Running Man
Running Man

Running Man光洙 環球玩命實錄|7大危險景點逐個睇

旅遊

廣告

Running Man歷年去過唔少地方拍攝,今年仲多咗個計劃,飛離韓國去勻玩世界7大危險景點!去過嘅地方包括日本、印尼、澳洲同紐西蘭皇后鎮!睇住光洙挑戰呢啲景點,已經嚇到個心離一離,但若果無膽挑戰,亦可到首爾全新的RM體驗館玩競技遊戲!

文:Ellissa|圖:Klook、Irene Xing、網上截圖

RM挑戰 世界七大危險景點

除左經典遊戲,其實Running Man過往仲去咗好多唔同嘅地方拍攝節目,今年播出嘅環球特輯將會去旅遊Blogger精選嘅世界7大危險景點,代替過往俾佢哋作為遊戲大懲罰嘅地方,唔知大家又有無去過呢?

Running Man 加入新團員之後推出全球企劃!
Running Man 加入新團員之後推出全球企劃!

全球企劃會代替以往Ruuning Man喺韓國玩遊戲輸咗嘅大懲罰,今年輸咗就要去世界各地接受危險景點嘅挑戰喇!7大危險景點裡面,Running Man已經去齊四個喇!

Running Man 計劃走訪世界7大危險景點!
Running Man 計劃走訪世界7大危險景點!

光洙三度大懲罰

已經播放嘅三個危險景點大懲罰裡面,李光洙去齊曬!仲要次次都係獨自完成任務,可憐嘅佢命中率點解可以咁高?真係無人會知道!

Running Man 無論點,結果都係李光洙,被命運選中嘅細路!
無論點,結果都係李光洙,被命運選中嘅細路!

01|日本富士急 世界最大鬼屋

喺日本東京富士急高原樂園戰慄迷宮,裡面唔似其他鬼屋咁有規定好的路線,反而係畀參加者自己行!基本上所有參賽者都會分為2-3個人一組入裡面玩!今次接受懲罰嘅有池錫辰、梁世燦、劉在錫、全昭旻同李光洙!

Running Man 睇到畫面已經覺得好恐怖了!
睇到畫面已經覺得好恐怖了!

Running Man今次嚟到話明係大懲罰,所以喺去鬼屋之前就已經有曬其他遊戲分勝負,輸咗嘅人就要獨自走入去呢個鬼屋喇!當然,呢個勇士就係細膽嘅李光洙,雖然好唔情願、但輸咗都係要找數嘅!

Running Man 李光洙更加嚇到貼牆而行,用三國語言表達佢有幾驚!
李光洙更加嚇到貼牆而行,用三國語言表達佢有幾驚!

入過富士急鬼屋嘅人都話,無一個鐘唔使指意出返嚟,驚嚇程度連Running Man嘅工作人員入完去都全身濕曬,仲話裡面真係唔講得笑咁驚!

Running Man 工作人員都頂唔順啊!
工作人員都頂唔順啊!

到底咁強勁嘅鬼屋係點嚟㗎呢?原來故事背景喺醫院,醫生會係病人做手術嘅時候拎走佢地嘅內臟儲存嚟賣!死去嘅屍體就會尋仇,所以內有唔少醫生、護士、病人追殺參加者!

Running Man 李光洙嚇到跌咗落地下啊!
李光洙嚇到跌咗落地下啊!

戰慄迷宮@東京富士急高原樂園
地址:山梨縣富士吉田市新西原5丁目6番地1號
門票:1,000日圓
官方網站:www.fujiq.jp/tw/attraction/senritsu.html

02|印尼日惹 手動木吊車過巨浪灣

另外李光洙、全昭旻都去咗印尼日惹著名大浪的海邊,玩手動木製纜車橫越巨浪海灣,只係睇畫面就知道佢哋用緊生命嚟拍攝!因為連結小島嘅就只有一條吊橋同纜車。

Running Man 距離小島中間海域嘅浪花從來無停止過!(圖片:Irene Xing)
距離小島中間海域嘅浪花從來無停止過!(圖片:Irene Xing)
天氣好都咁大浪,更何況Running Man拍攝嗰日天氣麻麻!(圖片:Irene Xing)
天氣好都咁大浪,更何況Running Man拍攝嗰日天氣麻麻!(圖片:Irene Xing)

全身濕透無一幸免

未到終點已經濕曬嘅李光洙,因為纜車嘅載客限制,又係自己一個人去完成任務,環境嘅恐懼令佢忍唔住為自己打打氣啊!一個一個咁坐纜車去對面島,中途經過咁大嘅風浪,又點會有可能唔濕曬啊!Running Man兩位成員都無一幸免啊!

Running Man 睇清楚架纜車製作有幾令人覺得畏懼!
睇清楚架纜車製作有幾令人覺得畏懼!
Running Man 全昭旻一個女仔係茫茫大海上面係驚啲嘅!
全昭旻一個女仔係茫茫大海上面係驚啲嘅!

天氣壞 海浪高過纜車

呢個小島附近海浪巨大,成日都會突然地淹沒纜車,加上拍攝當日天氣麻麻,巨浪翻天,睇見都覺得恐怖,而且纜車全人手控制,時快時慢,有時仲會停咗喺中間!

Running Man 玩到中段,一個浪打埋嚟,全身濕曬!
玩到中段,一個浪打埋嚟,全身濕曬!
Running Man 連全昭旻都無辦法逃避,你就知道個海浪有幾高喇!
連全昭旻都無辦法逃避,你就知道個海浪有幾高喇!

曾經都有網友玩過手動纜車㗎!

印尼爪哇日惹手動木製纜車
地址:Timang Beach – Jl. Pantai Sel. Jawa, Purwodadi, Tepus, Kabupaten Gunung Kidul, Daerah Istimewa Yogyakarta 55881, Indonesia
門票:200,000印尼盾
開放時間:9am-5pm

03|澳洲達爾文 死亡之籠睇鱷魚

仲有一個危險景點就係澳洲嘅死亡之籠喇!喺達爾文嘅鱷魚主題公園有一個區域,可以畀人藏身喺透明玻璃箱裡面潛入水底睇鱷魚!極度近距離接觸!

Running Man 李光洙又係逃避唔到嘅一位,唯有獨自認命落水睇鱷魚喇!
李光洙又係逃避唔到嘅一位,唯有獨自認命落水睇鱷魚喇!
Running Man 聞說啲鱷魚有600kg重㗎!真係好大隻啊!
聞說啲鱷魚有600kg重㗎!真係好大隻啊!

同行嘅仲有劉在錫、池錫辰,佢地兩個就好幸運咁可以一起落水睇鱷魚,唔需要好似光洙咁慘!不過事實係巨大鱷魚當前,無論有幾多人陪住你,都係會好驚嘅!

Running Man 兩位準備好一起去迎接鱷魚啦!
兩位準備好一起去迎接鱷魚啦!
Running Man 不過食花生嘅全昭旻就隔著塊大玻璃話啲鱷魚好可愛!
不過食花生嘅全昭旻就隔著塊大玻璃話啲鱷魚好可愛!

滿佈爪痕的死亡之籠

成個籠都好清楚可以見到鱷魚嘅爪痕!啲鱷魚肯定唔惹小,佢哋會直接衝撞埋嚟,一啲都唔怕人㗎!

Running Man 鱷魚爪痕清晰可見!
鱷魚爪痕清晰可見!
Running Man 劉在錫同池石鎮都嚇到只係想後退!可惜個籠大極有限啦!
劉在錫同池石鎮都嚇到只係想後退!可惜個籠大極有限啦!

澳洲達爾文鱷魚主題公園死亡之籠
地址:58米切爾街達爾文市(米切爾及卑利街的拐角處)
入場門票:成人35澳幣
死亡之籠門票:單人170澳幣、雙人260澳幣
開放時間:每日9am-6pm,聖誕節休息
官方網站:www.crocosauruscove.com

04|紐西蘭皇后鎮 160米峽谷韆鞦

啱啱播出最新個集Running Man就播出最新預告,哈哈同梁世燦一起玩160米峽谷韆鞦!位於紐西蘭皇后鎮嘅納維斯山谷,又係睇相就已經畏高嘅景點!唔知佢地玩嘅時候享唔享受呢?

Running Man 係懸崖峭壁等待緊出發嘅兩人!
係懸崖峭壁等待緊出發嘅兩人!
Running Man 呢個角度望到都腳震喇!
呢個角度望到都腳震喇!

其實登上160米高嘅韆鞦平台本來已經係一件恐怖嘅事,再戴埋安全裝備,踏出去坐低!一定緊張刺激、心跳加速,只係見到畫面就已經覺得恐怖!

Running Man 倒數:3!哈哈已經驚到唔敢打開對眼!
倒數:3!哈哈已經驚到唔敢打開對眼!
Running Man光洙 環球玩命實錄|7大危險景點逐個睇
倒數:2!梁世燦表示可唔可以等多一陣先啊?!
Running Man 倒數:1!終於真係要出發喇!
倒數:1!終於真係要出發喇!

紐西蘭皇后鎮峽谷韆鞦
地址:Shotover & Camp Streets, Queenstown 9300紐西蘭
入場門票:210澳幣
網址:www.bungy.co.nz/queenstown/nevis/nevis-swing/

05 | 美國夏威夷 與鯊同遊潛籠

尚未播出但已率先預告的驚驗位,仲有位於美國夏威夷歐胡島的鯊魚籠,係遊客推薦危險景點之一,可以喺個鐵籠裡面直接同鯊魚一齊游水。鯊魚仲會直接撞埋去個籠到,如果唔想無曬啲手手腳腳,記得唔好伸出去啊!

美國鯊魚籠都係Running Man危險景點嘅推介之一!
美國鯊魚籠都係Running Man危險景點嘅推介之一!

美國鯊魚籠
入場門票:120美金
開放時間:6am-11am
官方網站:https://www.tombarefoot.com/hawaii-activities/north-shore-shark-adventures/shark-cage-tour/2448

06 | 印尼挑戰活火山

喺印尼布羅莫活火山係當地一大名勝!都係榜上有名嘅世界危險景點之一!

Running Man光洙 環球玩命實錄|7大危險景點逐個睇

印尼布羅莫活火山

官方網站:http://www.indonesia.travel/gb/en/destinations/java/bromo-tengger-semeru-national-park/mount-bromo

07 | 西班牙 歐洲最長飛索

最後一個危險景點,佢地提議咗喺西班牙全歐洲最長嘅飛索!雖然未有消息Running Man最後會唔會去,但一向鍾意刺激冒險嘅你就可以自己首先去試吓啦!

Running Man光洙 環球玩命實錄|7大危險景點逐個睇

西班牙飛躍托萊多
開放時間:每日11am-6:30pm
入場門票:10歐元
官方網站:flytoledo.com

回到首爾:Running Man體驗館

除左外景,近期韓國推出咗Running Man體驗館啊!裡面嘅刺激遊戲實在令人睇相都想飛去韓國!每個遊戲都係參照Running Man的節目內容,精彩到好似置身喺佢哋嘅拍攝現場一樣啊!各位忠粉係咪好想立刻買機票去韓國玩返轉呢?

Running Man 可以約埋朋友飛去韓國一起挑戰!
可以約埋朋友飛去韓國一起挑戰!
Running Man體驗館,喺SM免稅店裡面!
Running Man體驗館,喺SM免稅店裡面!

置身於Running Man遊戲現場

在體驗館裡面,可以喺闖關途中收集R幣、搵寶物、迷宮戰等等!每位參加者仲可以喺入場時候獲得Running名牌,滿足你成為主角嘅願望!

參加者要喺45分鐘裡面盡情收集金幣、好似親身玩Running Man咁!
參加者要喺45分鐘裡面盡情收集金幣、好似親身玩Running Man咁!
Running Man 每個人身後都有屬於自己名字嘅牌!
每個人身後都有屬於自己名字嘅牌!

滿足成為Running Man嘅夢想

除咗道具,更加精彩嘅就係唔同難度嘅遊戲!參加者可以同朋友一起完成挑戰,滿足以前睇節目好想一齊玩嘅夢想!

Running Man 參加者可以自由咁體驗六個遊戲場館!
參加者可以自由咁體驗六個遊戲場館!
佢地身後嘅係鏡子迷宮,都係Running Man成日會玩嘅遊戲嚟!
佢地身後嘅係鏡子迷宮,都係Running Man成日會玩嘅遊戲嚟!

Running Man體驗館
地址:首爾市鐘路區仁寺洞5街41HANA大廈SM免稅店地下1層SBS Running Man主題體驗館
門票:16,000韓圜
開放時間:10am-8pm
網址:www.running-man.kr/cht/main.doKlook預訂半價

延伸閱讀:追星族必去!8間首爾 韓星 餐廳+Cafe+烤肉店+酒吧(含地圖)

Running Man光洙 環球玩命實錄|7大危險景點逐個睇

最新吃喝玩樂資訊