整蠱嫲嫲
整蠱嫲嫲

日本YouTuber整蠱嫲嫲 夾埋爺爺玩到上天花板

熱話

廣告

好多YouTuber都會拍一啲整蠱片,整蠱下自己嘅屋企人、朋友、路人等,呢類型嘅片通常好受觀眾歡迎。今次有一個日本YouTuber夾埋爺爺一齊整蠱嫲嫲,嚇到嫲嫲成個彈起。呢條片一出,就吸引咗唔少Fans,原因係佢嫲嫲個反應真係好可愛。

撰文:SY|資料來源:SUSHI RAMEN【Riku】

日本YouTuber「壽司拉麵Riku」喺YouTube頻道上傳唔同嘅影片,而當中整蠱嫲嫲系列十分受歡迎,Riku經常都會同爺爺合作整蠱嫲嫲。而今次Riku喺爺爺嘅助攻下,靜雞雞貼住個天花板等嫲嫲返屋企,諗住嚇佢一餐。

全身白色嘅Riku同天花板融為一體,真係唔出聲,都唔會見到佢。喺嫲嫲返屋企之後,Riku一直默默咁望住嫲嫲,就算嫲嫲擰轉頭都唔發現自己嘅孫喎!

之後爺爺出手,叫嫲嫲幫手拎嘢放喺枱面,但嫲嫲仍然冇察覺Riku嘅存在,令Riku忍笑忍得好辛苦。後來嫲嫲一路打掃屋企,等得太耐嘅Riku忍唔住出咗聲,嫲嫲先話「咦?天花板好像有東西?」佢一抬頭見到一嚿白色嘢,當然嚇到癲咗,仲問爺爺「那到底是甚麼?」

有片!

https://www.youtube.com/watch?time_continue=1&v=iKkpmCdf1Mo