阿里雲畫廊
阿里雲畫廊

【2020東京奧運打卡位】成田機場設 「阿里雲畫廊」 展覽日本藝術家創作 @Travel佳

旅遊
(Presented by Alibaba)

相信好多人已經留意緊7、8月去東京嘅機票,甚至已經買埋機票,做足準備去睇奧運啦~其實呢一年入面不斷都會有好多東奧相關嘅活動同展覽。今年3月起,東京成田機場就有「阿里雲畫廊」,用阿里雲嘅最新科技展覽日本年輕藝術家嘅數碼藝術創作,展現畀大家睇日本傳統文化、藝術及東京新一代運動員嘅毅力與精神。一到埗就可以率先體驗奧運盛事,大家記住要喺東奧第一個影相位打卡啊!

「阿里雲畫廊」展現數碼藝術創作,大家經過成田機場嘅話一定要去睇啊!
「阿里雲畫廊」展現數碼藝術創作,大家經過成田機場嘅話一定要去睇啊!

2020東京奧運X藝術

日本嘅創新科技同日式美學,次次都唔會令人失望!今次世界各地嘅人都好期待2020年東京奧運會有咩新科技、獨特設計同充滿創造力嘅藝術作品。喺東京成田機場嘅「阿里雲畫廊」就係畀各個才華橫溢嘅日本藝術家大展身手嘅平台,將佢哋嘅創意、對當地文化嘅熱情,用雲技術創作成數碼藝術,為東奧注入活力!

作品結合體育、藝術、文化同雲技術,而且風格多樣化,非常值得期待。藝術作品將會於今年3月至2021年3月底在成田機場一號及二號客運大樓接機大堂內九條走廊嘅電子顯示屏展出。

0
各位記得喺播放著數碼藝術創作前的電子牆前影相啊!

用阿里雲技術 展示數碼藝術創作

數碼藝術作品有好多可能性,不過就需要高技術支援,先可以完美展現。而藝術家未來可以利用阿里雲嘅技術,喺高性能、安全同強大嘅智能平台,輕輕鬆鬆處理大量圖像和視覺,通過阿里雲畫廊展示給大家欣賞;仲可以喺活動中與不同的藝術家分享進度,更新情況同加強溝通。

0
阿里巴巴集團首席市場官董本洪在東京發佈會上公布合作,「阿里雲畫廊」相當值得期待!

木之内憲子作品:以數碼科技展現日本傳統美

「阿里雲畫廊」會展出多個日本新一代年輕藝術家嘅數碼藝術作品,包括擅長用版畫創作技巧融合數碼藝術嘅木之内憲子,同將會用創新方式重塑傳統日本繪畫嘅奥村彰一等。木之内憲子表示:「畫廊活動使我有機會可以展示日本傳統文化、藝術、歷史以及新一代運動員的光明未來。」

木之内憲子將會展出《海之音》及《Butterflies》,兩者都借用咗日本古美術中版畫嘅創作技巧,用數碼科技分別展現咗大海嘅流動同翩翩起舞嘅蝴蝶和盛放嘅日本花卉,充滿詩意,同時亦可展現日本之美。鍾意日本傳統美嘅你,千祈唔可以錯過啊!

日本藝術家木之內憲子的《海之音》

日本藝術家木之內憲子的《Butterflies》

奥村彰一作品:用頂尖技術破解傳統藝術之謎

藉著「阿里雲畫廊」,大家可以試下用嶄新科技了解日本文化。另一位參與嘅藝術家奥村彰一:「在傳統日本繪畫中,雲是破解時空之謎的關鍵。 在阿里雲的支持下,不同文化背景的遊客能透過數碼藝術領略日本文化。」

0
奥村彰一的作品,傳統藝術融合了現代元素,十分特別!

「阿里雲畫廊」
日期:2020年3月至2021年3月底
地點:成田機場一號及二號客運大樓接機大堂內九條走廊