澳門
澳門

$1,344澳門St. Regis 住豪啲配超貼心管家 |澳門|

旅遊

廣告

等到頸長的澳門6星級St. Regis卒之在上周開幕,記者立即入住報告返!酒店位於氹仔,主打570呎豪華靚房,開幕優惠做緊$2,688住雙人房一晚,即每人$1,344,屬於豪住!對比同區的高檔酒店如Ritz Carlton和Conrad,價格同是約每位一千中左右,則尚算合理。而St. Regis賣點是有專業管家為住客沖咖啡、安排行程甚至執行李,明顯target有米豪客,難怪現場所見十之有九亦是內地人!如果同父母去玩想住豪啲,開業優惠價住St. Regis都試得過,會送$600消費劵可歎半價SPA,有咩需要都有管家做埋跑腿,唔駛額外畀車馬費,家庭客無晒尿片都有人幫手買嘛!

酒店在哪兒

St. Regis距離氹仔碼頭10分鐘車程,專車只駛至假日酒店的接駁巴士,落車要行5分鐘才到。附近餐廳不多,想食地道嘢或買手信就要到20分鐘步程的官也街。 522

接待處分5張細枱連椅子,check in時可坐低等,貼心。
接待處分5張細枱連椅子,check in時可坐低等,貼心。
記者入住的3012號房面向金沙大道,入夜後附近酒店五光十色,坐在窗台上睇景甚有feel。
記者入住的3012號房面向金沙大道,入夜後附近酒店五光十色,坐在窗台上睇景甚有feel。
基本客房面積達570呎,空間充足,而且張king size床超大超舒服,打橫瞓都得!
基本客房面積達570呎,空間充足,而且張king size床超大超舒服,打橫瞓都得!
藍芽Air Play 房內有靚聲藍芽音響,用電話接駁即可聽歌。
藍芽Air Play
房內有靚聲藍芽音響,用電話接駁即可聽歌。
Mini Bar收費裝彈弓! Mini bar款式多,但要留意佢自動按被拿走的飲品重量收費,就算無飲過放返入去都照樣收錢,所以唔好手多多拎支茅台出來影相啊!
Mini Bar收費裝彈弓!
Mini bar款式多,但要留意佢自動按被拿走的飲品重量收費,就算無飲過放返入去都照樣收錢,所以唔好手多多拎支茅台出來影相啊!
雲石浴室夠氣派,花灑水溫穩定,企缸相當大,企兩個人都得。
雲石浴室夠氣派,花灑水溫穩定,企缸相當大,企兩個人都得。
沐浴露勁正!法國品牌Laboratoire Remède,氣味清香仲有磨砂,沖完好舒爽。
沐浴露勁正!法國品牌Laboratoire Remède,氣味清香仲有磨砂,沖完好舒爽。
拖鞋較一般酒店更厚,踩落去軟綿綿。
拖鞋較一般酒店更厚,踩落去軟綿綿。
鏡上的智能電視屏幕反應遲鈍,撳咗幾下就無心機用。
鏡上的智能電視屏幕反應遲鈍,撳咗幾下就無心機用。

測試管家貼心度:PASS啦!

St. Regis聲稱有專業管家隨傳隨到,記者試過要杯Expresso,15分鐘送到,但就畀錯咗Cappuccino。原來因為一個管家要管4層樓,咖啡只好由助理代勞。但5分鐘後即換返杯啱的,算你啦!朝早再試多次話要Latte,今次管家Jason親自送來,又沖得幾好飲!

試住日管家 Jason
試住日管家 Jason
台灣住客 林先生一家 我們和小朋友來,常要管家幫忙,但他們永無托手踭!我有朋友胃痛,管家即刻叫醫生來看他,更幫佢執埋行李,好好服務!
台灣住客 林先生一家
我們和小朋友來,常要管家幫忙,但他們永無托手踭!我有朋友胃痛,管家即刻叫醫生來看他,更幫佢執埋行李,好好服務!

試住記者Elaine 整體住後感

房間舒適有氣派,張床超大好好瞓,管家態度親切,叫佢做咩都永無say no,就好似多咗個臨時工人咁!基本的USB插頭叉電、免費WIFI都有。但啲燈掣太新好「實淨」,要出盡力先撳到落去,日子耐咗應該會好啲!
$2,688 澳門St.Regis開幕優惠
包括: 1晚雙人房、早餐兩份、$600酒店消費券( 可做spa)、迎賓飲品兩杯
日期: 即日至2016年3月31日
備註: 房間可容納2人,設1張特大king bed,亦可加$200改住兩張queen bed房,船票須自理
預訂方法: www.stregis.com/macao

高質早餐食到飽

St. Regis的開幕優惠包雙人早餐,可算是高質半自助餐,前菜可切少少風乾火腿配麵包,再夾舊三文魚刺身,加多件慢煮五花肉、黑松露蝦餃,更供應10多款邪惡蛋糕,包括甜到漏腰果批和雜莓鬆餅,十足甜品放題!而免費order特色蛋料理一點也不馬虎,煎炒煮焗任你揀,賣相超靚仔,保證相機都餵飽埋!早餐食豐富啲當brunch,都唔算好過分啫!早餐每位原價$248,開幕優惠包埋確實抵讚!

甜品款式超多,而且全部細細件,可一次過試晒所有口味!
甜品款式超多,而且全部細細件,可一次過試晒所有口味!
蛋料理有6款可選,這款是egg benedict配薯餅,即叫即做,水甜品款式超多,而且全部細細件,可一次過試晒所有口味!汪汪蛋黃一叉即流出,配合鬆脆香口薯餅,味道一流!
蛋料理有6款可選,這款是egg benedict配薯餅,即叫即做,水甜品款式超多,而且全部細細件,可一次過試晒所有口味!汪汪蛋黃一叉即流出,配合鬆脆香口薯餅,味道一流!
朝早就有暖笠笠的麵包布甸食,好幸福!
朝早就有暖笠笠的麵包布甸食,好幸福!
必食慢煮五花肉!嫩滑肉質配合酸甜的蜂蜜芥末汁,入口清爽不油膩。
必食慢煮五花肉!嫩滑肉質配合酸甜的蜂蜜芥末汁,入口清爽不油膩。
早餐時段餐廳人流不算多,一坐低即有侍應問你要邊款蛋料理,可落完order去自助餐枱揀食物。
早餐時段餐廳人流不算多,一坐低即有侍應問你要邊款蛋料理,可落完order去自助餐枱揀食物。

The Manor @ St. Regis
早餐價格:每位$248
供應時間:6:30am-10:30am
營業時間:6:30am-11pm;午餐及晚餐供應西式料理及甜品
備註:餐廳分為5個區域,設私人用餐區,可容納12人,有需要可預先訂座
延伸閱讀:
潮流興攔腰斬 新濠影滙 奇幻之旅 【澳門】
【掃街王】狂食海鮮+甜品!澳門10大暴食行程