前度教曉你的10件事：分手後你比想像中更堅強！舊嘅唔去、新嘅又點嚟？｜網絡熱話
一世人流流長，總會有幾個前度。為咗一個已經唔愛你嘅人而唔開心，值得咩？你應該感謝佢哋曾經嘅出現，因為佢哋嘅離開，先至成就咗而家或者將來更好嘅自己！國外網站《COSMOPOLITAN》整理咗10件EX教識你嘅事，到最後你會發現，分手係正確㗎，因為咁先可以遇到對你更好嘅人，咁先發現好兄弟、好姊妹嘅好。
撰文：Athena｜圖片：Instagram｜編輯：乖乖隆地洞＠central｜資料來源：《COSMOPOLITAN》
前度教識你的10件事
1. 你比想像中還堅強
可能分手之後你覺得成個世界冇咗佢好似崩潰咗咁，但過多一陣你就會發現你冇咗佢依然生活緊，世界仍然不停變，時間不停流走，你還是可以好好的生活。
2. 單身太正啦！
兩個人一齊嘅時候你嘅生活只有對方，好少有私人空間。回復單身之後你想做咩就可以做咩，鍾意約姐妹行街睇戲食飯、兄弟睇波打機樣樣都得，最緊要嘅係你多咗時間增值自己，同自己相處。
3. 真的很難去改變一個人
三歲定八十。呢句說話其實都幾準，一個人的性格自出生開始就已定，你很難改變一個人，就算你們再相愛，也無法徹底改變對方。
4. 你也不需要去改變
真正愛你嘅人，唔需要你去改變所有習慣。如果唔係其實你只係佢嘅一隻扯線公仔。
5. 你值得更好！
You deserve better 呢句個個都聽過，拍拖最緊要開心同埋舒服，如果只係得互相傷害，咁又何必勉強呢？不如算數啦，放過自己放過大家，令大家都可以搵到個更好嘅人！
6. 不要成為和他一樣賤的人
每次拍拖都係一堂學問，你可以將今次拍拖嘅經驗當做上咗一課。要警惕自己唔好成為好似佢咁樣嘅人，要珍惜每一段感情。
7. 朋友的話是對的！
情人眼裡出西施，人哋講咩你唔知。愛情係盲目嘅，當你好愛一個人嘅時候，你永遠都睇唔清事實。當局者迷，旁觀者清，身邊朋友講嘅說話要冷靜啲聽下佢哋嘅意見，咁就唔會再咁盲舂舂愛前度，到時就後悔莫及啦。
8. 失敗從不可恥
失敗嘅戀愛又有咩可怕喎，有邊個會係一帆風順呀。只要對人生有希望，相信幸運女神總會眷顧你的。
9. 不是每個人都那麼渣
你之前遇到賤男，唔等於全部人都係嘅。用心同每個人相處，慢慢就會發現好嘅人可能係喺你身邊，你一路未發現咋。
10. 愛自己最重要！
想要人哋愛你，就先要學識愛自己！努力成為更加好嘅自己，自然就會吸引一班鍾意你嘅人！
撰文：Athena｜圖片：Instagram｜編輯：乖乖隆地洞＠central｜資料來源：《COSMOPOLITAN》
即睇更多：5大最差分手方法排行榜！發現伴侶出軌未夠渣 最差方式人人都最憎！｜網絡熱話
圖片來源：
