東張西望
東張西望

東張西望|73歲保安婆婆被剋扣7萬飯鐘錢 向法團索償1個理由被炒|網絡熱話

熱話

廣告

東張西望|73歲的梁婆婆在何文田街一幢私人住宅擔任保安員11年,與大廈業主立案法團發生勞資糾紛,梁婆婆指控法團沒有在她工作給予適當的休息時間,亦沒有按勞工法例為飯鐘補水,追討7萬元;但法團則指梁婆婆工作表現持續欠佳,在協商及簽訂和解協議後補水4萬元飯鐘錢,解僱梁婆婆,更直言「畀多佢啦」,可謂羅生門事件。

73歲保安婆婆被剋扣飯鐘錢 申訴不能離開崗位

梁婆婆擔任大廈保安員的主要工作,要為私家車開門及開電閘,兼要洗廁所及清潔更亭,上晝同時有2至3名保安員同時當更,夜更就只有1名保安員,她晚上獨自當值時未敢離開崗位,若有需要解手及食飯,都只能在更亭解決,以免為住客帶來不便,「當無人經過,就舀一啖食;人有三急,就唯有用桶解決」。

東張西望 梁婆婆申訴不能離開崗位,「當無人經過,就舀一啖食;人有三急,就唯有用桶解決」。
梁婆婆申訴不能離開崗位,「當無人經過,就舀一啖食;人有三急,就唯有用桶解決」。(圖片來源:[email protected] USA Official)

工時長 請假難

梁婆婆又申訴,她想請年假娶媳婦,被僱主指「都結咗婚咯,仲擺咩酒呀?又唔係你嫁」,令她感嘆「大家窮與富,都有喜慶日子」,連住客都看不過眼梁婆婆得到的待遇,「係有咁嘅事,比較離譜」、「無食過嘢,你問返佢(法團)得唔得先?」

東張西望 梁婆婆請年假娶媳婦,被僱主指「都結咗婚咯,仲擺咩酒呀?又唔係你嫁」,令她感嘆「大家窮與富,都有喜慶日子」
梁婆婆請年假娶媳婦,被僱主指「都結咗婚咯,仲擺咩酒呀?又唔係你嫁」,令她感嘆「大家窮與富,都有喜慶日子」(圖片來源:[email protected] USA Official)

簽訂合約1小時飯鐘補水 未有落實執行惹爭拗

另一面廂,有前法團代表表示,「我哋收到有人投訴,直情send埋條video影住佢瞓咗覺,門又無鎖,畀人入咗嚟,咁我都忍讓咗好耐呀。」儘管梁婆婆工作表現欠佳,於2009年入職,2013年經勞工處巡查後,大廈法團才與梁婆婆簽訂僱傭合約增補條款,正式納入每更1小時的飯鐘予梁婆婆,雖然文件由法團簽名作實,卻沒有落實執行。

東張西望 有前法團代表表示,婆婆工作表現欠佳
有前法團代表表示,婆婆工作表現欠佳(圖片來源:[email protected] USA Official)

法團不滿婆婆工作表現 補水金額各說各話

根據《僱傭條例》,她因工作要求而未能離開崗位,飯鐘亦應該可獲得薪金,於是梁婆婆尋求勞工處協助,向法團追討2013至2020年的有薪飯鐘薪金約7萬元,但法團及後只賠償4萬元,前業主立案法團委員受訪表示,「其實我哋覺得畀多咗,我哋計得無錯,佢有佢嘅要求,大家協商」。

東張西望 前業主立案法團委員受訪表示,「其實我哋覺得畀多咗,我哋計得無錯,佢有佢嘅要求,大家協商」
前業主立案法團委員受訪表示,「其實我哋覺得畀多咗,我哋計得無錯,佢有佢嘅要求,大家協商」(圖片來源:[email protected] USA Official)

願收4萬繼續獲聘 法團反口突加密碼鎖裁員

某法團高層曾表示會繼續僱用梁婆婆,但沒有在和解協議中寫明,當梁婆婆被問及當時為何會願意接受協商下的4萬元飯鐘補水,「當時佢話請返我,叫我繼續做,咁我又老,難搵工,諗住好來好去,就接受囉」,當梁婆婆接受4萬補水的7天後,即被解僱,法團又在閘門突然加了密碼鎖,表示不再需要人手開門。

東張西望 某法團高層曾表示會繼續僱用梁婆婆,但沒有在和解協議中寫明
某法團高層曾表示會繼續僱用梁婆婆,但沒有在和解協議中寫明(圖片來源:[email protected] USA Official)
東張西望 當梁婆婆接受4萬補水的7天後,即被解僱
當梁婆婆接受4萬補水的7天後,即被解僱(圖片來源:[email protected] USA Official)

追討3萬元不諳程序仍未成功

梁婆婆直言,「我收少咗錢,佢哋咪謀我囉,一個大話冚一個大話趕我走,我只想拎返我辛苦工作應得嘅飯鐘錢3萬蚊」。現時梁婆婆患上不少老人病,有骨退化及輕度中風,她希望取回應得飯鐘錢幫補醫藥費,為此她再次透過勞工團體向法團周旋,與法團簽訂另一份和解協議,卻只追收到$1,650。

梁婆婆以為簽訂這一份和解協議後會收到3萬元,「我都唔知佢寫咩」,幾天後才收信得悉被指「裁斷了」。有律師受訪表示,梁婆婆可考慮向法團申索,針對當時法團有否作出「誘導性行為」,推翻和解協議。

東張西望 梁婆婆直言,「我收少咗錢,佢哋咪謀我囉,一個大話冚一個大話趕我走,我只想拎返我辛苦工作應得嘅飯鐘錢3萬蚊」
梁婆婆直言,「我收少咗錢,佢哋咪謀我囉,一個大話冚一個大話趕我走,我只想拎返我辛苦工作應得嘅飯鐘錢3萬蚊」(圖片來源:[email protected] USA Official)

網民不恥法團欺壓

網民對法團的欺壓行為看不過眼,「呢個法團無人性,等天收」、「呢班人真係人渣法團」,亦有人認為老年人落得如此下場,政府不無責任,「只怪政府對老人晚年照顧未到位」。

東張西望 現時梁婆婆患上不少老人病,有骨退化及輕度中風,她希望取回應得飯鐘錢幫補醫藥費
現時梁婆婆患上不少老人病,有骨退化及輕度中風,她希望取回應得飯鐘錢幫補醫藥費(圖片來源:[email protected] USA Official)

梁婆婆被指偷懶 網民:問題在於梁婆婆身上

另有網民持相反意見,認為問題在於梁婆婆身上,「行路不穩,根本不能做工,業主肯請佢,算是開恩了」、「做通宵看更舍阿婆晚晚都走去開帆布床瞓,晚晚蛇幾粒鐘」、「喊就大晒,瞓覺盤」。

東張西望 梁婆婆為此她再次透過勞工團體向法團斡旋,與法團簽訂另一份和解協議,卻只追收到$1,650
梁婆婆為此她再次透過勞工團體向法團斡旋,與法團簽訂另一份和解協議,卻只追收到$1,650(圖片來源:[email protected] USA Official)

圖片來源:[email protected] USA Official

最新吃喝玩樂資訊