viu tv
viu tv

電視終於可轉台!Viu TV明星素人去旅行

旅遊

廣告

截稿前亞視仍彌留不去,但無阻Viu TV 4月6號開台,未正式首播,網上的節目預告片已經話題十足。網友睇完即刻話:「好多旅遊節目啊!」。係嘅,同旅遊有關的節目,大大話話有5、6個,仲未計有出埠嘅其他實況節目。地點亦無馬虎,由長洲到歐洲甚至婆羅洲都有,大國小國咩人咩方式的旅行都一一拍咗。知你已經受夠年年都同獎門人去旅行,一於率先預覽睇下轉台有咩節目啦!

《跟住矛盾去旅行》旅行就是搵交拗!

預告片一出,林日曦VS蔣麗芸呢對矛盾組合搶盡風頭,不過暫定首播嘅竟然係長毛同曾鈺成,仲刻意安排去革命國家波蘭過聖誕,參觀「抗命博物館」;其他組合包括何韻詩同高主教去「同性婚姻合法化」無耐的愛爾蘭都柏林,而且二人出發日子喺正當地同志大遊行前後;同埋教育理念大不同的Amanda Tann 同海星老師去到越南河內義教,可謂相當有摩擦力,開台時唔睇實無話題!

深層次矛盾@波蘭:立法會主席曾鈺成 VS 長毛議員

1_2拷貝

波蘭抗命博物館鏽鐵外牆,內部卻是個全新空間,設計概念象徵團結工會成立後,共產統治名存實亡。
波蘭抗命博物館鏽鐵外牆,內部卻是個全新空間,設計概念象徵團結工會成立後,共產統治名存實亡。
館內最搶眼的宣傳海報,是一張五十年代荷里活電影劇照改圖,主角胸前所佩戴的警徽,被改成了工會徽章。
館內最搶眼的宣傳海報,是一張五十年代荷里活電影劇照改圖,主角胸前所佩戴的警徽,被改成了工會徽章。

零溝通@首爾:廢青腦細林日曦VS 尊貴議員蔣麗芸

蔣麗芸:「佢個樣好唔開心,好似好憂鬱咁!」 林日曦:「幫我同佢講早晨!」
蔣麗芸:「佢個樣好唔開心,好似好憂鬱咁!」
林日曦:「幫我同佢講早晨!」

扮偶遇@都柏林:平權女神何韻詩VS 大愛主教高皓正

1_4拷貝

有Gap組合@峇里:超熟女邵音音 VS 輕熟女戴夢夢

1_3拷貝
戴夢夢:「異國他鄉,奇異景致,催生不設防的感情!」( 真實對白!)

Art like/呃 like 女子@佛羅倫斯:藝文中女葉蘊儀 vs 「rest in pieces」連詩雅

原本 Viu TV 曾計劃搵周庭同Dream bear 呢對 「夢幻 」 組合出發 , 但上周夢熊被判入 獄未能成行 , 唔知觀眾想點 pair up呢?

未命名-1
學運女神,周庭。

《跟住矛盾去旅行》

節目播放日期:4月4日(逢星期一及二)10pm-10:30pm
暫定播放次序: 波蘭、首爾、意大利、越南、愛爾蘭、 印尼

以物易物!明星非大晒遊!

明星非大晒遊!受邀的明星二人一組,每組都要用以物易物的方式換取三餐一宿,不用分文地撐過旅程。不過Eric Kwok 同劉心悠二人在超過6日古巴之旅中,又同當地大學生打牌、喺小鎮Trinidad colonial 沙灘同美女飲酒、打壘球。其他明星有啲又重遇故人、同當地美女影相,食地道傳統菜咁,其實都咪話唔開心!

2_3拷貝

《BARTER GAME 價值連城》

陣容: 劉心悠+Eric Kwok;任賢齊+梁漢文;林二汶+駱振偉
地點:古巴、茶馬古道、婆羅洲
節目播出日期:待定

三更窮五更富歐洲小國遊

為咗打破港人對快樂、消費同歐遊嘅觀念,兩位主持專揀歐洲小國,並抽簽決定窮遊定富遊。富貴主持一日有300歐使費;窮主持每日就只有10歐,要無所不用其極地賣藝、打工換宿或沙發衝浪度日,過程中同當地人交換快樂。唔知喺全球快樂指數第4(倒數)的香港,睇完個人會否開心啲呢?!
2_5拷貝

《歐遊全細界》

陣容:陳子豐、蔡雪瑩
地點: 梵蒂岡、安道爾、馬爾他、列支敦士登、聖馬利諾等
節目播出日期:待定

偽葡萄牙行呃like 旅遊

兩個運動型主持一齊出訪葡萄牙…前殖民地澳門,去勻葡式建築、食葡國菜同葡國人影相,用最廉價的方法影旅行呃like 相。不過香港人經常出入澳門,冇返咁上下影相就角度技巧,都難啲上檔喎!
2_6拷貝

《呃like旅行團》

陣容:余曉彤(Hidy)、陳炳銓(Danny)
地點:澳門
節目播出日期:待定

沙發旅行本地離島遊

主持喺本港「沙發旅行」,由地膽帶住體驗地道美食同日常生活。雖然地點近近地,但會大show 電腦特技同後製,希望帶畀觀眾視覺享受,就咁講唔知有幾巴閉,都係拭目以待啦!
2_7拷貝

《借宿一宵》

陣容: 陳俞希(Hailey)
地點:長洲、蒲台島
節目播出日期: 4月11日(逢星期一) 11:45pm-12:15am
延伸閱讀:

亞視真的byebye了!! 難忘ATV的9件大事

飛去粉紅湖 學伊健Wild遊西澳 |澳洲|

跟住鄭伊健 林曉峰 《離家出走自己友》玩盡西澳洲!