而網民就非常之信任呢位同事,所以都無特別過問而批准放假。

網民形容呢位「媽寶」係佢做嘢15年嚟第一次遇到。(圖片來源:FB@爆廢公社)
網民形容呢位「媽寶」係佢做嘢15年嚟第一次遇到。(圖片來源:[email protected]爆廢公社)
呢位新人返咗工一個月就已經請咗10日假。(圖片來源:FB@爆廢公社)
呢位新人返咗工一個月就已經請咗10日假。(圖片來源:[email protected]爆廢公社)

報稱爸爸不治 新同事父母轉頭到公司接收工

新同事又同網民講爸爸因車禍入住加護病房,網民又再次選擇相信,今次仲因為當日係同事生日而畀咗封利是佢,以及叫同事快啲去探家人。然而,當晚網民收工時,見到有位太太企咗喺公司門口(同事嘅媽媽),帶埋住院嘅爺爺嫲嫲,以及喺加護病護嘅爸爸,拎住蛋糕話要同「孝子」慶祝生日

新同事又同網民講爸爸因車禍入住加護病房,結果父母轉頭到公司接收工。(圖片來源:FB@爆廢公社)
新同事又同網民講爸爸因車禍入住加護病房,結果父母轉頭到公司接收工。(圖片來源:[email protected]爆廢公社)
(圖片來源:譚仔影片截圖)
(圖片來源:譚仔影片截圖)

後來網民發現原來同事係被逼出嚟做嘢,不過網民都好有心無篤爆同事對家人嘅「詛咒」,仲打電話畀同事問:「爸爸還好嗎?」點知同事竟然誇張到咁答……

不過網民都好有心無篤爆同事對家人嘅「詛咒」,仲打電話畀同事問候,結果⋯⋯(圖片來源:FB@爆廢公社)
不過網民都好有心無篤爆同事對家人嘅「詛咒」,仲打電話畀同事問候,結果⋯⋯(圖片來源:[email protected]爆廢公社)

網民:做多幾個月,佢啲親朋好友全部都會死晒!

有其他網民就留言,喺職場做耐咗真係咩人都會遇到,有人就話:「都係早啲畀佢走,如果做多幾個月,佢啲親朋好友全部都會死晒!」唔知呢位新同事第二日返到公司又會講咩以承接「爸爸嘅意外」呢?

有人就話:「都係早啲畀佢走,如果做多幾個月,佢啲親朋好友全部都會死晒!」(圖片來源:Pexels)
有人就話:「都係早啲畀佢走,如果做多幾個月,佢啲親朋好友全部都會死晒!」(圖片來源:Pexels)
勸大家請假理由都唔好咁過份!(圖片來源:《愛回家之開心速遞》)
勸大家請假理由都唔好咁過份!(圖片來源:《愛回家之開心速遞》)

撰文:Evita|圖片:[email protected]爆廢公社、網上圖片

最新吃喝玩樂資訊