紅葉
紅葉

必讀!2大釜山 紅葉 秘景+Outlet攻略【釜山】

旅遊

廣告

已經去到9月中,幾位閨密依然一人一句煩惱緊究竟去日本京都還是韓國首爾作為一年一度的賞楓目的地,什麼「我唔要同咁多人逼囉」、「我唔行得㗎,近近地睇紅葉唔得咩」「上個月使大咗,可唔可以去得平啲呀」,雖然聽完佢哋的要求,好想話不如唔去啦!但作為好姊妹以及一個專業的旅遊記者,經驗話畀我知,要好方便就影到 紅葉 呃Like、食得平又好味,兼且冇咁多遊客,去韓國釜山就可以滿足姊妹們咁多個願望,今次Pretrip後,我更加覺得無揀錯!

2015最佳賞葉期

韓國氣象廳已於上周公布了今年的「最佳賞楓期」,但留意楓葉最紅的日子往往是賞楓期打後的5至7 天,計劃行程不妨留意。

雪嶽山(10月18日開始) 智異山(10月21日開始) 南怡島(10月22日開始) 江原道(10月22日開始)

內藏山(10月24日開始) 釜山 (10月29日開始) 濟州(10月下旬開始) 慶州(11月2日開始)

賞楓篇

沒有遊人雜音騷擾,亦沒有保安阻止你踐踏草地,在這裡你可以靜靜躺在草地上享受與姊妹的紅葉時光。
沒有遊人雜音騷擾,亦沒有保安阻止你踐踏草地,在這裡你可以靜靜躺在草地上享受與姊妹的紅葉時光。
紅葉 湖的面積達2.4公頃,足有兩個香港大球場咁大,每逢星期一及四晚上七點,更有燈光結合音樂噴泉的表演。
湖的面積達2.4公頃,足有兩個香港大球場咁大,每逢星期一及四晚上七點,更有燈光結合音樂噴泉的表演。

民居紅葉秘點

傳統上到 釜山 賞楓,例必去全羅北道的內藏山或全羅南道的白羊寺,但通通要用上3、4小時的車程,本人試過在首爾凌晨5點就出發到內藏山,景色雖然壯麗,但去旅行比工作仲要攰的感覺真係唔想再試。這次透過日本的旅遊網站,在 釜山 找到了這個只距離金海機場半小時車程的蓮池公園!公園面積9.4公頃,相等於10個香港大球場,因為擁有波光如鏡的蓮花湖而聞名,向來是附近居民的休憩地,不過到了10月上旬的秋季,綠油油的草坪和散步小路會搖身一變成紅色楓幕,絕對適合大家落機後過來躺在公園的木椅上,細看湖光秋葉的景色,令身心都得以放鬆,投入 釜山 之後的旅程。

紅葉 街坊 李太太 公園的位置就在住宅小區旁,好多街坊食完午飯會在這裡欣賞美景,暫時未有遊客攻佔這裡呢!
街坊 李太太
公園的位置就在住宅小區旁,好多街坊食完午飯會在這裡欣賞美景,暫時未有遊客攻佔這裡呢!
難得可以在公園蕩香港已經很少見的鞦韆,邊玩邊看紅葉的體驗相信沒有人試過吧! 金海蓮池公園 地址:釜山慶尚南道金海內洞 / 1072경상남도 김해시 내동 1072 開放時間:9am-10pm
難得可以在公園蕩香港已經很少見的鞦韆,邊玩邊看紅葉的體驗相信沒有人試過吧! 

記者小評

✓ 除咗近,仲要真係冇遊客,影到好 Wide 都唔會有攝石人出現,勁難得!

☓ 附近只有民居,但小食亭都冇一間,大家記得買定食物飲品去野餐。

 

金海蓮池公園
地址: 釜山 慶尚南道金海內洞 / 1072경상남도 김해시 내동 1072(顯示地圖
開放時間:9am-10pm
交通:在 釜山 金海機場出發可乘機場輕軌鐵路到蓮池公園站,於1號出口直走約10分鐘;如在市區西面出發,則乘地鐵到沙上站,再轉機場輕軌鐵路至蓮池公園站,需時約50分鐘

楓林盡染梵魚寺

紅葉 寺內有多幅矮牆,是朝鮮時代的一大建築特色。
寺內有多幅矮牆,是朝鮮時代的一大建築特色。
紅葉 入內的遊客記得要保持安靜, 尊重佛門清淨地。
入內的遊客記得要保持安靜, 尊重佛門清淨地。
紅葉 善信一般都會飲用寺內清澈的山水,以求身體健康。
善信一般都會飲用寺內清澈的山水,以求身體健康。

去民居公園的確方便,但話晒 釜山 多天然美景,點都要上山感受漫天紅葉。首選當然係在地鐵站乘巴士直達的金井山梵魚寺,一來不用怕行到個妝溶都未影到靚相,二來梵魚寺是文武王18年(678年)所建立,有千多年歷史,雖然後來多次受戰火洗禮,但經過重新修築後,在寺間穿梭,所見的高塔、矮牆仍保持韓國古代風格,配上紅葉處處,以及園內依然有不少僧侶清修及善信參拜,無論到那一個位置都有一種古色古香的脫俗之美,拍下的相片都令主角變得氣質不凡的韓妹,是必到的影相呃 Like 之地。

紅葉 傳說有一條金色的魚喜愛乘五色彩雲,從天而降到山中一個金井內嬉戲,這裡因而得名為金井山梵魚寺。
傳說有一條金色的魚喜愛乘五色彩雲,從天而降到山中一個金井內嬉戲,這裡因而得名為金井山梵魚寺。
寺內紅葉如影隨行,每個地方也可以影出靚相。 梵魚寺 地址:釜山廣域市金井區梵魚寺路250 /부산광역시금정구범어사로250 開放時間:8:30am-5:30pm 交通:乘地鐵1號線至梵魚寺站,於5或7號出口,轉乘90號巴士 網址:www.beomeo.kr
寺內紅葉如影隨行,每個地方也可以影出靚相。 

記者小評

✓ 交通超級方便,出地鐵站後亦有清晰指示教你轉巴士上山。

✓ 超級多影相位,每一個轉角的環境都有分別,無一般廟宇咁沉悶。

☓ 要走到很遠才有一個洗手間,希望強國人忍得住!

☓ 沒有小食亭,也沒有小販在賣水,如果想休息只能席地而坐。

 

梵魚寺
地址: 釜山 廣域市金井區梵魚寺路250 / 부산광역시금정구범어사로250(顯示地圖
開放時間:8:30am-5:30pm
交通:乘地鐵1號線至梵魚寺站,於5或7號出口,轉乘90號巴士
網址:www.beomeo.kr

港女必學 紅葉攝影教室

紅葉 童顏攝影師 Him
童顏攝影師 Him

去睇紅葉,除了現場感受美景,重點當然係影到靚相,同全世界開心 Share,咁先叫去過旅行嘛! 今次找來本刊的專業攝影師傳授4個最簡單影紅葉的秘訣,等姊妹們可以即學即試!

懂得配色 如果想照片感覺協調亮麗,在拍火紅的楓紅葉時不妨找上對比色系像藍、白、綠作背景,例如藍天,白牆,甚至是你自己的衣物也可以。
懂得配色
如果想照片感覺協調亮麗,在拍火紅的楓紅葉時不妨找上對比色系像藍、白、綠作背景,例如藍天,白牆,甚至是你自己的衣物也可以。
善用光線 影相最忌背光,但如果背光影紅葉,除了看來更透更紅外,更可突出葉片的色澤和脈絡,如遇正午陽 光在頂,在樹下抑角影上去,是一個不錯的選擇!
善用光線
影相最忌背光,但如果背光影紅葉,除了看來更透更紅外,更可突出葉片的色澤和脈絡,如遇正午陽 光在頂,在樹下抑角影上去,是一個不錯的選擇!

 

紅葉 活用道具 自問不懂擺 Pose,不妨運用身邊的道具,令感覺自然些,在今次拍攝過程中,碰巧有學生踩單車放學,我們立即借用,當堂詩情畫意咗!
活用道具
自問不懂擺 Pose,不妨運用身邊的道具,令感覺自然些,在今次拍攝過程中,碰巧有學生踩單車放學,我們立即借用,當堂詩情畫意咗!
紅葉襯托 如果想修飾自己的包包面,不妨直接用紅葉遮一遮自己,再配上三七面,仲唔係最新的 Profile Picture?
紅葉襯托
如果想修飾自己的包包面,不妨直接用紅葉遮一遮自己,再配上三七面,仲唔係最新的 Profile Picture?

購物篇 ﹣ 希臘風話題Outlet

紅葉 Outlet 由多座建築組成,主樓有層高,食都有齊,行到腳斷隨時有位 Hea。 餐廳集中在平台內及地面露天廣場,要一日行晒都幾吃力。
Outlet 由多座建築組成,主樓有層高,食都有齊,行到腳斷隨時有位 Hea。餐廳集中在平台內及地面露天廣場,要一日行晒都幾吃力。

去得韓國,當然要編排一整日 Shopping 行程,加上近期韓 Won 創4年新低,姊妹們注定會失控!不過咪以為 釜山 只得南浦洞及西面兩大購物點,其實自去年12 月開始,戰線已轉移至鄰近東 釜山 機張的樂天購物中心。這個Outlet 集特賣場、百貨公司、超市及戲院於一身,由市區海雲台出發有多架巴士直達,車程僅30分 鐘,內有近550個國際及本土品牌進駐,上季貨最低打5 折,就連新裝一樣有9折,場內更設有銀行可即時辦理退稅手續,唔使去機場排餐死。不過最欣賞是 Outlet 以希 臘的聖托里尼島為主題,商店幻化成藍白色小屋,配合埋旋轉木馬、帆船、小火車等大量巨型道具,令人忍唔住分心瘋狂自拍!

紅葉 Outlet 內的樂天超市定價與市區一樣,勝在空間大、貨量多,最啱大肆購入韓國零食當手信。
Outlet 內的樂天超市定價與市區一樣,勝在空間大、貨量多,最啱大肆購入韓國零食當手信。
紅葉 黃昏時可爬上約有層樓高的燈塔,俯瞰整個機張市及欣賞美麗日落。
黃昏時可爬上約有層樓高的燈塔,俯瞰整個機張市及欣賞美麗日落。
紅葉 行到腳軟,姊妹們可坐小火車,貫通整個 Outlet,收費為每位W1,000/HK$6.5。
行到腳軟,姊妹們可坐小火車,貫通整個 Outlet,收費為每位W1,000/HK$6.5。
紅葉 場內有多間餐廳,由傳統韓菜到小 Outlet 由多座建築組成,主樓有層高,食都有齊,行到腳斷隨時有位 Hea。
場內有多間餐廳,由傳統韓菜到小 Outlet 由多座建築組成,主樓有層高,食都有齊,行到腳斷隨時有位 Hea。
紅葉 頂樓的清州冷麵為 年歷史的老字號,魚腐冷麵(W9,000/HK$59)配有雞蛋絲、青瓜絲、蘿蔔和魚腐,清爽又足料,大推!
頂樓的清州冷麵為 年歷史的老字號,魚腐冷麵(W9,000/HK$59)配有雞蛋絲、青瓜絲、蘿蔔和魚腐,清爽又足料,大推!
紅葉 走道都用上海洋風裝飾。
走道都用上海洋風裝飾。
紅葉 釜山人金小姐 商場每層都有免費的大型Locker,方便姊妹們寄存戰利品。
釜山 人金小姐
商場每層都有免費的大型Locker,方便姊妹們寄存戰利品。
紅葉 台灣人李先生 在一間店舖購買 W30,000/ HK$196以上,可到3樓的 釜山銀行申請退稅,退返來的錢即刻可以用嚟再買嘢!
台灣人李先生
在一間店舖購買 W30,000/ HK$196以上,可到3樓的 釜山 銀行申請退稅,退返來的錢即刻可以用嚟再買嘢!

 

重點出擊4大潮牌

都說 Outlet 大得誇張,550間舖相等於要喺觀塘 apm 行3次有多! 1樓以國際牌子為主,Fendi、Gucci、Chloe 等噏得出的一線大牌都幾乎找得到。

若嫌熟口熟面,2、3樓主攻的設計韓牌如 Lucky Choco、Egoist、Coming Step 等,以女裝為主,備受一眾韓星力捧,最重要折扣後價錢平民得多,依家即嚴選了4間必買店,等姊妹們可以重鎚出擊!

甜美潮服直逼批發價

5651_1

Plastic Island由女子組合Sistar代言,大 sell 超易配襯的甜美潮服,質料未算好好,但勝在多款揀,一件花邊 Tee最平W7,600/HK$50,價錢直逼東大門批發價,買來著一季都抵!

紅葉 軍褸背心  W39,000 / HK$255
軍褸背心
W39,000 / HK$255
紅葉 碎花 ruffles 邊 top  W29,000 / HK$190
碎花 ruffles 邊 top
W29,000 / HK$190
紅葉 牛仔背心 W49,000 / HK$343
牛仔背心
W49,000 / HK$343

韓look 必備漁夫帽

紅葉 店長 Hyeon 今期最 hit 漁夫帽,勁多韓星入手,好似 RM 的智孝、 孔孝真等,潮人必備呀!
店長 Hyeon
今期最 hit 漁夫帽,勁多韓星入手,好似 RM 的智孝、 孔孝真等,潮人必備呀!

港人熱門代購的Hat’s On,其怪獸卡通 Cap 帽深入民心,又同 G-Dragon 聯乘推出字母帽,最新力作則有《冰雪奇緣》立體 Cap 帽系列,除新品有9折,不少上季貨低至半價,好抵玩。

紅葉 《冰雪奇緣》Olaf 貨車帽 W45,000 / HK$294
《冰雪奇緣》Olaf 貨車帽
W45,000 / HK$294
紅葉 Smith Bridge Fashion Hat W35,000 / HK$229
Smith Bridge Fashion Hat
W35,000 / HK$229

印花圖案Sharp 爆全場

紅葉 LUCKY CHOUETTE 深受人氣韓星熱捧,如Victoria @(f x)、Na Eun @ A Pink。
LUCKY CHOUETTE 深受人氣韓星熱捧,如Victoria @(f x)、Na Eun @ A Pink。

LUCKY CHOUETTE為韓星熱捧的Jardin de Chouette副線,連人氣blogger Susie Bubble遊韓都入手,大讚顏色Sharp 爆、圖案有趣,雖然香港 i.t 都買到,但閒閒地都要過千,呢度只係香港的7折咋!

紅葉 黃色連身裙  W148,800 / HK$967
黃色連身裙
W148,800 / HK$967

5682_1

紅葉 粉紅比堅尼  W79,000 / HK$516
粉紅比堅尼
W79,000 / HK$516
紅葉 沖浪裙褲  W148,800 / HK$967
沖浪裙褲
W148,800 / HK$967

潮跟阿Sa 法牌上身

紅葉 店內有齊今季新款。
店內有齊今季新款。

近年勁 Hit 的法國牌子 Kenzo,其經典老虎圖案 Tee 和衛衣已成為潮人的 Must have item,連阿Sa同曉明嫂都爭住著,Outlet 價比香港平起碼2成,雖然只限上兩季款,但仍然好襟睇。

紅葉 老虎圖案衛衣  W230,000 / HK$1,503
老虎圖案衛衣
W230,000 / HK$1,503
紅葉 白色刺繡背心 W364,500 / HK$2,382
白色刺繡背心
W364,500 / HK$2,382
紅葉 紅色眼仔棒球褸 W811,200 / HK$5,302
紅色眼仔棒球褸
W811,200 / HK$5,302

4折價 平到笑LC 鍋

紅葉 Outlet 內的 LC 專櫃不時推出組合優惠,一個16cm 加20cm 圓鍋只賣 W279,000/HK$1,824,同樣價錢喺香港只買到個細鍋咋!
Outlet 內的 LC 專櫃不時推出組合優惠,一個16cm 加20cm 圓鍋只賣 W279,000/HK$1,824,同樣價錢喺香港只買到個細鍋咋!

除了盲搶平衫,記得記得在Outlet 3樓還有 一個家品部,內有多個廚具品牌專櫃,好似德國的孖人牌同 Frissler、芬蘭的玻璃器皿 iittala、英國花花陶瓷 Portmeirion 等,比百貨公司仲要齊。當然少不了港女大愛的Le Creuset,計過比香港平 60% 有多,可惜係粉色系列欠奉,提提有心去掃煲的姊妹們,買機票時記住加多件行李額嘞!

紅葉 LC 紅色22cm 圓鍋 W220,480 / HK$1,441 ( 香港價 HK$3,488)
LC 紅色22cm 圓鍋
W220,480 / HK$1,441 ( 香港價 HK$3,488)
紅葉 LC 藍色29cm 橢圓形鍋 W275,600 / HK$1,801 ( 香港價 HK$4,488)
LC 藍色29cm 橢圓形鍋
W275,600 / HK$1,801 ( 香港價 HK$4,488)
紅葉 孖人牌廚刀套裝5件 W239,000 / HK$1,562
孖人牌廚刀套裝5件
W239,000 / HK$1,562
紅葉 iittala 森林狐狸系列瓷杯套裝  W56,000 / HK$366
iittala 森林狐狸系列瓷杯套裝
W56,000 / HK$366

記者小評

✓ 大細品牌超過500個,真心多嘢行,就算本人對名牌完全無興趣,淨係主攻平一截的韓牌都夠行一日。

✓ 餐廳選擇多,集齊釜山當地的食店,行到攰輕易找到地方 Hea,配合埋希臘主題的布置,好有 feel。

☓個場太大,指示牌已經唔多,仲只得韓文,想拎住場內指南,但中英文版都派晒,結果好幾次迷路。

東釜山樂天購物中心 地址:釜山機張區機張海邊路147號 / 부산광역시 기장군 기장읍 기장해안로 147  營業時間:星期一至四10am-8pm、星期五至日10am-9pm 交通:海雲台地鐵站1號出口對出巴士站乘100號巴士直達,車程約30分鐘,車費 W1,000 / HK$6.5  網址: http://store.lotteshopping.com/handler/FrontShoppingNews-ListSearch?subBrchCd=063

東釜山樂天購物中心
地址:釜山機張區機張海邊路147號 / 부산광역시 기장군 기장읍 기장해안로 147(顯示地圖
營業時間:星期一至四10am-8pm、星期五至日10am-9pm
交通:海雲台地鐵站1號出口對出巴士站乘100號巴士直達,車程約30分鐘,車費 W1,000 / HK$6.5

網址: http://store.lotteshopping.com/handler/FrontShoppingNews-ListSearch?subBrchCd=063

延伸閱讀:

首爾| 仁寺洞 挑戰任務 @ 莎拉韓情

【 首爾旅遊 】 明洞 瘋狂食買玩~推介行程

【 首爾旅遊 】 地道文化遊!著韓服影靚相

最新吃喝玩樂資訊