JAJU
JAJU

平過「無印良品」! 韓國清新簡約家品「 JAJU 」|韓國|

旅遊

廣告

每次行無印良品,總令人流連忘返,點都會買返啲嘢走,那怕筆袋已經差唔多儲齊成set「無印筆」、已差唔多試勻哂所有零食、同一件家具擺設睇過幾十次……無他嘅,大家都難以抗拒其散發出既簡約又有質感嘅購物環境同產品設計。之不過,簡約風並唔係只有無印良品獨享嘅!韓國家品品牌 JAJU 同樣散出自然、樸實嘅氣息,大賣生活態度,吸引韓妹們不自控地「敗家」,重要嘅係,價錢比無印良品稍低,亦有專屬cafe,下次去首爾買衫買到麻目時,不妨去呢道發掘新嘅購物樂吧!

JAJU 激似無印!Minimal店面設計

大家有無覺得JAJU好熟口熟面呢?唔單止因為貌似無印良品,佢仲因為早年於超市特賣場內默默起家,受到注目後即跳出超市,喺2014年9月更開咗棟四層高嘅旗艦店,宜家喺韓國己經有好多分店。而店面設計以自然木感作主題,整潔舒適,喺呢個充滿質感嘅環境加上五花八門嘅產品種類,我諗,真係會不知不覺行足兩個鐘。

jaju_無印良品_韓國
店面主要以自然木感為主。(官方圖片)
無印良品-韓國
第一眼真係以為個牌寫住「MUJI」(無印良品)!(官方圖片)
無印良品-韓國
未入店前就已經眼花撩亂,唔知應該睇邊個種類先!(官方圖片)
無印良品-韓國
整齊嘅佈置令人想每樣都拎上手睇!(官方圖片)
無印良品-韓國
一逢節日JAJU亦會推出限定產品同擺設,今年嘅情人節就以無限嘅愛心主題!

重點產品推介!

其產品種類以「海量」嚟形容真係絕不過份!話明係家品店,家居擺設、食具、廚房同浴室用品就唔少得㗎啦,而講得話似無印良品,就當然要連美容產品、自家設計服飾都要有齊啦,而另外更特設小童專區,一家大細嚟行都無問題!咁多產品,一次過喺官網睇哂就難啲嘅,一於等記者為大家推介重點產品啦~

食具:

佢嘅食具設計比無印良品多元化,當中推力簡約風必備嘅木質素材,以及特式玻璃製品!另外,受到記者注目嘅仲有《來自星星的你》都教授常用嘅金餐具設計~當然價錢方面亦各有高低!

無印良品-韓國
木質素材餐具充滿質感!
上:木碗 8,000 Won(約HK$53);下:木碟 8,000 Won(約HK$53)、刀叉 8,000 Won/支(約HK$53)
無印良品-韓國
玻璃樽身設計美觀聰明,唔單止得個靚字,仲可以畀大家睇埋容量刻度!
無印良品-韓國
三文治放入食物盒成日都會移嚟移去,搞到啲餸飛走哂,整個同方包fit size嘅食物盒就解決到喇~
無印良品-韓國
金餐具出奇地無浮誇俗氣嘅感覺,顏色搶眼特別!15,000 Won/支(HK$99)
無印良品-韓國
連都教授都用金餐具,各位千頌依們,唔係唔跟呀嘛?圖片來源:網絡截圖

寢室用品:

每日我哋都花近一半嘅時間喺睡房內逗留,喺入面我哋需要一套舒適的床鋪,床鋪以單色或簡單花紋為主,簡單配襯已經似足韓式小套房,亦有單及雙人床size可供選擇。

無印良品-韓國
單色床鋪加簡單花紋已非常有feel!
枕頭 11,900 Won/個(約HK$78)、被 59,000 Won/張(約HK$388)(官方圖片)
枕頭有各種size同款式供人隨意配襯。(官方圖片)
枕頭有各種size同款式供人隨意配襯。(官方圖片)
無印良品-韓國
女孩子房間配上小擺設加香薰油就完美喇!35,000 Won(約HK$230)(官方圖片)
無印良品-韓國
韓國網民以JAJU床鋪令房間生色不少。

浴室用品:

一系列浴室用品設計可愛,更以環保為出發題作設計主題呢!

無印良品-韓國
水滴系設計可愛,為浴室帶來清新感。圖片來源:官方圖片
無印良品-韓國
沐浴用品亦有售,樽身字句呼籲大家「搽梘」時熄水,響應環保。圖片來源:官方圖片

派對必備:

叫齊班friend 開Party,所有細節嘅裝飾設計都有助提升氣氛,呢道除咗喺唔同節日提供各種裝飾外,更有提供各式派對用具。

無印良品-韓國
爆谷杯 5,000 Won/12個、紙杯 2,500 Won/6個(官方圖片)
無印良品-韓國
要整回禮禮物?這裡的包裝亦唔失禮。紙袋 4,000 Won/10個(官方圖片)
無印良品-韓國
擺呢個玻璃飲品機出嚟實勁受朋友們歡迎!50,000 Won (約HK$329)(官方圖片)

零食控必試 SNACK ON!

店入面更有零食買,好似有麵包脆脆、米餅同餅乾等等,包裝似足MUJI咁簡約。喺instagram會見到好多韓國人話好鍾意呢d零食,而且仲大讚好好食!

韓國_JAJU零食
麵包脆脆 1,500 Won/包 (約HK$10)
韓國_JAJU零食2
米餅 1,500 Won/包 (約HK$10)

西式 JAJU CAFE!

行旗艦店行足四層,行夠幾個鍾,都咪話唔餓唔攰呀!無印良品就以日式食物為主,而JAJU雖為韓國本土品牌,但 CAFE 就非以韓菜為主,反而偏向西式食物,意粉、漢堡包、蛋包飯樣樣都齊,連甜品都非常吸引,喺韓國旅行都可以換吓口味~

無印良品-韓國

 

JAJU新沙洞旗艦店
營業時間:10am-10pm
地址:首爾市江南區島山大路路13街15(顯示地圖
網頁:http://www.jaju.co.kr/