見工
見工

見工畀人狂踩!網民力數HR為難經歷:面試即場壓10K、連fresh grad都要求1年經驗|網絡熱話

熱話

廣告

相信唔少人都有見工經驗,好嘅公司固然多,但當中不乏唔少態度差、故意為難求職者嘅 HR 或者老闆,有網民就分享「見工俾人踩到一文不值」嘅經驗,即刻睇下有無共鳴!

撰文:熙燈喱|圖片:劇照|資料來源:連登討論區

6大過份行為!見工畀人踩到上心口

1. 拖延時間無預備

好多公司約某個時間見工,都會要求求職者喺門口填表、坐低等下咁,呢位網民就話試過畀人叫去見工,但對方係面試前無睇過 CV,直接話無經驗就趕自己走。咁又何苦要叫人特登去面試呢?

見工俾人踩到一文不值|網絡熱話
未睇過 CV 又叫人見工?

2. 即場壓價 要求轉職位

有唔少公司都明知自己開唔到預期薪金(expected salary),都希望見一見求職者再壓價。而呢位網民就誇到即場畀人壓 $10,000 人工,或者轉做唔同職位先畀到相等人工。如果一早就無諗住畀到預期薪金,點解仲要故意為難人哋?

去見譚仔姐姐唔通要求我講流利英文咩!
去見譚仔姐姐唔通要求我講流利英文咩!
事主後尾更狠狠地鬧咗對方一鑊。
事主後尾更狠狠地鬧咗對方一鑊。

3. 完全唔尊重求職者

見工中有對答好正常,但一般用英文講完,就唔會要求用中文講多次(前提中文為母語),但呢個面試官就完全唔聽人哋用英文 present 嘅內容,直接要求以中文翻譯多次,come on,留心啲!

見工時,兩方都應該專心聽對方說話內容以表尊重,而唔係高高在上!
見工時,兩方都應該專心聽對方說話內容以表尊重,而唔係高高在上!
你尊重對方時,人哋先會尊重你。
你尊重對方時,人哋先會尊重你。

4. 狂做 skill test

見工前要做少少 skill test 非常合理,以免發生請番嚟嘅人根本唔識做。但呢位網民就分享自己淨係做 test 都搞咗 3-4 個鐘,直情當佢係公司正式員工咁做!

最慘係拎咗你啲Idea,然後畀公司用,但最後唔請你。
最慘係拎咗你啲Idea,然後畀公司用,但最後唔請你。
明知做緊免費勞工,見工者都要硬食。
明知做緊免費勞工,見工者都要硬食。

5. 啱啱畢業都要求經驗

Fresh Grad 無經驗好正常,但唔少公司又寫歡迎畢業生,同時又要求對方有 1-2 年工作經驗,喂大佬,返學點樣變 1-2 年全職經驗出嚟啊?

又要有經驗但只出得起 FG 人工!
又要有經驗但只出得起 FG 人工!
明明係見習位,都要有經驗!
明明係見習位,都要有經驗!
畢業生要識得還擊啊!
畢業生要識得還擊啊!

6. 不停搵你缺點 故意為難

最多人就係話,對方不停搵唔關事嘅嘢為難自己,似乎係返得唔開心就要踩吓人搵樂趣。網民甚至分享自己已經大學畢業而且做咗幾年嘢,仲要拎番會考某一科成績不停講。

見工對方不停搵唔關事嘅嘢為難自己。
見工對方不停搵唔關事嘅嘢為難自己。
見工俾人踩到一文不值|網絡熱話
故意係咁踩對方!

又有網民話見工個陣,畀人查家宅!兩老健康,無兄弟姊妹就話人無經濟壓力,好易唔做,網民大呻:「係咪幸福家庭都要畀佢踩啊?」

網民教路:見工唔係求佢畀你返

有不少網民都認同,見工其實係雙向。你求職的同時亦觀察公司的氣氛環境、員工工作態度等,如果喺見工時已經不愉快,相信入到去做只會更難捱,求職同樣要學識 say No。

見工之餘其實都要諗對方公司好唔好做。
見工之餘其實都要諗對方公司好唔好做。
直接踩人其實同浪費見工者時間無分別。
直接踩人其實同浪費見工者時間無分別。

撰文:熙燈喱|圖片:劇照|資料來源:連登討論區