《開心速遞》群姐同歐陽震華合體　網民起哄支持

May 8 2019

Isabella群姐（許思敏飾）喺《愛‧回家之開心速遞》入面係Bobby仔歐陽震華嘅頭號忠粉，但係只可以同Bobby仔嘅紙牌對戲，睇到人心都酸埋。所以有唔少網民集氣，想睇吓群姐同真歐陽震華做對手戲！Bobby睇到大家反應咁熱烈，終於忍唔住上咗去劇組辦公室！網民就一直係到等待二人合作。結果皇天不負有心人，網民集氣成功！終於如願咁將佢哋撮合，群姐唔使再對住紙牌做戲啦！

撰文：B｜來源：TVB

群姐愛Bobby歐陽震華反應熱烈　最終成功合體

Bobby就於微博上載兩張合照，仲打「機會終於嚟喇，飛雲！」Bobby表示「我和許思敏終於合作！」

網民表示支持同興奮　終於見證群姐、歐陽震華世紀合體

而網友都表示十分興奮：
「終於客串開心速遞！」
「歐陽波比和群姐終於要合體了！」
「群姐見到他的偶像了！」
「群姐的追星路好順利啊，還可以摸偶像臉！」

眼利網民發現唔係《開心速遞》劇情

最終群姐、歐陽震華世紀合體，當然令網民十分開心！但係其實有眼利嘅網民一眼就睇得出端倪！佢哋兩個並非拍《開心速遞》！因為群姐身上並唔係「接龍集團」嘅招牌黃色風褸！所以好肯定呢個並唔係《開心速遞》劇情。後來大家先知道呢個係歐陽震華同群姐為一個商場拍攝嘅母親節特輯！而片中群姐個名叫「勤姐」！

歐陽震華：抹返啲口水先！

喺廣告中入面，許思敏飾演商場內清潔工人勤姐。但係因為佢個仔未能同佢一齊度過母親節而只可以擁抱印有歐陽震華嘅咕𠱸過節。「勤姐」抱住咕𠱸後入睡，喺夢入面仲畀Bobby歐陽震華邀請跳舞，佢仲搣住歐陽震華塊面，佢地之間嘅互動十分搞笑有趣！男神歐陽震華仲獻花畀「勤姐」，仲話：「你個仔喺度，冷靜啲，含蓄啲，抹返啲口水先！」呢個群姐、歐陽震華世紀合體雖然可以暫時滿足下大家，但係相信所有網民最想嘅都係喺見到佢哋《開心速遞》入面成功合體！