棉花糖香口膠
棉花糖香口膠

1品便利 | 試食超神奇 棉花糖香口膠

旅遊

廣告

韓國人真係創意無限,想食得意又新奇的甜品小食,未必要去高級餐廳排長龍,在便利店都搵得到!講緊的是首爾今期超人氣, GS25同泡泡家族聯乘推出的 棉花糖香口膠 ,睇IG就知韓仔韓妹去便利店時一定買,不過新奇甜品多數伏味濃,即試!士多啤梨味入口唔算甜,口感勁似棉花糖,食食吓變成香口膠質感,真係勁神奇!但唔建議小朋友食,因為入口數秒後漸溶化的效果實在好容易令人有吞的衝動,大家挑戰時記得要提醒自己食緊的是香口膠呀!仲有,今期首爾便利店有大量卡通踩過界,又不定推出聖誕版,大家掃貨要留意!

採訪:A君的泡菜日誌

必試1|泡泡家族棉花糖香口膠

售價:₩1,200/HK$8

必食推介:★★★★★

份量睇落好多,但成杯棉花糖最終只會變成一粒香口膠,一個人食一杯完全無問題!如果想吹波成功,就記得要短時間內食晒成杯啦!

t7_0101
超可愛泡泡家族!
t7_0102
士多啤梨味棉花糖勁好味,而且成杯份量十足!
t7_0108
韓國線記者 Alex :「本時出差,一到夜晚就一定去便利貨掃貨做宵夜,對甜食唔太感興趣不過呢個棉花糖香口膠真係好得意,最鍾意是食落口唔怕有勁假的藥水味!」

必試2|聖誕裝Minions朱古力奶

售價:₩2,000/HK$13

必食推介:★★★★

Minions鍾意食香蕉就係人都知,今個聖誕節,除咗原味香蕉奶,Minions仲換上聖誕裝,推出了朱古力奶同栗米奶,飲完個樽洗乾淨就可以再用,正呀!

t7_0103
左邊的是栗米奶;右邊的是朱古力味。
t7_0104
原味香蕉奶

心試3|萌爆小精靈!比卡超香蕉奶

售價:₩1,300/HK$9

必食推介:★★★

之前7仔出過比卡超饅頭成為大熱,原來都有飲品!呢款香蕉奶比較清甜,果味重奶味輕,唔鍾意飲奶的朋友仔都一定接受到!

t7_0105
超可愛比卡超,唔捨得飲完要丟棄個盒!
t7_0106
奇異種子款是咖啡。

心試4|可愛小雪人!聖誕版香蕉奶

售價:₩1,300/HK$9

必食推介:★★★

呢款香蕉奶就絕對係人人去首爾都一定會飲,今次換上聖誕版包裝,小雪人勁得意,所以飲前記得相機食先!

t7_0107
勁得意!記得影完相先飲!