Do姐再Shopping
Do姐再Shopping

《Do姐再Shopping》刪減片段曝光:10大爆笑金句回顧+幕後花絮

旅遊

廣告

Do姐再Shopping》今個星期一連五集播晒啦,日本篇同黃翠如做拍檔,集集互寸互窒,節目已經咁好笑,但係TVB收收埋埋嘅片段更加好笑!早前TVB放咗唔少花絮,包括日本賽車、爆笑Camping、瘋狂食蜜瓜等,一齊睇吓無播出街嘅精選笑位,同埋回味一下今個星期嘅爆笑金句啦!

文:Cynthia|圖:TVB

《Do姐再Shopping》 爆笑金句+片段篇

每集《Do姐》最好睇嘅都唔係景點介紹,而係睇佢哋瘋狂互寸互踩!上輯農夫一直被Do姐當垃圾,今輯瘋狂還擊,更多笑位!

爆笑位1:生命力好似曱甴

第一集去MORIPARK Outdoor Village一向鍾意做運動嘅Do姐即時露番兩手,化身Spider Woman攀石,陸永大讚Do姐:「嗰種生命力,真係好似曱甴!」

爆笑位2:驅魔式拱橋影封面

攀完石,Do姐仲有大把精力就展現驚人嘅柔軟力做拱橋!勁嘅程度已經超越彭丹,而係驅魔人!C君仲大讚佢嘅姿勢可以影CD封面,講起瑜伽式CD封面,唔通係衛蘭嘅經典作?

 

爆笑位3:你以為你好多鈣質咩!

見住Do姐不停自我挑戰,陸永都忍唔住提佢小心,大叫:「你以為你好多鈣質咩!」

爆笑位4:小心鈣質 正在流失

事實上,農夫對Do姐嘅鈣質情況真係好關心,去到第四集,都仲提佢要:「小心鈣質正在流失!」不過睇片,似C君唔夠力多啲喎!

Do姐嘅成名作「鈣質舞」,都有喺節目期間跳,睇佢咬晒唇咁,真係好enjoy!

 

爆笑位5:農夫狂頂撞Do姐

今集農夫瘋狂頂撞Do姐,大膽到窒到Do姐無聲出,互寸絕對比佢哋單方面被鬧好笑!

爆笑位6:翠如自爆溝「正藍」

翠如bb雖然喺節目中表現唔突出,但第二集就一「溝」成名,自爆要溝藍色,畀咗大大個位C君入!

入球後Do姐又笑到跳鈣質舞。

爆笑位7: 農夫瘋狂玩食字

作為食字高手,農夫每集都好多搞笑位,而且無論中、英文互食,都無難度!

爆笑位8:農夫為筷子棄日本車

一對筷子同部日本車一樣貴,Do姐就問農夫會揀收車定筷子?農夫就答「梗係收筷子啦,收車有咩用啫,又唔可以夾嘢食,收筷子就實用好多!」果然好有大志,認真爆笑!

爆笑位9:C君Do姐扮情侶

第四集Do姐同C君扮情侶,超級神似!陸永仲大爆Do姐逼佢要加入抱抱環節!果然夠「錫」農夫!

爆笑位10:翠如重演陳芷菁:「我讀Drama㗎!」

翠如bb今輯表現位認真唔多,不過傻傻哋嘅樣子都好多網友鍾意,而節目中佢提到自己「畫畫世家」,好有自信可以估中畫紙價錢到最後錯晒,都令人諗起當年亞視百萬富翁的名句:「我讀Drama㗎!」

不過翠如bb 喺節目中不斷畀位農夫入,又不停被恥笑,包括有車牌但唔識揸車、唔飲得、攀石被Do姐K.O.、被嫌高音,都可以話係另一有趣位!

《Do姐再Shopping》無出街花絮篇

《Do姐》每晚23:00節目完結之後,TVB不時都會放花絮上fb,好多網友都反映花絮片段仲好睇過出街片!如果想睇番足本花絮,可以去TVB Facebook專頁、Big Big Channel,或者節目Instagram睇番,文末仲放齊咁多集花絮!

爆笑花1:陸永唔食「涼嘢」

第三集《Do姐》去到夕張食蜜瓜,Do姐就打算帶大家再試試富良野嘅蜜瓜,點知係咁畀Do姐埋怨投蜜瓜太高價嘅陸永就嬲豬,發脾氣話:「我唔食涼嘢㗎!」笑到Do姐嘢都講唔到!

無出街花絮2:Do姐玩體罰 大膽Kiss陸永

陸永寸完Do姐唔食涼嘢之後,Do姐就話會體罰陸永,C君隨即聯想到,唔通體罰就係要錫陸永?Do姐果然夠霸氣!

無出街花絮3:Do姐專用防狼絲襪

第一集《Do姐再Shopping》去到專賣山系用品的MORIPARK Outdoor Village ,4人大行日本高質山系用品,可以防水防UV防風,其中一條褲透明到好似絲襪咁,Do姐就好好奇係用來防咩?陸永妙回:「只要Do姐著咗,就可以防狼!」但Do姐就反而想買畀陸永著,唔通Do姐咁重口味⋯⋯

無出街花絮4:C君自爆 奴隸起家

去到介紹做Outdoor爐具起家的品牌,C君突然回想起自己的身世,一時感性起來,大爆:「人哋係做爐具起家,我就做奴隸起家!」聞者傷心,Do姐聽到都忍唔住「嘖」咗佢一聲!

爆笑花絮5:Do姐「量子力學」教煮食!

Shopping完後,Do姐再帶大家去試戶外都可以煮到的美食,被翠如問到和牛點整時,擁有大智慧的Do姐講解教學:「總之我就整到啦!」農夫即時和應狠批翠如:「你咩都問嘅,不如問下量子力學!」

無出街花絮6:|C君用pie計直徑

最後的甜品apple pie 賣相吸引,Do姐仲教大家點整。「首先要有apple,之後再有pie,成個就係apple pie!」C君雖然奴隸出身,都讀過下書,即刻聯想到「有Pie(π) 就可以計直徑」,果然好聰明!

無出街花絮7:|陸永賽馬式評述 翠如力保包尾

第一集Do姐大玩Mario Kart,雖然節目只係播咗幾分鐘,但網上有條分幾鐘的花絮仲好笑!無車牌嘅陸永有氣無力地評大家速度,呼籲「安全第一,友誼第二」,而一共有4個人嘅比賽,翠如都不負眾望,力保第4,無整唔見自己,好叻女啊!

無出街花絮8:Do姐情陷陸永

Do姐不時對陸永關愛有加,Camping花絮片中,仲突然地叫陸永做一字馬!突如其來的驚喜,令陸永覺得Do姐真係冧佢!「兩年前巴黎我已經覺得Do姐特別錫我,今次日本⋯⋯我覺得佢直頭係冧我!」

5大刪剪片段

仲未笑夠?一於睇埋原片,分分鐘好笑過節目本身!去片:

《電視未曝光片段.睇喇喂!》

《電視未曝光片段.睇喇喂!》有無睇【Do姐再shopping】第一集呀?睇完Do姐好似曱甴一樣打不死咁去攀石,係咪突然都好熱血?不如叫Do姐開班教攀石啦!其實佢地除左攀石同做瑜伽,仲湊下近年好興嘅camping熱,去左呢間由日本人創立嘅戶外用品店shopping呀!記得今晚繼續追【Do姐再shopping】播出日期:今晚起逢星期一至五晚上10:30翡翠台 #Do姐 #鄭裕玲 #農夫 #C君 #陸永 #黃翠如 #馬國明 #蕭正楠 #日本 #丹麥 #意大利 #Do姐再shopping​

Posted by TVB on Tuesday, 28 November 2017

佢哋喺北海道的時候去了小樽出名的朱古力店LeTAO掃貨,今年喺香港都開咗分店,但小樽勝在可以任試,難怪Do姐食得咁開心啦!

《電視未曝光片段.睇喇喂!》朱古力篇

《電視未曝光片段.睇喇喂!》朱古力篇噚晚睇完Do姐同C君合演可歌可泣嘅愛情故事,想重溫就記得上myTV SUPER喇!而家又到未曝光片段時間,佢地去到北海道小樽,當然要去試下出名嘅朱古力啦,原來Do姐真係有種魔力😈,冇佢,其他人邊有口福啊!今晚10:30翡翠台#do姐再shopping #Do姐 #鄭裕玲 #農夫 #C君 #陸永 #黃翠如 #馬國明 #蕭正楠 #日本 #丹麥 #意大利 #Do姐再shopping———————————————–Like + Follow = 緊貼 TVB 各劇集及藝員動態!Facebook: https://www.facebook.com/tvbcom Youtube : https://www.youtube.com/user/tvb Sina Weibo: http://weibo.com/tvbcomInstagram: http://www.instagram.com/tvbcomhkTwitter: http://www.twitter.com/tvbcomTencent Weibo: http://t.qq.com/tvbcomhkYouKu: http://i.youku.com/tvbcomk

Posted by TVB on Friday, 1 December 2017

Do姐再shopping

【Do姐再shopping】今晚就播喇,而家率先播出幕後花絮,由陸永現場直擊報道「第一屆秋葉原高卡車鬥安全第一友誼其次比賽」,齋聽都覺得緊張刺激,想知比賽最後邊個贏,就要記得睇今晚10:30首播喇! 【Do姐再shopping】播出日期:今晚起逢星期一至五晚上10:30 翡翠台 #Do姐 #鄭裕玲 #農夫 #C君 #陸永 #黃翠如 #馬國明 #蕭正楠 #日本 #丹麥 #意大利 #Do姐再shopping

Posted by TVB on Monday, 27 November 2017

《電視未曝光片段.睇喇喂!》墨水

《電視未曝光片段.睇喇喂!》墨水【Do姐再shopping】翠如自製獨特蕭正「藍」色墨水,真係好啱佢用,so sweet!其實C君同陸永都好有心思咁調校左自己嘅專屬墨水,大家又估唔估到係咩色呢?記得今晚繼續追【Do姐再shopping】播出日期:今晚起逢星期一至五晚上10:30翡翠台 #Do姐 #鄭裕玲 #農夫 #C君 #陸永 #黃翠如 #馬國明 #蕭正楠 #日本 #丹麥 #意大利 #Do姐再shopping

Posted by TVB on Tuesday, 28 November 2017

延伸閱讀:《Do姐再Shopping》第五集|爆笑重溫:翠如「𠽌𠽌𠽌」食烏冬

最新吃喝玩樂資訊