Do姐再Shopping
Do姐再Shopping

《Do姐再Shopping》第三集|幕後花絮:陸永生日 大膽抽Do姐水

旅遊

廣告

Do姐再Shopping》嚟到第三集,今集唔再只係瘋狂Shopping,仲大食時令生果同拍賣蜜瓜!由於劇組6月去日本拍攝,除咗東京仲上埋北海道,適逢水果當造,識買嘅Do姐當然唔會放過買生果啦!農夫點會乖乖地食生果,依然勁百厭,一於重溫一下今集有咩笑點啦!

文:Cynthia|圖:TVB、眾星Ig、新傳媒資料室

《Do姐再Shopping》 劇組窩心慶陸永生日

拍攝完東京Shopping部分,劇組飛往北海道當天,剛好就係陸永生日(27/6),陸永仲喺IG po相,無得喺正日同老婆慶生,認真慘慘豬!好在Do姐一早知道,成班劇組買晒蛋糕同佢慶祝,一秒warm 晒!

Do姐仲喺BigBig Channel直播畀個驚喜陸永,話大家一開始扮唔知,畀個驚喜陸永,點知陸永個日牙痛要剝大牙,今次真係夠驚喜啦!

去到醫院接陸永,Do姐係咁要成口血水的陸永分享下,仲話佢「死蠢!」,生大牙都唔知。至於慳家翠如,就不停問「幾錢啊?」「平唔平啊?」「呢度係咪平啲啊?」認真窩心!

#do姐再shopping #北海道 Happy Birthday @6wing_fama

A post shared by 鄭裕玲 Do Do Cheng (@do_do_cheng) on

節目景點01|抽水陸永 拖住Do姐投蜜瓜

劇組北海道拍攝時,撞正舉行中的夕張蜜瓜祭,每年都會吸引勁多當地人前往,場面好似嘉年華般歡樂,期間大眾可以超平價格競投蜜瓜,雖然現在蜜瓜已經過季,但睇番佢哋競投時的緊張樣都好好笑。陸永仲趁亂拖住Do姐隻手抽水!大膽!

翠如被寸轉數慢又高音

全場最好笑嘅位,就係翠如bb 瘋狂被寸,Do姐問佢蜜瓜有咩唔好就真係講缺點,即被農夫恥笑轉數慢!仲畀Do姐叫佢坐開啲,嫌佢太高音!可憐翠如一個人孤獨地坐一邊,如果蕭正楠可以一齊坐就好啦!

期間4人參與競投蜜瓜,由Do姐控制農夫,一叫佢哋就即舉牌競投,但農夫又點會咁聽話!監製大爆農夫完全不受控,亂咁舉牌,場面勁好笑!農夫仲話Do姐好有錢,志在必得,幾貴都要,¥3,000蜜瓜一口氣叫到¥8,000!

Do姐一拍農夫就舉,點知農夫大呻Do姐難怪,忍唔住_鏡頭狂抱怨!好彩C君提提,「夠啦!鄭裕玲望住呀」,如果唔係就出事啦!

蜜瓜皮捽面護膚法

競投完蜜瓜,當然要立即享用!但農夫佢哋點會企定定食蜜瓜,Do姐仲以蜜瓜皮伺候兩隻嘢同翠如!

獨家片段曝光

睇完覺得唔夠,可以再睇睇TVB放出來的搞笑花絮,陸永超大膽寸Do姐,Do姐話要體罰陸永,即被C君問「體罰係咪要錫佢?」,嚇到陸永嘔蜜瓜!睇完之後,都可以再上myTV SUPER重溫一下!

節目景點02|東京水果放題 勁食都唔肥

夏天的日本就是要大吃水果,唔想買一大個有排食,不妨好像Do姐4人,去位於新宿的TAKANO高野,吃一餐水果放題!有齊最時令的水果,包括西瓜、橙、奇異果、西柚等,以及高質的網紋蜜瓜,全部切好畀你任食!怕單吃水果太無聊,還有果汁、水果三文治、蛋糕甜品等提供,食幾多都唔會肥!

翠如腸胃差 Do姐被寸幾耐無去

原來水果放題係只有女士可以食,男士一定要由女仔夜晚帶入去,先有得食!擔心排泄的陸永大叫唔公平,翠如更自爆拍攝期間排便好有問題,而Do姐仲慘,畀陸永問幾耐無去……北海道。

新宿高野總店
地址:東京都新宿區新宿3-26-11
營業時間:星期一至六 10am-9pm,星期日及公眾假期 10am-8pm
網址:takano.jp/takano

延伸閱讀:《Do姐再Shopping》刪減片段曝光:10大爆笑金句回顧+幕後花絮