Wechat微訊
Wechat微訊

Wechat微訊推香港錢包! 港人要知的5個問題

旅遊

廣告

用開WeChat嘅用戶都知,以往用「微信錢包」就一定要連接內地嘅信用卡先用到,好明顯唔係開放畀香港嘅用戶!之不過,呢兩日,WeChat香港官方公眾號就公佈,國際版微信(即WeChat)已經喺香港推出WeChat銀包測試版啦,之不過,就唔係個個香港用戶都有份用,宜家暫時都係測試階段,所以只會隨機抽樣畀香港人試,等我哋即刻睇吓呢個啱啱登港嘅WeChat錢包可以點用先!

香港WeChat錢包有乜服務?

由於香港錢包仍屬測試階段,所以提供嘅服務都同內地錢包大有差異。香港錢包暫時只提供「旅遊」(如澳門嘅新濠影匯、水舞間等)、「交通」(如機場快線等)、「門票」(如海洋公園等)三種功能,而以上都有折扣優惠,暫時亦只與新濠博亞娛樂同客路合作。另外,香港錢包並未有齊內地錢包所提供嘅15種功能(如轉賬、生活繳費、電召的士等)。

香港WeChat錢包點增值?

香港錢包可以用MasterCard 同Visa信用卡,一個用戶最多可連接5張信用卡。而增值方法亦同內地錢包一樣,先於「我的設定」選擇「錢包」,之後連接信用卡並增寫相關資料,最後輸入所需增值金額即可。而整個增值過程亦唔會向用戶收取任何手續費。

香港WeChat錢包有無交易限額、有無貨幣限制?

香港錢包暫時每月每用戶只可以交易港幣$5000,亦只接受港幣交易。同時,現時在內地流行的傳送紅包功能,假如香港戶口接收到,也只能落入內地的錢包系統,不能轉換至香港錢包以作消費。

香港WeChat錢包邊度用到?

香港華潤旗下嘅200間超市同便利店均可以接受,包括廣為香港人熟識嘅各華潤萬家超市、Voi.la!超市發Vingoo便利店都可以用。另外,屈臣氏亦表明短期內會開通香港錢包付款服務。

香港WeChat錢包幾時有得用?

香港錢包於1月27號起隨機抽取香港用戶做測試,其後會逐步開放畀廣大香港用戶使用,而開放日期則未定。
延伸閱讀
小護士40周年限定金罐面!必買曼秀雷敦軟膏@日本藥粧研究室
賀年裝比卡超+和服小丸子! 5大卡通主題新年活動

最新吃喝玩樂資訊