香港航空貴賓室
香港航空貴賓室

生日免費入Lounge!香港航空 全新貴賓室遨堂|同場加映 最新A350飛曼谷

旅遊

廣告

機場貴賓室向來都只有坐商務艙以上才能使用,窮遊旅客想一嘗進入貴賓室,難道要日求夜求地勤 upgrade?其實航空公司還有提供不同方法讓乘客進入貴賓室,其中香港航空就有項服務,讓生日乘客可以免費享用 香港航空貴賓室 !編輯部為大家直擊港航新 Lounge,並細數不同入 Lounge 方法。

9月新開!香港航空「遨堂」貴賓室

香港航空原本只有在23號閘口的「紫荊堂」貴賓室,剛剛9月就在中場走廊閘口新開了遨堂貴賓室(Club Autus),比起舊貴賓室足足大幾倍!去到唔怕再同人迫無位坐。

香港航空貴賓室 新貴賓室門口位置已經非常闊落,不用跟其他旅客迫餐飽!
新貴賓室門口位置已經非常闊落,不用跟其他旅客迫餐飽!
香港航空貴賓室 使用港航 Lounge 的旅客較少,可以寧靜享受上機前時間。
使用港航 Lounge 的旅客較少,可以寧靜享受上機前時間。
香港航空貴賓室 部分座位面向下一層的免稅店
部分座位面向下一層的免稅店

任食雞蛋仔 多款粉麵選擇

香港航空貴賓室最出名就係有雞蛋仔任你食!而今次新 Lounge 更加有近期大熱芫荽雞蛋仔,還有私心推介必食喇沙!香港航空貴賓室有多達 5 款粉麵選擇,唔使再淨係食魚蛋河。

香港航空貴賓室 雞蛋仔有兩款:原味雞蛋仔、芫荽雞蛋仔!要等上5分鐘才即製起,趕飛機要留意。
雞蛋仔有兩款:原味雞蛋仔、芫荽雞蛋仔!要等上5分鐘才即製起,趕飛機要留意。
香港航空貴賓室 喇沙也是另一推介,落足料而且味道不錯!
喇沙也是另一推介,落足料而且味道不錯!
香港航空貴賓室 自助食物區有意粉、薯蓉等,亦有提供沙律吧。
自助食物區有意粉、薯蓉等,亦有提供沙律吧。
香港航空貴賓室 葡撻、雞塊、春卷等小食也是另類選擇
葡撻、雞塊、春卷等小食也是另類選擇
香港航空貴賓室 食物 Refill 速度不算太慢,而且會定期更換款式。
食物 Refill 速度不算太慢,而且會定期更換款式。

調酒師即席炮製 Cocktail

港航 Lounge 有調酒師駐場,即席為客人炮製 4 款口味 Cocktail,還有為遨堂度身訂造的 Autus 雞尾酒(可選無酒精成分),上機前想歎杯酒舒舒服服喺飛機瞓絕對係好選擇!

香港航空貴賓室 即席會有人炮製 Cocktail,也會有無酒精選擇。
即席會有人炮製 Cocktail,也會有無酒精選擇。
香港航空貴賓室 Cocktail 暫時只有4款選擇,另有兩款啤酒供應。
Cocktail 暫時只有4款選擇,另有兩款啤酒供應。
香港航空貴賓室 會有調酒師即席炮製 Cocktail
會有調酒師即席炮製 Cocktail

長途機不能少 支裝水、罐裝飲品

上飛機最想要就係支裝水!機艙乾燥,過境檢查時又不能帶水進去,唔想喺禁區捱貴水,Lounge 內提供免費支裝水及各類罐裝飲品,上機前拎定支水就唔使下下問空姐攞水飲。

香港航空貴賓室 支裝水之外當然有咖啡
支裝水之外當然有咖啡
香港航空貴賓室 茶包也有英國著名品牌 Twinings!
茶包也有英國著名品牌 Twinings!

睇日落、飛機升降

遨堂特別之處就是對正飛機助跑後的升空位置,更可以遠眺機場島日落!留意黃昏時間入 Lounge 西斜情況頗嚴重,怕曬的女士們要坐返入少少位置,但睇日落等上機,非常有氣氛!

香港航空貴賓室 Lounge 正對著日落方向,浪漫之餘亦非常曬啊!
Lounge 正對著日落方向,浪漫之餘亦非常曬啊!
香港航空貴賓室 也有部分座位面對飛機升降地方
也有部分座位面對飛機升降地方

私人空間 獨立座位

Lounge 大部分空間都是共用座位,亦有數張 bar 枱供乘客使用;新 Lounge 最特別之處就是有6個獨立睡眠位,可以完全平躺,而且非常寧靜舒服,想眠一眠的旅客要 mark 實!

香港航空貴賓室 每格獨立睡眠室也有一張長椅跟小桌子
每格獨立睡眠室也有一張長椅跟小桌子

極秘之頭等專用 Lounge!

港航新 Lounge 還有一個區域專屬頭等艙乘客使用,但香港航空其實暫未提供頭等艙機位,細問下原來只限乘搭伙伴航空公司頭等艙的乘客使用。

香港航空貴賓室 頭等艙專用 Lounge 超寧靜,但港航乘客就暫未能使用了。
頭等艙專用 Lounge 超寧靜,但港航乘客就暫未能使用了。
香港航空貴賓室 以下航空公司的商務/頭等艙乘客都可以免費使用港航新 Lounge。
以下航空公司的商務/頭等艙乘客都可以免費使用港航新 Lounge。

中場客運大樓 搭港航超方便

香港航空新 Lounge 位於中場客運大樓,大部分港航客機已經轉到中場客運大樓上落機,要乘搭機場無人駕駛列車去到尾才能到達!由安檢後前往 Lounge,大概要花 10 分鐘時間,想入 Lounge 要預好時間。

新 香港航空貴賓室 已有清晰指示牌教大家前往,乘搭無人駕駛列車到中場客運大樓一上電梯就到。
新 香港航空貴賓室 已有清晰指示牌教大家前往,乘搭無人駕駛列車到中場客運大樓一上電梯就到。
香港航空貴賓室 入口位置直望閘口 211-219
入口位置直望閘口 211-219

【入Lounge 4大方法】

入Lounge的方法,最正常途徑當然是買張商務或頭等機票,但我等升斗市民也不一定望塵莫及嘅,香港航空的貴賓室勝在有以下4大方法,畀Econ小市民都可以一試特殊服務!

香港航空貴賓室 一向就只有商務艙乘客使用 Lounge,意想不到經濟艙乘客都用到!
一向就只有商務艙乘客使用 Lounge,意想不到經濟艙乘客都用到!

01 | 生日待遇 免費入 Lounge

香港航空提供一項貼心服務,只要乘客在生日當天乘搭香港航空,Check-in 櫃枱就會給予一張免費 Lounge Pass 以及生日禮物,入到禁區就可以使用港航 Lounge!是香港唯一一間有呢項貼心服務嘅航空公司,抵讚!

香港航空貴賓室 生日可以免費入 Lounge!上機的時候更會收到生日卡。
生日可以免費入 Lounge!上機的時候更會收到生日卡。

02 | 跟壽星同行 親友一齊有得入

壽星仔女唔使怕得自己一個入到而親戚朋友入唔到,港航同時會讓壽星的兩位同行親友一同使用 Lounge 服務,絕對唔會留低同行友人一個人喺出面等咁可憐!

香港航空貴賓室 拎住張 Lounge Pass 就可以帶埋兩名親友一齊入!
拎住張 Lounge Pass 就可以帶埋兩名親友一齊入!

03 | 指定信用卡/金鵬會員都入到

除了生日有特別待遇入 Lounge 之外,市面上有兩張信用卡都可以入到港航 Lounge,分別是工銀亞洲及建行,最多一年可以入5次貴賓室!雖然有 quota 限制,一年唔會飛太多次的乘客絕對夠用!金鵬白金/金/銀卡會員也可以使用Lounge!

香港航空貴賓室 持有 ICBC 香港航空 Visa 白金卡及建行香港航空 Fly Away 信用卡都能夠用 Lounge!
持有 ICBC 香港航空 Visa 白金卡及建行香港航空 Fly Away 信用卡都能夠用 Lounge!

04 | 最後策略:買 Pass

真係好想用呢個 Lounge 又唔想畀多一倍價錢坐商務,可以考慮買港航推出的 Lounge Pass,每張盛惠 HK$350,可以在網上購買再到場使用,抵唔抵用就見仁見智。

香港航空貴賓室 HK0 一張 Pass,價錢足足是1/3張台灣機票了!
HK$350 一張 Pass,價錢足足是1/3張台灣機票了!

同場加映:A350新機 9月飛曼谷

香港航空近期最矚目還有引進全新機型 A350 飛 Long-haul!作為港航首批大機,主力會執飛 12月開辦的洛杉磯線,以及明後年開辦的倫敦、三藩市及紐約航線,但少去長途地方也有機會,A350會於9月10日開始試飛曼谷航線,12月前也有機會短途試坐。

香港航空貴賓室 A350 比起一般使用的客機大,足夠飛港航新開的長途路線。
A350 比起一般使用的客機大,足夠飛港航新開的長途路線。

3種座位 任君選購

港航的A350客機,經濟艙採3-3-3格局,跟其他航空公司一樣,窗口比一般飛機大,跟港航過往有別的是,機艙分成三部分,最前為商務客位,中間是新增的Economy Comfort,比後排的經濟艙闊多3吋,座位可向後傾斜多15度。但票價上仍未知道是否有別,在即將投入服務的曼谷線上亦未見有Economy Comfort的票價,有可能會大量 upgrade 經濟艙乘客到 Economy Comfort!

香港航空貴賓室 Economy Comfort 跟經濟艙的設計一樣,但比經濟艙闊3吋。
Economy Comfort 跟經濟艙的設計一樣,但比經濟艙闊3吋。
香港航空貴賓室 座位底部有插座,全球插頭都適用,在機上想用電腦的乘客不怕無電。
座位底部有插座,全球插頭都適用,在機上想用電腦的乘客不怕無電。

香港航空貴賓室 A350全部都有裝設熒幕,飛 Long-haul 唔怕悶!
A350全部都有裝設熒幕,飛 Long-haul 唔怕悶!
香港航空貴賓室 Economy Comfort 的座位數量跟經濟艙不遑多讓,佔了半架飛機。
Economy Comfort 的座位數量跟經濟艙不遑多讓,佔了半架飛機。
香港航空貴賓室 Economy Comfort 的第一排乘客足夠伸直對腳!
Economy Comfort 的第一排乘客足夠伸直對腳!

商務艙可以平瞓

A350商務艙比舊客機的商務艙更闊落,可以平瞓之餘還有 Panasonic 熒幕的娛樂系統,有兩個USB充電位,私人空間完全足夠!

香港航空貴賓室 商務艙的座位非常闊落,可以趁住特價入手!
商務艙的座位非常闊落,可以趁住特價入手!
香港航空貴賓室 飛長途機旅客更可以180度平躺瞓覺!
飛長途機旅客更可以180度平躺瞓覺!
香港航空貴賓室 按熒幕上的鬧鐘可以讓空姐在特定時間提醒起床。
按熒幕上的鬧鐘可以讓空姐在特定時間提醒起床。

相關閱讀:

生日免費入Lounge!香港航空 全新貴賓室遨堂|同場加映 最新A350飛曼谷

相關閱讀:

生日免費入Lounge!香港航空 全新貴賓室遨堂|同場加映 最新A350飛曼谷

最新吃喝玩樂資訊