麥當勞隱藏食法！6款意想不到但味道一流配搭！麥旋風、薯條、漢堡大兜亂｜網絡熱話
廣告
麥當勞就由細食到大，薯條、漢堡、炸雞等食物相信大家都唔會陌生。今日先忽略麥當勞餐點所帶來的驚人卡路里，而是分享數個網絡流傳的6種「另類隱藏」食法，不少人試完都話睇落賣相奇怪甚至「樣衰」，但食落卻是超級好食！
1. 初級組：薯條＋甜酸醬
薯條一般都是蘸番茄醬，但如果剛好是食麥樂雞餐的話，拎薯條去蘸甜酸醬就少不免，說不上是「隱藏版」的另類食法，相信連三歲小朋友都有試過！食落酸酸甜甜別有一番風味。
2. 初級組：薯條＋茄汁＋砂糖＋胡椒粉
薯條蘸番茄醬就基本㗎啦，但如果喺茄汁入面加砂糖同胡椒粉聽講會將味道提升一個層次。台灣網友話食落又鹹又甜，味道仲超似「蘑菇鐵板麵」！
3. 中級組：薯條＋雪糕
鹹嘅薯條搭配上甜嘅雪糕，雖然聽落怪怪地，但食過嘅人都大讚話「超級夾」！雪糕方面用新地筒/新地/麥旋風都得，口味隨你配搭，榴槤又得、朱古力又得！（不過聽講用新地筒同薯條最夾）
4. 中級組：漢堡包＋薯條
在漢堡包入面放上薯條，網民話食落好似薯蓉漢堡咁，口感軟綿綿又香口，非常好食！多位網民評測後認為最好食的是「雙層芝士孖堡＋薯條」。
5. 高級組：雙層芝士孖堡＋麥旋風
齋聽未食都已經開始覺得奇怪是非常正常的，但聽講有人食過就欲罷不能。網民稱食落似係牛奶味好重的「花生醬雙層芝士孖堡」，仲有人稱呼佢為「冰火雙層芝士孖堡」（聽落好似好厲害），有機會各位不妨試試！
6. 高級組：麥旋風＋蘋果批
將香脆的熱蘋果批對半折開，放入冰冰甜甜又綿密的麥旋風中間攪拌，冰熱的交疊搭配出超級新奇的口感，但奇怪的是沒有違和感，仲非常之夾！食落又酸又甜，網民話食落超似「炸雪糕」，亦有人話似係「酥皮雪糕」！雖然其貌不揚，但是每個試過嘅人都話「超！級！好！食！」
撰文：GW｜來源：Facebook、Mcdonald’s、YouTube@古娃娃WawaKu
