Econ價坐商務 $1,250玩轉台北

農曆新年假期前，趕工趕考試黑暗過後見黎明，總心郁郁想遠走高飛，香港航空推出多條航線的商務客位優惠，香港來回多個中國城市如重慶、上海、福州等地由$2,150起； 更吸引的台北由$1,250起、曼谷$1,950起，台北價錢幾乎與經濟位看齊，行李限額包30kg，機位又闊落，絕對豪得起！記者查過1月尾至3月尾的台北機票，大部分仍有位，但要有心理準備超夜機去（11:05pm）、超早機返（8:00am），不過連稅最平只係$1,535，可玩足7日其實都幾心動！