卡啦OK
卡啦OK

盤點卡啦OK最常見8種人 咪霸/走音王都未係最乞人憎!第一名竟是…

熱話

廣告

自從畢業出社會後,約埋三五知己一齊去唱K嘅機會真係少之又少!現時社交措施放寬,卡啦OK亦都重開一段時間,唔知大家鋪唱K癮又有無去解一解決呢?今日就嚟盤點唱K時的8種人,一齊睇睇你係邊一種啦,當中最乞人憎行為竟然是…!

盤點卡啦OK最常見8種人
咪霸/走音王都未係最乞人憎!第一名竟是…

1.搶歌王

每個人總有一兩首飲歌,特別希望可以係朋友面前大顯身手,獻唱一曲!但係偏偏有一種人,總係會喺人地準備solo之際高歌一番,搞到本身想唱歌嘅Mood即刻冇哂,又唔好意思開口叫佢收聲,場面異常尷尬呢,「搶歌王」可謂最乞人憎行為之首!

卡啦OK 「搶歌王」可謂最乞人憎行為之首!
「搶歌王」可謂最乞人憎行為之首!(圖片來源:TVB《潮流教主》截圖)
卡啦OK 網民都頂搶歌王唔順。
網民都頂搶歌王唔順。(圖片來源:連登討論區截圖)
卡啦OK 咁樣真係好嬲!
咁樣真係好嬲!(圖片來源:連登討論區截圖)

2.忠實聽眾

有一種人你每次邀請佢去唱K,佢總係會好爽快應承,但係每次都淨係得個聽字!這類朋友從來都冇將支咪拎過上手,大家都唔好為難佢地啦,但佢地好多時都會負責給予對方信心、打拍子、適時仲會為大家歡呼,可以話係炒熱氣氛的存在!

卡啦OK 有忠實聽眾時,唱都唱得都有信心啲!
有忠實聽眾時,唱都唱得都有信心啲!(圖片來源:《華燈初上》劇照)
卡啦OK 有啲朋友每次都淨係得個聽字
有啲朋友每次都淨係得個聽字(圖片來源:《華燈初上》劇照)

3.Cut歌王

有一類人,個個都驚咗佢,佢長期坐係觸控螢幕前,或者手持遙控器,每一首歌嘅生死都掌握喺佢手上!就夠鐘嘅時候,呢位朋友就會變得尤其重要,在每一首歌的副歌後馬上Cut,為大家爭取最多時間唱更多首歌!但呢種人有時都會偷偷地插播自己點嘅歌,有利有弊啦!

卡啦OK 約埋朋友去唱K最開心。
約埋朋友去唱K最開心。(圖片來源:TVB《迷網》截圖)
卡啦OK CUT歌王亦被網民嫌惡。
CUT歌王亦被網民嫌惡。(圖片來源:連登討論區截圖)

4.美食家

喂喂,你要食咩?幫我拎啲魚生壽司、飲凍朱古力、要多盤炸薯條!唔知點解有啲朋友,好似前世未食過飯咁,嚟到K房淨係掛住食,佢地最活躍嘅時段一定係K-Buffet!一碟又一碟,不停咁食,個嘴分分鐘仲攰過咪霸。

卡啦OK 現時少之又少的K Buffet。
現時少之又少的K Buffet。(圖片來源:Neway)
卡啦OK
(圖片來源:Neway)

5.勁舞團

Everybody Stand up!有啲朋友聽到音樂響起就會忍唔住Shake body,韓團舞蹈首首都十分之上手,簡直好似睇緊演唱會咁!有啲歌甚至沒有編舞,佢地都可以Freestyle到一段出嚟,或者係單純亂跳,一樣都為大家帶來歡樂!

卡啦OK 連香港男團都難唔到佢地。
連香港男團都難唔到佢地。(圖片來源:YouTube@MIRROR)
卡啦OK Gee Gee Gee Gee,一定係不敗的經典。
Gee Gee Gee Gee,一定係不敗的經典。(圖片來源:YouTube@SMTOWN)

6.咪霸

每個人身邊都總有一個咪霸朋友,如果冇嘅話,嗰個好大可能就係你!呢類人通常由第一首歌唱到最後一首,食緊K-Lunch都不忘繼續唱,趁住歌曲中有空檔先敢食兩啖飯,未吞落肚又繼續唱,咪不離手,隔離嗰個想唱都冇咪可以唱!

卡啦OK 6.咪霸
6.咪霸(圖片來源:Neway)
卡啦OK 網民表示最唔鐘意遇著咪霸。
網民表示唔鐘意遇著咪霸。(圖片來源:連登討論區截圖)

7.走音王

走音、甩Beat等等字眼似乎都無辦法好好形容呢一類朋友,聽佢地唱歌簡直係虐待自己對耳,真係好難聽呀!重點係佢地對自己的歌喉非常有自信,認為自己唱得完全無問題,沉醉喺自己世界入面,如果唔係好熟嘅朋友,下次唱K都係唔好預我!

卡啦OK 7.走音王
7.走音王(圖片來源:Neway)

8.語言天才

廣東歌、普通話歌、英文歌、日文歌、韓文歌都難不倒佢,甚至連泰文都識唱呀!話佢地係語言天才都不為過,好令人佩服!不過講真嗰句,就算佢唱錯哂我都聽唔明。

卡啦OK 8.語言天才
8.語言天才(圖片來源:Neway)

常見問題

卡啦OK房裡有哪些類型的人?

經過簡單統計,在K房裡大致可分為8種人,當中咪霸/走音王比例超高,但最乞人憎行為第一名是…詳情

香港目前哪裡可以唱K?

有Neway與Red Mr. 兩間主要卡啦OK公司,詳細地址可前往…詳情

圖片來源:Neway、TVB《迷網》截圖、TVB《潮流教主》截圖、YouTube@SMTOWN、YouTube@MIRROR、《華燈初上》劇照

最新吃喝玩樂資訊