中醫妹
中醫妹

交友APP遇「中醫妹」 疑集團式經營釣客Sell中醫療程 行騙過程全直擊

熱話

廣告

「中醫妹」最近又重出江湖!最近有市民於交友軟件上識女仔,點知相約出街後被帶到中醫診所?有事主於《東張西望》分享被騙經過。究竟「中醫妹」運用咩手法氹人落疊,一於睇睇行騙過程全直擊!

交友APP遇「中醫妹」 疑集團式經營釣客Sell中醫療程 行騙過程全直擊

《東張西望》於日前報導受害者Kelvin於交友APP上認識一名女子,兩人相談甚歡,加加埋埋都傾咗兩個禮拜,Kelvin曾經提及自己確診新冠肺炎,到目前仍然有喉嚨痛、咳嗽等等症狀,該名女子即刻話自己睇開中醫,可以順便帶Kelvin一同前往,有助調理身體。

中醫妹 Kelvin表示與該名「中醫妹」聊了兩周,對方開始邀請他去睇中醫。
Kelvin表示與該名「中醫妹」聊了兩周,對方開始邀請他去睇中醫。(圖片來源:TVB《東張西望》截圖)

Kelvin與該名女子一同到達中醫診所,在支付300元診金後,職員馬上上前向他講解合約內容,並推銷一份為期24周嘅中醫醫藥療程,總費用為13,800元,Kelvin發覺情況不妥,於是表示只購買為期2周嘅療程,但係都俾咗兩千幾蚊。

中醫妹 Kelvin一上到去,職員馬上向他推銷過萬元的療程套餐!
Kelvin一上到去,職員馬上向他推銷過萬元的療程套餐!(圖片來源:TVB《東張西望》截圖)
中醫妹 Kelvin覺得唔對路,最後支付兩周的療程套餐。
Kelvin覺得唔對路,最後支付兩周的療程套餐。(圖片來源:TVB《東張西望》截圖)

東張西望行騙過程全直擊

在了解完Kelvin的被騙過程後,《東張西望》決定喺交友APP上認識「中醫妹」,節目組很快認識一位叫Kate的女子,她對節目組嘅態度非常積極,每日照三餐問候,又關心對方生活大小事,大約喺十日後,Kate終於展開攻勢,表示自己要同家人去睇中醫,順勢問節目組有冇睇中醫嘅習慣,並主動邀約齊齊去睇中醫。

中醫妹 Kate對目標態度積極親切,企圖刷滿好感度。
Kate對目標態度積極親切,企圖刷滿好感度。(圖片來源:TVB《東張西望》截圖)
中醫妹 過了十天,Kate開始提及中醫話題。
過了十天,Kate開始提及中醫話題。(圖片來源:TVB《東張西望》截圖)

於是節目組應約與Kate一同前往睇中醫,佢喺路程上亦一直推廣中醫有幾好,又稱讚中醫師們有醫德,所以醫室先會開放到晚上,方便上班族睇醫生,點知去到嘅唔係診所,而係一間美容院。雖然節目組喺被要求索取個人資料之際趁機離開,但Kate仍然鍥而不捨約節目組下次再嚟。

中醫妹 在節目組離開後,Kate仍然堅持約對方下一次到來。
在節目組離開後,Kate仍然堅持約對方下一次到來。(圖片來源:TVB《東張西望》截圖)

在言談間,Kate亦有透露佢正指導幾個下屬工作,能力愈高就可以帶領更多人,例如教授中醫基本知識、如何同人相處等等,聽落似乎係集團式經營!中醫妹咁樣帶客上門,又有冇違法呢?大律師陸偉雄表示中醫妹如果有表明有收介紹費用,而事主最後又願意支付療程套餐費用,整個程序便會是合法的,之後想退款就會好艱難!因此各位喺認識朋友時記得要打醒十二分精神,以免墮入消費陷阱。

中醫妹 Kate表示佢地係一個團體工作。
Kate表示佢地係一個團體工作。(圖片來源:TVB《東張西望》截圖)
中醫妹 律師表示中醫妹的行為是否違法關乎事主知不知情。
律師表示中醫妹的行為是否違法關乎事主知不知情。(圖片來源:TVB《東張西望》截圖)

其實,「中醫妹」於去年一早就有被報導過,佢地往往在交友APP上以交友為名,與目標對象噓寒問暖,建立良好關係和一定信任,然後再約對方上門睇中醫,而最近「中醫妹」又頻頻重出江湖,所以大家一定要謹慎交友!

中醫妹 中醫妹騙案已非新鮮。
中醫妹騙案已非新鮮。(圖片來源:連登討論區截圖)

常見問題

甚麼是「中醫妹?」

她們在交友APP上假借交友為名,實際上…更多詳情…

「中醫妹」的行為是否犯法?

律師表示中醫妹如果有表明有收介紹費用,而事主最後又願意支付療程套餐費用,整個程序便…更多詳情…

圖片來源:TVB《東張西望》截圖、連登討論區截圖

最新吃喝玩樂資訊