飛機surprise
飛機surprise

飛機surprise !!! 3萬呎高空的生日驚喜 @杜遊珍

旅遊

廣告

遇著親朋好友另一半生日結婚等大日子,出埠玩幾日正常不過!撞正正日出發的話,其實機上的光陰都唔會枉過,趁有幾百個「觀眾」同困一架機時慶祝就最surprise!阿珍有個朋友生日流流都要公幹確係陰功,點知回程機上搭正12點,有靚女空姐送上生日蛋糕,即刻咩辛酸、班機delay 都唔記得晒。留意返,航空公司主動獻殷勤唔係老馮,唔想撞手神,原來唔少airline 都有預訂「炮製驚喜」服務,網頁寫明有嘅包括香港航空、維珍、阿聯酋、大韓,同埋網頁無寫但暗中提供 飛機surprise 嘅國泰同新航!不過呢,好多時驚與喜都係一線之差,講到呢門咁高深嘅學問,等阿珍用幾個case 來畀啲建議大家啦—

撰文:杜遊珍 | 圖片:互聯網

 

飛機Surprise

◎ 空姐篤爆驚喜@ 國泰 ◎

國泰有個特別服務,上機前一日或之前預訂加$300就可為對象送上一磅生日蛋糕,阿珍就幫阿客安排過,係無得寫名、加message或揀口味嘅,點幾多支蠟燭就更加免問!不過或之前有網友傷心發表,空姐竟然走去問朋友想幾時上個蛋糕,搞到咩驚喜都冇晒!Sad!

阿珍建議:

記得預訂時就好落定remark想幾時送個蛋糕,空姐冇話包善解人意嘅!

◎ 火辣辣空姐唇印@威航 ◎

有毒男網友生日正日從日本福岡上機返回現實,心情差爆!不過遇上有心思的威航空姐,唔止有生日蛋糕同生日歌,仲有附唇印的賀卡一張,毒男一落機就放上網晒命呃爆like!

阿珍建議:

開心還開心,奉勸已occupied的男士收到後小心處理,唔係水洗都唔清㗎!

◎ Anniversary蛋糕@馬航 ◎

Special surprise除咗生日仲可以係結婚紀念,早兩年有個客book咗個surprise trip同老婆去馬爾代夫,仲坐商務𠻹,但老婆知道坐馬航立即嬲豬,原來老公睇中馬航有個賣相討好的anniversary cake, 仲寫埋flight numberMH177,which is佢兩個嘅initials同結婚紀念日,嬲豬老婆收到surprise立即激動落淚𠻹!

阿珍建議:

天衣無縫嘅surprise阿珍同姊妹講起都一地葡萄,但最近馬航無直飛馬代了!