澳牛拍片
澳牛拍片

平民去澳牛拍片被狂X兼趕出門口 知名KOL就任拍唔嬲?

熱話

廣告

人總係犯賤嘅!無論澳洲牛奶公司(「澳牛」)夥計嘅態度幾惡劣都好,門口條人龍依然係咁長!香港人未排隊已經諗定叫咩餐,外國遊客就練定幾句點餐限定廣東話,個個都驚死畀人鬧!YouTuber香港人夫Benjamin同日本人妻Momoko偏偏唔怕死,勇闖澳牛拍片,結果……

撰文:wfc|圖片:YouTube Benja & Momo Channel | 編輯:MaggieMalau @Central (原文刊於 東方新地

平民去澳牛拍片被狂X兼趕出門口 知名KOL就任拍唔嬲?

其實係人都知,只有大肚婆喺澳牛有「VIP待遇」,可以慢慢食、慢慢行,但YouTuber Benjamin同日本人妻Momoko就話你知,原來唔止大肚婆有特別優待㗎!究竟佢哋口中嘅「一些YouTuber」係邊個呢?而Benjamin佢哋又拍出幾「真實」嘅一面呢?

未排隊先緊張

好啦,Benjamin同Momoko呢日去到澳牛,未排隊已經先緊張!真係好緊張!究竟佢哋所指拍到「最真實一面」係點呢?大家慢慢欣賞!!

終於入到去

好啦終於到Benjamin同Momoko入去啦,不過行得慢少少已經被人「問候」,待應哥哥呼喝道:「快啲!」

早餐光速上枱!

大家都知道澳牛出晒名光速上菜,Benjamin完全拍唔到上菜嘅一刻!

同人唔同命?

好啦,上文提到Benjamin話今次可以畀大家見到澳牛最真實一面,但同時「一些YouTuber」喺澳牛受到特別厚待,原來係講緊俄仔Ansheles同鄭金鈴(Ling Cheng)?

睇番Ansheles條片,原來佢之前曾帶過妹妹去澳牛,諗住感受下點樣食嘢都畀人鬧啦,點知個侍應哥哥見到Ansheles有講有笑,真係太陽由西邊升起!

好啦之後到鄭金鈴條片,又係有侍應哥哥認得佢,仲好聲講句「慢慢食!」呢句說話竟然會出自澳牛哥把口!

先睇Benjamin同Momoko「澳牛真實一面」:

同人唔同命之俄仔Ansheles

都係同人唔同命之鄭金鈴: