前度
前度

男友與前度聯絡惹現任不滿!斥女友超公主病反被網民鬧足3個post|網絡熱話

熱話

廣告

前度可說是所有情侶的致命傷,處理得不好除了引起對方不滿,更會成為網民眾矢之的。日前一名男網民在連登出post,指女友懷疑他與前度仍有關係,男網民本想求安慰及解決方法,卻惹來一眾網民唾罵,更足足鬧了樓主3個post!也有網民希望樓主放生女友,不要再害她!

港男保留前度所送禮物惹女友不滿

事源一名男網民於連登以「我女朋友仍住我同ex有嘢」出post,指與女友拍拖一年半,期間經常為前度問題爭吵。而他亦指出「我曾經做錯過某啲嘢,而家已經好乖」,所以網民估計他應該有前科,而令女友如此敏感。

男網民指女友懷疑他與前度仍有關係的其中一個原因,就他使用中的「銀包、手機殻、背囊等等好多都係當年我ex送俾我」,女友就覺得「我仲用緊我ex送俾我嘅嘢=掛住個ex」,因此曾表達不滿,但男網民堅稱「嗰啲對我嚟講只係一件物件,我用緊嗰陣係完全唔會諗起個ex」,更有微言指「最後嘈完場交我妥協,當然佢都冇送返新嘅比我,最後係我出錢重新買返哂啲嘢」,算是解決了這個問題。

前度 樓主不少個人物品都是前度所送,女友曾表示不滿,樓主卻認為她太敏感。
男網民不少個人物品都是前度所送,女友曾表示不滿,男網民卻認為她太敏感。(圖片來源:《經常請吃飯的漂亮姐姐》劇照)

前度私下約港男打機被女友發現

而引爆兩人間最衝突的事情,男網民因與前度是中學同學,偶爾會聯同其他同學一起打機。某天前度私訊男網民相約打機,剛好被女友發現,於是生氣搶去男友手機,更回復對方叫她不要再煩著男友。

男網民因此大發雷霆,樓主認為女友蠻不講理,指女友「堅持自己咁樣冇問題,講咗好多非常難聽嘅說話鬧我地狗男女」。男網民稱非常愛女友,指「長期比人質疑嘅感覺真係好難受,諗過分手但同時又唔捨得」,但無法接受女友不讓他與前度有聯絡,因此上網求教。

前度 樓主和前度私訊被女友發現。
樓主和前度私訊被女友發現。(圖片來源:《比悲傷更悲傷的故事》劇照)

9成網民痛罵樓主:全世界得返前度一個朋友?

樓主出post後,一眾網民馬上痛罵樓主。大部份網民都指出,前度並非一般的異性朋友,既然分手又有新戀情,加上現任女友已多次提出不滿,不明白樓主為何仍要與前度保持聯絡。男網民駁斥指「係咪佢想我冇哂社交我都要照做先」,結果惹來更多責罵:「你好缺朋友?為咗現任感受唔同ex做friend 會死?」,樓主再回應「我一路有避嫌,我已經冇同佢單獨出過去,如果你話要同佢絕埋交,依個要求我真係做唔到,我冇辦法因為咁冇咗個咁重要嘅朋友」,又指前度「係幾單純嘅女仔嚟」,二人不會再復合。

網民即指樓主根本就把前度看得比女友重要,直言樓主心態就是偏幫前度:「Ex就善解人意純情小白兔,現任就公主病脾氣差死港女」,加上樓主曾有前科,因此女友不信任也情有可原,反而樓主卻為前度如此堅持,因此都認為樓主應放手不要再害女友。

前度 樓主堅稱和前度不可能復合,更指對方很純品,不會做第三者。
樓主堅稱和前度不可能復合,更指對方很純品,不會做第三者。(圖片來源:《舉重妖精金福珠》劇照)

港男再出post反擊:為女友付出很多、只想與ex繼續做朋友

被網民痛罵2個post後,樓主似乎仍心有不甘,因此再出新post列舉女友有公主病,自己如何多番遷就。貼文內指平時約會使費都是自己出、也會主動接送,「成日嘈完交成隻死狗咁又送禮物氹返佢,手機airpods ipad連macbook都係我送俾佢」,直言不想分手因為「我好愛佢,我會為佢付出好多嘢」,又指女友「成日好小事就唔開心」,直言女友沒有諒解他的感受。最尾更指「我好愛佢,將來嘅嘢我都plan好哂,我剩係想同佢過世」,但又堅持想要和前度保持聯繫,繼續做朋友。

前度 樓主自認為女友付出很多,卻被人質疑只是物質上的滿足。
樓主自認為女友付出很多,卻被人質疑只是物質上的滿足。(圖片來源:《社內相親》劇照)

網民:內容全部都係錫住個ex同踩自己女友,分手啦

網民閱後表示「水蛇春咁長 一半既篇幅都係數緊女朋友唔好嘅嘢」、「淨係睇到你送好多物質上嘅嘢俾佢,仲講到好偉大,睇唔出你有幾care對方」,認為樓主女友只是要求樓主與前度斷絕來往,卻換來被男友放上網公審,直言「做你女朋友真係喊三聲」,又指從字裡行間已經能感受樓主重視前度多過女友,直言樓主「你值得有個又純又天真又需要人保護嘅女仔做女朋友,快啲飛咗你而家條女,同個ex再續前緣啦」。大家又覺得是樓主偏幫前度,還是女友太專制呢?

前度 大家又認為誰對誰錯?
大家又認為誰對誰錯?(圖片來源:《29+1》劇照)

圖片來源:連登、《經常請吃飯的漂亮姐姐》劇照、《比悲傷更悲傷的故事》劇照、《舉重妖精金福珠》劇照、《社內相親》劇照、《29+1》劇照

最新吃喝玩樂資訊