【12個笑位】當Do姐遇上農夫翠如
農夫教路篇
1. DidDid 姐
第三集Do姐帶住農夫翠如睇古董，欣賞下珠寶首飾。當時佢哋行到一個展覽廳，嗰度啲首飾係外國著名影星戴過，c君就話，如果do姐求其戴一個，日後展覽出嚟就會話DoDo戴過。Do姐緊係發火，點可以直呼其名。6永即刻爆肚，幫Do姐改咗個「過去式」名，全場人即時爆笑。
2. 做做姐 農夫唔單止教英文，仲教埋翻譯，幫Do姐譯咗個專屬中文名「做做姐」。
4. 傻傻分不清Do姐Liza姐 之前金剛叫錯Liza姐做Do姐，依加農夫有樣學樣，調轉叫一次，話補返數打和喎！事後Do姐話，覺得不知幾榮幸，仲叫農夫叫多次添。
[DO姐去Shopping] 叫錯Do姐做Liza姐？C君、6永好「肉酸」？睇吓Do姐點回應佢兩個！Follow instagram “dodo_go_shopping” 有絕密片段送俾大家！#TVB #DO姐去Shopping FAMA 農夫Posted by TVB mytv on Tuesday, 10 November 2015
睇完農夫點揶揄及愛錫Do姐，Do姐當然會以德報怨，照帶大家食好嘢揀正貨！
Do姐報怨篇
5. Do姐餵陸永豬 Do姐旅行都不忘公司同事，話要去烤開心果店買手信。就喺試食期間，有得捧碟但無手試食的6永講咗句：「如果有人餵⋯⋯」Do姐大人有大量，仍然有求必應，餵佢食嘢，仲附加一句：「我當餵豬咁樣！」
6. 鹹點可以得意 農夫經常控訴Do姐成日shopping唔食嘢，Do姐咪帶大家食個lunch。佢哋試咗個疑似拿破崙，但實質係鹹嘅千層酥。Do姐一試就話：「鹹嘅，幾得意。」，之後仲問6永意見，佢咪copy Do姐話好得意喎！點之咁都出事？
7. 大鄉里揶揄Do姐 睇下睇下！C君又有怨言，好彩Do姐皇恩浩蕩，都係得把口叫佢哋返香港，之後行程仍然預埋佢2個大鄉里㗎。
8. Do姐推介shopping點 即使大家成日唔滿意，Do姐仍然精挑細選，表示諗咗成晚終於搵到呢間店帶佢哋去shopping囉！
Do姐話呢到每樣嘢都好適合佢哋㗎！
畢竟 the show must go on，即使冇咗洪永城，翠如bb依然有自己做旅遊節目嘅style。
翠如老點篇
9. 土豪大叫法 翠如教落！究竟點樣可以突圍而出，令自己唔使排隊？留名睇Do姐表演。
10. 倒轉了的memo紙
回到最初的起點第一集，Do姐人生路不熟，咩都指望晒「旅遊達人」黃翠如。當佢哋去到舖頭門口，發現事頭婆出咗去，門口貼咗張紙，Do姐叫翠如即席翻譯法文。
翠如被玩篇
11. 翠如也有蕭正楠
翠如bb即使換咗拍檔，但其實3位男主持嘅本質都唔差得幾遠，所以bb注定都係俾人串。
12. None of your business class
話說翠如bb check in時先發現，自己得優選經濟客位，但農夫就坐商務客位，當然唔忿氣，佢上咗機之後即刻霸咗c君個位。c君就四兩撥千金，耍走咗bb。
