打工仔
打工仔

打工仔熱心為跌倒伯伯報警 老細:「公司冇呢類指引!都係當你遲到!」|網絡熱話

熱話

廣告

打工仔最怕返工遲到,但老套問一句,喺街上見到有婆婆跌親,你哋會選擇伸出援手定係視而不見呢?有網民喺Facebook群組上載一張相片,相中見到快餐店入面有人側身瞓喺地上,身邊有幾個途人,樓主表示為幫跌倒嘅伯伯,公司竟然無視解釋當遲到,引嚟一眾網民留言表示:「喺香港做打工仔真係好慘!」

撰文:Evita|圖片:新傳媒圖片庫、Tai Po大埔、網上圖片

熱心打工仔為跌倒伯伯報警

樓主表示返工前喺快餐店食早餐期間,見到一位伯伯失平衡跌倒,頭部嚴重出血。樓主主動報警求助,當時亦有兩位途人同一位後到嘅商場保安到場協助。警察到場後叫佢哋留低協助調查,直到救護員到場。

打工仔
樓主返工前喺快餐店食早餐期間,見到一位伯伯失平衡跌倒,頭部嚴重出血。(圖片來源:FB@大埔 Tai Po)

打工仔助人 卻被當遲到

此時樓主向公司交代情況,再問公司喺呢種情況下點樣處理遲到問題,竟然畀同事反問:「點解係你報警唔係職員報呢?都係當你遲到囉,公司無呢類情況指引。」

公司表示都係當佢遲到。
公司表示都係當佢遲到。

樓主又話,有份幫手嘅女士事後不斷抱怨當時點樣叫其他人報警都無人郁,包括快餐店職員,上班族食完即閃,街坊就只識企喺旁邊食花生。

有份幫手嘅女士事後不斷抱怨當時點樣叫其他人報警都無人郁。
有份幫手嘅女士事後不斷抱怨當時點樣叫其他人報警都無人郁。

樓主感嘆社會冷漠

樓主感嘆公司同途人嘅反應令人覺得婉惜,指:「香港人『返工第一』呢種特質非一朝練成,而且促成社會嘅冷漠程度。」

樓主感嘆香港人「返工第一」特質非一朝練成。
樓主感嘆香港人「返工第一」特質非一朝練成。

帖文得到2百幾個留言回應,有網民大讚樓主救死扶傷,有網民大鬧快餐店職員唔幫手,又有人同樓主一樣慨嘆社會已經扭曲。

你又會點做呢?

有網民藉住呢件事分享過往經歷,表示社會上真係有救急扶危嘅人,亦有人置身事外。如果今次係你遇到呢件事,你又會點做呢?救人定係返工重要啲,就好似阿媽同女朋友一齊跌落海救邊個先,問題長期發生。

有網民藉此分享過往救人經歷。
有網民藉此分享過往救人經歷。
亦有人指不少人遇到這種事置身事外。
亦有人指不少人遇到這種事置身事外。

撰文:Evita|圖片:新傳媒圖片庫、Tai Po大埔、網上圖片