回饋積分得個桔?! HK Express 廉航儲分換飛無限期

以往搭飛機儲分只限大航空公司，5月起廉航都有份， 好似有So！ HK Express 直接用消費金額扣除稅項後，每港幣$1等於10分，相比亞洲萬里通用飛行里數結算，前者旺淡季儲的分數有異，搶特價機票的話其實有排儲！儲夠入場門檻40,000分就可選升級或兌換機票，更可5人組隊聯戶！同英航Avios一樣可以湊合信用卡和積分埋單，比較特別嘅係可以加HK$250手續費戶與戶之間轉贈積分！誰不知航空公司呢頭推出獎賞計劃，嗰頭就將行李收費最低級別的台中、清邁、峴港等，調升至跟第二級的東京、首爾、大阪等睇齊，20公斤行李每程由150元跳升至260元！擺明「加快減慢」啫！