韓國
韓國

70款草莓甜品任食! 韓國地膽美食推介(下)

旅遊

廣告

上一篇食完一大輪海鮮,又到少女最期待丟甜品時間!韓國的甜品推陳出新,要食晒咁多新食,再加埋要去不同主題的靚靚Café和甜品小店,都預返到香港又要減肥啦!

【弘大】-10度都食Tiramisu雪糕杯!

韓 國2月天仲咁鬼凍,不過走在弘大街頭,十個路人當中仍然有三、四個手拎一個高腳杯食雪糕,路邊垃圾袋都裝滿食完的高腳杯。細問之下,原來是去年底新開的意 式Tiramisu 雪糕店,以望落貴氣十足的高腳膠杯盛載,吸引不少韓妹冒住寒風都要排隊打卡呃like。天寒地凍人龍一樣無短到,記者在平日下晝3、4點幫襯,都要排足 15分鐘。店家亦有性格,只賣一款口味,對其自家Tiramisu 雪糕充滿信心。咁長龍皆因店員即場炮製,逐層加上芝士忌廉、花生碎、朱古力碎和可可粉, 雪糕入口輕滑,Tiramisu 味恰到好處,不會太甜太膩,值得一排。不過,每日製作數量有限,賣完即止,建議5pm 前去幫襯為佳。

Tiramisu雪糕杯W4,900/HK$31
自家製Tiramisu味雪糕,入口朱古力味濃郁,帶淡淡芝士忌廉香,中間層的粒粒花生碎增加細沙口感。
朱古力粉

店員即場製作雪糕,最後把朱古力磚磨成粉,灑在雪糕上就大功告成。
韓妹食客

韓妹食客。黃娜美/金允貞今次已經係第2次幫襯啦!之前見到好多人在網上打卡,我哋都專登嚟朝聖,食完已經想encore!
人

Blogger Pat
我經常在弘大逛街,每次都見到大排長龍。造型夠獨特,味道亦都唔差,口感夠滑,不過價錢略為貴少少。
Kiss the Tiramisu
地址:首爾市麻浦區西橋洞336-12(顯示地圖
電話:+82(0)10-7156-1010
營業時間:星期日至四1:30pm-11pm;星期五、六1:30pm-12mn
前往方法:弘大入口站9號出口步行5分鐘

【弘大】七彩焦糖蘋果

三 層高的Rocky Mountain Chocolate Factory 在去年底開業,坐落弘大公園對面,白色玻璃外牆不太起眼,但一走入店內,這間美國品牌主打的焦糖蘋果,七彩繽紛超級搶眼,立即少女心爆發!由美國殺入韓 國, 改用本土紅蘋果, 口感結實,每日朝早新鮮運到店面即製。為貼近韓國人口味,焦糖不似美國店甜膩,再分別沾上約20款不同topping,節日仲會推出特別版,個人最 Like M&M’s 焦糖蘋果,朱古力脆皮布滿不同顏色的朱古力粒粒,賣相滿分,影相叫夠幾款更加靚。沿路更見到不少韓妹即時外賣邊走邊食,不過食落硬身難入口,嫌大件的可以 叫店員切成小塊,留在店內慢慢用餐更好。

M&M’s蘋果W9,000/HK$56
士多啤梨蘋果

士多啤梨蘋果W10,000/HK$63
合桃蘋果

合桃蘋果W8,000/HK$50
朱古力果仁蘋果

朱古力果仁蘋果W10,000/HK$63
少爺

Blogger 少爺
呢個美國品牌前年已經進駐韓國,不過弘大新店是最大、最新的。不少弘大學生都慕名而來,三樓仲有溫習區,畀學生邊食邊讀書。
焦糖蘋果

店內有超過20款焦糖蘋果,過時過節仲有特別版,不過好搶手好快就賣晒。
Rocky Mountain Chocolate Factory 2

店內環境寬敞,落地玻璃夠開揚,難怪班弘大學生經常來打發時間。
Rocky Mountain Chocolate Factory

Rocky Mountain Chocolate Factory
地址:首爾市麻浦區西橋洞360-2(顯示地圖
電話:+82(0)70-4445-0764
營業時間:10:30am-8:30pm
前往方法:弘大入口站9號出口步行8分鐘

走入花花世界!杯子蛋糕靚到唔願食

首爾甜品潮流每季都變,蜂巢雪糕、花瓣形雪糕都已經過氣,呢期花花cupcake 在韓妹界擁有超高人氣,幾乎一人都拎住一個放上IG 晒命。其中一間以花做主題上位的Café「Blüte 」,位於cafe 集中地弘大附近,無論布置和食物都關花事!一走入店內就被鮮花圍繞,十足置身於森林小屋,原來這裡賣咖啡、輕食之餘,亦是一間花店,清新的鮮花香氣四溢, 女仔捉男朋友一齊幫襯,仲可以收埋花!主打的cupcake 有雲呢嗱和紅蘿蔔兩款口味,蛋糕面以忌廉和糖霜,擠出仿真度十足的花形做點綴,真係靚到唔願意食啊!

Latte W6,500/HK$41,店員即席沖調,香味濃郁,再以鮮花做裝飾送上枱。
Latte W6,500/HK$41,店員即席沖調,香味濃郁,再以鮮花做裝飾送上枱。
芝士蛋糕 W6,000/HK$38,雲呢嗱忌廉卷 W6,000/HK$38,檸檬芝士撻W6,500/HK$41
芝士蛋糕 W6,000/HK$38,雲呢嗱忌廉卷 W6,000/HK$38,檸檬芝士撻W6,500/HK$41
花花cupcake,W7,000/HK$44,店員每日會按心情製作不同花形裝飾,所以每次幫襯都會有驚喜。
花花cupcake,W7,000/HK$44,店員每日會按心情製作不同花形裝飾,所以每次幫襯都會有驚喜。
迷你乾花束W5,000/HK$31,比起大大紮玫瑰,今期韓國人更流行送迷你乾花束,可以長時間keep起份浪漫!
迷你乾花束W5,000/HK$31,比起大大紮玫瑰,今期韓國人更流行送迷你乾花束,可以長時間keep起份浪漫!
Café側邊的小屋保留韓劇《春天華爾茲》場景,天花板掛滿黃色玫瑰,歡迎食客入內拍攝留影。
Café側邊的小屋保留韓劇《春天華爾茲》場景,天花板掛滿黃色玫瑰,歡迎食客入內拍攝留影。
店內有賣靚靚乾花和鮮花,更提供包裝服務,即場畀驚喜女友都得!
店內有賣靚靚乾花和鮮花,更提供包裝服務,即場畀驚喜女友都得!
走入店內被綠意包圍,所有盆栽都可以買走。
走入店內被綠意包圍,所有盆栽都可以買走。
留韓學生 Ivy: 位置就腳,不少弘大學生都鍾意來打發時間,在舒適環境溫書,人都精神啲!加上價錢唔貴,我讀緊書都負擔得到!
留韓學生 Ivy:
位置就腳,不少弘大學生都鍾意來打發時間,在舒適環境溫書,人都精神啲!加上價錢唔貴,我讀緊書都負擔得到!

Blute
地址:首爾市布麻浦區上水洞 86-10(顯示地圖
電話:+82(0)2-337-5733
營業時間:9am – 10pm
前往方法:上水站出口步行10分鐘
網址:blog.naver.com/blute2010

一冷一熱紫薯甜點

前 排香港掀起一股紫薯風,不過這股源於韓國的熱潮並不熾熱,作為紫薯迷,幸好找到位於安國韓屋區內,一間專賣紫薯口味的甜品店,店內有超過10款紫薯味甜 品,由雪糕、韓冰、馬卡龍都有,每款的骰小巧精緻,叫滿一枱賞心悅目的紫色甜品,未吃先治癒。雖然仍是二月下雪天,但店長指紫薯刨冰最賣得,冰底以牛奶快 速打成,口感軟滑綿密,再淋上自家製作的紫薯漿,濃濃的紫薯味一入口就在舌尖化開,連對紫薯不太感興趣的模特兒都禁不住食完一口再一口,亦難怪入冬後仍可 以日賣50碗。食完刨冰再戰雪糕,薯香奶味濃郁,薰衣草紫色影相呃LIKE 一流。如果怕凍的,不妨叫一碗紫薯粥,粥身濃稠,甜度恰到好處不太膩。

1. 紫薯雪糕 W3,500/HK$22 每日新鮮由自家工場製造,口感細滑味濃,粉嫩的紫色加上花朵裝飾,呃Like一流。 2. 紫薯冰 W6,500/HK$41 黃豆粉、紅豆的韓冰就見得多,紫薯味卻不常見,濃郁的薯味入口即溶,來韓絕對要一試!
1. 紫薯雪糕 W3,500/HK$22 ,每日新鮮由自家工場製造,口感細滑味濃,粉嫩的紫色加上花朵裝飾,呃Like一流。
2. 紫薯冰 W6,500/HK$41 ,黃豆粉、紅豆的韓冰就見得多,紫薯味卻不常見,濃郁的薯味入口即溶,來韓絕對要一試!
熱紫薯粥 W5,500/HK$35,由當地紫薯加奶後打成漿,紫薯味濃而不膩,加熱後灑上紫薯乾,冬天來一碗暖笠笠又飽肚的甜粥最適合不過。
熱紫薯粥 W5,500/HK$35,由當地紫薯加奶後打成漿,紫薯味濃而不膩,加熱後灑上紫薯乾,冬天來一碗暖笠笠又飽肚的甜粥最適合不過。
(中)士多啤梨冰 W6,500/HK$41 ,冰層中的士多啤梨奶,配 埋一球士多啤梨雪糕,每 一口甜味都充滿幸福感。
(中)士多啤梨冰 W6,500/HK$41 ,冰層中的士多啤梨奶,配 埋一球士多啤梨雪糕,每 一口甜味都充滿幸福感。
Blogger Pat: 呢家舖隱身在小巷之中,人流唔多,不過在韓網好有人氣,吸引好多紫薯迷捧場!我試勻店內咁多款,最鍾意的是雪糕,味道好濃,不過最衰我掛住影相,食嘅時候已經有少許溶。
Blogger Pat: 呢家舖隱身在小巷之中,人流唔多,不過在韓網好有人氣,吸引好多紫薯迷捧場!我試勻店內咁多款,最鍾意的是雪糕,味道好濃,不過最衰我掛住影相,食嘅時候已經有少許溶。
店內的位置不多,以簡約木質作為裝潢主調,寧靜舒適 的環境吸引不少情侶幫襯。
店內的位置不多,以簡約木質作為裝潢主調,寧靜舒適 的環境吸引不少情侶幫襯。

Bora
地址:首爾市中路區栗谷路3街75-3(顯示地圖
電話:+82(0)70-8613-5537
營業時間:11am – 10pm
前往方法:安國站1號出口步行約8分鐘
網址:blog.naver.com/blute2010

當造70款草莓甜品Buffet

12 至4月正值韓國士多啤梨當造季節,粒粒又大又甜,唔比日本草莓輸蝕!在這段時期,首爾不少餐廳都會推出應季甜品,但想一口氣勁食士多啤梨,不妨一試 Ritz-Carlton 的草莓tea buffet,可以150分鐘食勻超過70款草莓甜品,包括Trifle、布甸、crepe、果撻等等!時間有限,主攻幾款人氣甜品,現場觀察最受歡迎的 是草莓大福,糯米糍混入草莓果醬和紅豆蓉,再放入原粒草莓,水潤多汁;鬆脆泡芙配上鮮忌廉和鮮甜草莓,叫人想拎完又拎,好在keep 住refill!除此之外, 每位仲包一壺茶,消滯解膩一流,叫人食完第一輪,充電再食第2 round!

Blogger Pat:要買到又大粒又甜的士多啤梨並唔 難,但要搵到咁有水準的士多啤梨甜 品,仲要係放題任食,就要同一眾韓 女爭啦!好似上年酒店舉辦相同活 動,每個星期都Fu ll book,要早兩 星期預約先有位!
(左)Blogger Pat:要買到又大粒又甜的士多啤梨並唔 難,但要搵到咁有水準的士多啤梨甜 品,仲要係放題任食,就要同一眾韓 女爭啦!好似上年酒店舉辦相同活 動,每個星期都Fu ll book,要早兩 星期預約先有位!
70款士多啤梨多到眼花繚亂,拎食物唔使等, 侍應仲不停refill,確保每個客都可以食勻每款甜品。
70款士多啤梨多到眼花繚亂,拎食物唔使等, 侍應仲不停refill,確保每個客都可以食勻每款甜品。
草莓白朱古力,脆口的瑞士牛奶朱古力皮,配合甜美清爽的士多啤梨,雙重口感。
草莓白朱古力,脆口的瑞士牛奶朱古力皮,配合甜美清爽的士多啤梨,雙重口感。
士多啤梨糯米糍,糯米糍皮煙韌帶嚼勁,內層的士多啤梨水潤多汁,超好味!
(右)士多啤梨糯米糍,糯米糍皮煙韌帶嚼勁,內層的士多啤梨水潤多汁,超好味!
草莓Trifle有齊雜莓、吉士醬、忌廉、海綿蛋糕和啫喱,一層一層入口綿密香滑,是最高的享受。
草莓Trifle:有齊雜莓、吉士醬、忌廉、海綿蛋糕和啫喱,一層一層入口綿密香滑,是最高的享受。
黑朱古力Cupcake,亦非行貨,質地鬆軟,可可味濃,加上面頭生果種類豐富,層次十足。
黑朱古力Cupcake:亦非行貨,質地鬆軟,可可味濃,加上面頭生果種類豐富,層次十足。
朱古力慕絲果撻:酥脆撻上擠滿幼細的朱古力mousse,加上士多啤梨作點綴,見到都想食。
朱古力慕絲果撻:酥脆撻上擠滿幼細的朱古力mousse,加上士多啤梨作點綴,見到都想食。
朱古力忌廉蛋糕:朱古力蛋糕內夾著細滑的鮮忌廉,吃來濕潤又帶空氣感,上面有紅噹噹的士多啤梨與金箔作裝飾,貴婦之選。
朱古力忌廉蛋糕:朱古力蛋糕內夾著細滑的鮮忌廉,吃來濕潤又帶空氣感,上面有紅噹噹的士多啤梨與金箔作裝飾,貴婦之選。
燈罩都變成士多啤梨,搞笑!
燈罩都變成士多啤梨,搞笑!
甜品主廚 江吉元:所有士多啤梨都由自家 溫室種植, 每一節 buffet都差不多要用 50kg的士多啤梨!
甜品主廚 江吉元:所有士多啤梨都由自家 溫室種植, 每一節 buffet都差不多要用 50kg的士多啤梨!

Ritz Teassert“ Berry more” @ The Ritz-Carlton Seoul
收費:成人W53,000/HK$332,小童W35,000/HK$220
舉辦時間: 即日起至 5月1日,逢星期六日,第一場 12nn-2:30pm、第二場3pm-5:30pm
地址:首爾市江南區奉恩寺路120 Ritz-Carlton酒店2樓Ritz Bar (顯示地圖)
電話:+82(0)2-3451-8271
如何前往:新論蜆站4號出口直行5分鐘
備註:須提前預約

首爾好食地圖

今期介紹過的小食及暴 食可以跟住呢個地圖去 鯨吞:goo.gl/yqtLLZ
今期介紹過的小食及暴食可以跟住呢個地圖去
鯨吞:goo.gl/yqtLLZ