彭浩翔做護旗手 杜汶澤轟傷害香港人感情

撰文：e｜圖片：杜汶澤、鄒凱光Facebook專頁、微博

杜汶澤鬧爆彭浩翔

早前旺角有「反送中條例遊行」，期間有示威者前往尖沙咀天星碼頭，拆下旗桿上的中國國旗，令中國國旗在海中漂流。《央視新聞》置頂了一條微博，微博內容主要是「為#五星紅旗有14億護旗手#」。不少香港藝人例如：Angelababy、陳偉霆等人都有回應，連一向自居「香港仔」的彭浩翔的立場懷疑由黃變紅，在微博表態願做護旗手，內地網民看到彭浩翔的微博紛紛讚好，但同時間就惹來香港人的不滿。

曾與彭浩翔合作的杜汶澤就即時在Facebook回應，以「每個人一生中總會遇到幾個人渣」為題，不點名爆粗怒斥，阿澤更揚言：「6月以來我最嬲係今日。」其後，杜汶澤再次更新Facebook，強調之前自己沒有開名，令傳媒誤會。阿澤澄清：「我無鬧其他人，因為嗰班人主要係做大陸人生意嘅，我無意見，亦無感受，亦唔意外。我係X你彭浩翔一個啫！因為你自己投資拍賀歲（片）就標榜自己為香港人而拍，咁X有型？叫人支持本土電影？」同時間，杜汶澤仲鬧爆彭浩翔的好朋友─鄒凱光，指鄒凱光食人血饅頭，「响香港同你個出人血饅頭T-shirt嘅兄弟鄒凱光開talk show賺香港人錢！你有乜資格响我面前X王晶呀？」仲大鬧彭是「XX仔」及「傷害香港人感情，我絕對唔會原諒你！」

鄒凱光FB Live回應

面對杜汶澤扯火鬧爆，鄒凱光就開Live回應，表示自己會理解別人所做的決定。他回應：「我認為呢個時勢世界，已經非我哋想像，亦唔係我哋表面望到嘅東西，唔係望到係咁就咁，好多嘢我哋冇選擇，正所謂『躺著都中槍』。我自己肯定相信，有啲人突然會180度轉變，係冇理由，係佢決定晒原因，我會選擇理解」。