汗蒸幕
汗蒸幕

汗蒸幕 、任食三文魚! 首爾5大「夜宵磨」推介

旅遊

廣告

飛韓國有不少廉航選擇,三不五時仲會推出超平優惠。不過搶到平飛,都好大機會要捱凌晨機。最慘 首爾 大部分餐廳同娛樂場所都會在夜晚12點前閂門,要等足成晚,又唔想嘥錢住多晚酒店,未夠鐘去機場做咩好?記者推介幾個深夜消磨時間的好去處, 汗蒸幕 、任食三文魚!最啱玩到凌晨的夜鬼,又或者搭通宵機前,玩到最後一刻!

 

專人配對 識返個OPPA返香港

平時睇韓劇,隔住熒光幕睇靚仔oppa,得個恨字。去到 韓國 ,當然想識返個正宗韓仔啦。在弘大就有不少酒吧 ,「쏠로포차」hunting bar 打正旗號玩配對。店員會按人數安排不認識的男女客人同枱,唔使主動出擊咁尷尬。如果坐落唔啱傾,就要靠自己要求轉枱啦。

雖然和韓仔不太溝通到,不過他們都會用半鹹淡 英文加身體語言hard sell自己。
雖然和韓仔不太溝通到,不過他們都會用半鹹淡英文加身體語言hard sell自己。

好似採訪當日,記者和模特兒兩個女仔就被安排跟兩位韓仔同枱。場內全程播住勁爆韓文歌,仲會不時放煙搞氣氛,逼住男男女女要咬耳仔先傾到偈。 傾咗兩句先知,他們是「母胎單身」從來無拍過拖,希望可以識到女仔盡快「脫獨」。不過知我們幫襯只為工作,韓仔可能覺得無行,很快就藉機轉枱,超現實!雖然識仔仔失敗,但都是一個有趣經歷。

人愈多愈易搭枱,建議平日 10 點後或周末幫襯。
人愈多愈易搭枱,建議平日 10 點後或周末幫襯。

加上男女都無需入場費,只要每人叫一份食物或果酒就得,最平W13,000/HK$88就可以慢慢坐識朋友。不過奉勸各位女士唔好有太多fantasy,因為是絕對遇不到一個好似劉大尉的男人㗎!因為近住大學區, 蒲吧 的多數是大學小鮮肉,最多識到個韓國弟弟!

門口宣傳牌話:成功配對率有38%!
門口宣傳牌話:成功配對率有38%!

쏠로포차
地址:首爾特別市麻浦區臥牛山路71(顯示地圖
營業時間:6pm-2am
電話:+82(0)2-325-5959
最低消費:HKD$88
前往方法:上水站1號出口,沿「와우산로」直走5分鐘,至「진다리로」左轉即達

全自助K房 2蚊雞唱1首歌

跟香港一樣, 在韓國 唱K 多數按時段收費。回程之前,想平平地唱吓韓文K 攝時間,不妨去位於弘大的全自助K 房「Wara Coin 코인노래연습장」,最低消費W500/HK$4超抵玩,無時限唔怕畀人趕,hea 到上機都仲得!場內超過20間K房,無人就可以入。K 房不大,最多可以坐4個人,環境幾簡陋,隔音一般,特別在無點歌的時候,記者焗住要欣賞隔籬韓仔的歌喉(瘋狂走音)。

K房唔大,4個人唱啱啱好。如果拎住行李,就連行都無得行!
K房唔大,4個人唱啱啱好。如果拎住行李,就連行都無得行!
大堂有散銀兌換機,自己唱 幾多入幾多。
大堂有散銀兌換機,自己唱幾多入幾多。

不過這裡勝在夠平,平均$2一首,逐首歌計錢,唱到夠鐘隨時走人。歌曲選擇又夠多,歌單每日更新,不通韓文的亦有國語和廣東歌揀。

唱《那些年》居然會變韓國MV,好怪!
唱《那些年》居然會變韓國MV,好怪!

Wara Coin 코인노래연습장
地址:首爾特別市西大門區7內街1(顯示地圖
營業時間:24小時無休
最低消費:HKD$4
前往方法:新村站1號出口,右轉直行10分鐘即達

型爆夜光碌齡 韓妹蒲腳點

去年中香港新開一間夜光 保齡球 場,當然吸引到不少「三日香」的客人啦。原來韓國早幾年前就有得玩,單是江南都有兩間,去年新村分店開業,對於出沒弘大、明洞的遊客方便得多。一走入保齡球場,地下、球道和牆身都有夜光設計;加埋夜光球鞋和色彩繽紛的保齡球,玩得唔叻都可以影相過吓癮。

首爾夜宵磨

記者在平日下午5點去探路,雖然播住快歌,但得一兩個客水靜鵝飛勁無氣氛。玩咗半個鐘,先有返少少人氣。問問在場韓妹,夜晚8點到12點才是高峰時間,16條球道一定full,最少等半個鐘先有得玩。店內無限時玩,只要租鞋費W2,000 / HK$14, 加上每局W4,500/HK$30, 最平$44就有得玩。不過留意玩得太開心忘形,都要細心留意熒光幕。記者好快就玩到第5 局,最後埋單要3萬圜,大失預算!

入場首先要租保齡 球鞋,每對租借費 W2,000 /HK$14。
入場首先要租保齡球鞋,每對租借費W2,000 /HK$14。
場內有汽水、啤酒和小 食,價錢比便利店買到 的貴少少,一罐啤酒要 W3,000/HK$21。
場內有汽水、啤酒和小食,價錢比便利店買到的貴少少,一罐啤酒要W3,000/HK$21。

이대 놀러와 볼링센터
地址:首爾特別市西大門區梨花女人1街10(顯示地圖
電話:+82(0)2-6373-7005
最低收費:每局W4,500/HK30
前往方法:梨大站1號出口直行右轉3分鐘,Yes Apm地下

首爾站 汗蒸幕 歎完即去機場

行街行足咁多日,臨走最好去 汗蒸幕 浸走一身疲 勞。Siloam 汗蒸幕主打遊客生意,餐單和設施都有中英文翻譯,櫃枱更可以寄放行李。加上位置便利,可以步行到鄰近首爾站,絕對是坐凌晨機的落腳首選。

首爾夜宵磨

記者在平日夜晚9點幫襯,客人不多,沖完涼浸大浴池完全不逼人,第一次跟朋友肉帛相見亦不會太尷尬。澡堂內仲有只穿著內衣的阿朱媽,推銷另加W50,000/HK$345 的全身去角質按摩。(可以講價)光脫脫被阿朱媽擦勻全身,做完真心有變滑,下次來韓國一定要再試!在韓劇和綜藝節目,韓國人在汗蒸幕例必會戴上羊角頭、飲甜米釀食雞蛋。以為入到大堂會見到「羊山羊海」?現場睇其實不多,不過問問阿朱媽,她們都會樂意教整頭巾的方法。戴住羊角頭邊歎汗蒸幕,在 40-50℃的黃土窟內爆汗,超舒服!場內仲可以玩埋健身和桌球,玩到攰,男、女睡眠室的環境夠靜,可以好好休息。晚上8點後入場只W15,000/HK$102 ,仲抵過住膠囊酒店。

2樓餐廳有不少韓餐選擇,味道亦都唔差。
2樓餐廳有不少韓餐選擇,味道亦都唔差。
戴上羊咩咩頭的小朋友超可愛!
戴上羊咩咩頭的小朋友超可愛!
韓國人在大堂席地而睡,不過個人會選擇去 專用的睡眠區,貪私隱度比較高又夠靜。
韓國人在大堂席地而睡,不過個人會選擇去專用的睡眠區,貪私隱度比較高又夠靜。

Siloam汗蒸幕
地址:首爾特別市中區中林路49(顯示地圖
營業時間:24小時無休
電話:+82(0)364-3944-5
門票:成人W10,000/HK$68,小童W7,000/HK$48(汗蒸幕5am-8pm入場)
成人W15,000/HK$102,小童W11,000/HK$75(汗蒸幕8pm-5am入場)
最低消費:HKD$102
前往方法:首爾站1號出口,沿行人天橋至對面馬路,步行5分鐘即達

食飽先走!$100狂食三文魚

深夜行到攰玩到餓,十有八九的餐廳都老早閂門,好在仲有弘大的 「연어상회」醫肚!餐廳開業半年,晚飯時段經常大排長龍,事關店內主打任食 三文魚 ,套餐最平不過W14,900/HK$100,包埋海鮮煎餅、炸魷魚和沙律,超級抵食。

價錢平,味道更出乎意料好。記者最愛是炸魷魚,食落香口無油膉味,更不會一口炸粉;三文魚口感肥美,新鮮無雪藏感。店長指三文魚由挪威入口,每日入貨。好味到不斷refill,至少食 足三盤三文魚先至走人,好在店員無黑面托手踭,一行人攬住肚腩超滿 足離開。不過要留意,餐廳要求最少2人同行,全枱人只能選一款套餐。

最貴set都只不過W16,900/ HK$ 115,可以任食埋生牛 肉和生牛肉拌飯。
最貴set都只不過W16,900/HK$ 115,可以任食埋生牛肉和生牛肉拌飯。

연어상회
地址:首爾特別市麻浦區西橋洞362-9(顯示地圖
電話:+82(0)2-322-1366
最低消費:弘大入口站9號出口,往弘益兒童公園行,穿過公園向「와우산로19街」走即達

實用資料

首爾夜宵磨

簽證:持特區護照或BNO免簽證
時差:比香港快1小時
貨幣:韓圜(KRW),現時HK$1約兌KRW148

機票推介
HK Express 每日有3班航機直飛首爾,逢星期一每日有4班,單程票價由$588起。
查詢:www.hkexpress.com

凌晨往返仁川機場
由首爾站出發仁川機場,尾巴車在11:38pm就會出發。如果錯過列車,仲有以下3個通宵入機場的方法。

方法1:的士
普通的士最多可坐4人,不過放埋行李,隨時逼到爆;如果行李太多,3人以上建議由酒店安排預約 Jumbo Taxi,由明洞至機場約需1小時,車程較快。價錢約W90,000/HK$609,人均約$150。

方法2:深夜機場巴士
首爾站開出的,再轉乘通宵巴士。不過留意每晚巴士只有4班,錯過就有排等!車程約90分鐘,價錢最 抵,一人只要W10,000/HK$68。

方法3:預約包車出發
私人包車價錢較貴,較適合一大班朋友預約。記者經KKDAY搜索,最平都要US$130/HK$1,002,最多可坐7人;記者建議透過駐韓港人Blogger安排,同一個車型只需HK$850,人均HK$122。

延伸閱讀:輕鬆平遊首爾!$500入住明洞新淨酒店

汗蒸幕 、任食三文魚! 首爾5大「夜宵磨」推介