沙田區VS荃灣區！網民睇樓發現 呢區差好多列5宗罪：「好多基建都開始老舊」｜網絡熱話

撰文：WM丨圖片：劇照，新傳媒資料庫丨資料：香港討論區

網民睇樓發現住沙田大埔比荃灣差 ：「好多基建都開始老舊」

1.基建老化

沙田區於很早年前就開始發展為住宅區，不少基建都開始有老化的跡像。就連地標一般的新城市廣場其實也已經不新，早於1985年就已經落成。該名事主就指沙田不少基建老化的問題，擔心其安全性以及其未來的維修費。

2.塞車之路 – 大埔公路

住過新界區的人都知，新界人要出九龍不外乎都是得幾條公路，除咗每日都會塞到爆嘅屯門公路之外，另一條就是上水粉嶺和大埔區居民都會用到的大埔公路，公路除了不時有交通意外發生之外，繁忙時段同樣塞到死一死。

3. 新城市廣場長期擠迫

新城市廣場雖然萬物俱全，但是長期都處於擠迫的情況，假日更是誇張。如果你有試過星期六日去一次新城市廣場的話，就會發現等位食飯是多麼痛苦的一件事。而且要在商場中行走都不易，排隊上落電梯已經是常識了。

4. 非市中心地帶交通較差

沙田區如果是住在新城市廣場附近的話，其實交通相當不錯，樓下一個巴士總站你想去邊就去邊！但就是因為大多數的交通路線都圍繞著沙田市中心行走，如果住得比較偏離市中心的話，其交通會比較不方便。

5. 好多公屋人

事主都指出「好多公屋人」亦是一個弊病，認為其文化水平會比起一般住私樓的人多，所以將其列為一大壞處。有網民都解答其問題，指出因為政府在發展新市鎮時，都會率先發展公屋為主，所以會有公屋市民存在也是正常。

有網民就力撐沙田區，指出沙田區幾乎是整個香港的中心地帶，由沙田出去香港任何一個地方，基本上一個小時的路程就已經可以去到，相當方便。又有網民指出沙田的城門河景十分不錯，而荃灣就感覺上比較雜亂。

另一邊都有力撐荃灣的網民，認為荃葵青為香港「中心鐵三角」，已經控制了整個香港的發展，當中包括工商，物流，零售，住宅，交通。不過不少網民都發駁其論點，認為沙田雖然較舊，但是所有東西都高荃灣一班。