內地火鍋店疑「湯底爆炸」 無辜食客打邊爐被燙傷面部
廣告
唔少香港人都好鍾意打邊爐，你今個星期又打咗未呢？近排，喺內地某火鍋店就發生咗一宗有關打邊爐嘅意外，火鍋湯底突然「爆炸」，有食客被滾油燙傷，真係好危險呀！鍾意打邊爐嘅你哋，平時切記要提高警覺！
撰文：CMC｜資料來源：梨視頻
今次意外發生喺中國吉林省長春市一間火鍋店，被燙傷嘅女食客表示，今個月5號嘅夜晚，佢約同事一齊去打邊爐。食緊麻辣火鍋嘅佢哋本來就好開心咁傾下偈，但湯底突然發生爆炸。呢名女士形容，牛油鍋底嘅油，直接從鍋入面噴出嚟，大約有 40cm 高！
當時呢位女士離火鍋最近，所以湯底嘅油直接噴到佢嘅面部同身體，令到佢嘅大腿多處燙傷，而鼻都有一個大水泡。另外佢啲同事傷勢同樣嚴重，仲有一位男同事整親隻眼。
意外發生後，佢哋嘗試向涉事火鍋店索取賠償，但對方只願意賠償$1,000元人民幣，所以未能達成共識。火鍋店仲話，湯底並冇發生爆炸，只係紅油唔小心飛濺出嚟，仲將事發當日嘅店內閉路電視片段交畀相關人員調查。
有片！
https://www.facebook.com/698132263571269/videos/414644002589867/?v=414644002589867
