口是心非係女人天性？15句女人反話而家教精你！女朋友咁講要小心 唔緊要無事即係有事！｜網絡熱話
廣告
口是心非係女仔專利！女仔鍾意講反話就係人都知，當聽到「我冇嬲啊」、「食咩都可以啊」、「我冇事啊」這些句子，男朋友就要小心啦，一個唔覺意又發脾氣鬧交！所以，國外網站分析15句女生最常見說話的真實意思，要將女仔哄到開開心心就要留心以下內容！
撰文：Athena｜圖片：網上圖片｜資料來源：THOUGHT CATALOG
15句女人口是心非的真實含意
口是心非1.「我而家唔肚餓。」
心裡面嘅意思係→雖然我而家唔餓，但如果真係要食嘢我都OK。
口是心非2.「唔緊要。」
心裡面嘅意思係→咩唔緊要呀，我仲想繼續講落去！如果你肯聽我講我會好開心。
口是心非3.「有人跟蹤我！」
心裡面嘅意思係→我仲係有Market㗎，你小心啲啊！（同時都想聽下另一半點樣緊張同擔心）
口是心非4.「無論如何…」
心裡面嘅意思係→呢樣嘢對我好重要，影響我嘅心情。
口是心非5.「我要死啦。」
心裡面嘅意思係→我仲好生猛，未死得，但都想聽你講嘢哄下我。
口是心非6.「我鍾意佢，但係…」
心裡面嘅意思係→我無辦法鍾意佢了！
口是心非7.「我唔再鍾意佢了。」
心裡面嘅意思係→其實我成日諗起佢，夜晚都會偷偷地喊⋯⋯
口是心非8.「佢真係好好。」
心裡面嘅意思係→就算佢再好，但我都已經唔鍾意佢了。如果女朋友講出：「你真係好好，但係⋯⋯」嘅時候，你哋嘅感情可能就響起警號了。
口是心非9.「你覺得佢好得意咩？」
心裡面嘅意思係→你試下話佢得意呀，你死硬！！！（任何一個女仔都唔會想另一半讚其他異性嘅，呢個時候要讚下另一半補鑊啦。）
口是心非10.「我冇衫著呀。」
心裡面嘅意思係→我啲衫太多啦，唔知著咩好，不如陪我行街買衫啊～
口是心非11.「我無所謂啊，去邊度食嘢都OK！」
心裡面嘅意思係→我真係無所謂啊，我Care嘅係你有冇Care我哋可以去邊度食嘢咋。
口是心非14.「我哋仲係朋友。」
心裡面嘅意思係→我真係好憎佢呀！
口是心非15.「我同其他女仔唔同。」
心裡面嘅意思係→我唔認同其他女仔嘅做法，我就係我，我希望你會支持同欣賞我。
撰文：Athena｜圖片：網上圖片｜資料來源：THOUGHT CATALOG
圖片來源：Instagram
